ନୂଆଦିଲ୍ଲୀ : ଆୟୁର୍ବେଦରେ ଫଳ ଖାଇବାର ଅନେକ ନିୟମ ବିଷୟରେ କୁହାଯାଇଛି। ଯେଉଁଥିରେ ଏହି ଫଳକୁ ଖାଇବାର ଫାଇଦା ବଢି ଯାଏ। କିନ୍ତୁ ବହୁତ ଲୋକ ଭୁଲ୍ ଉପାୟରେ ଫଳ ଖାଇଥାନ୍ତି। ଯେଉଁଥି ପାଇଁ ଏହି ଫଳ ବଦହଜମି ,ଗ୍ୟାସ , କୋଷ୍ଠକାଠିନ୍ୟ ଓ ଏସିଡିଟି ସମସ୍ୟା ବଢାଇ ଥାଏ। ଏମିତି ବି ଫଳକୁ ଭୋଜନ ପରେ ବା ଖାଲି ପେଟରେ ଖାଇବା ଉଚିତ ନୁହେଁ। ଅନ୍ୟପଟେ ଆପଣ ଯଦି ଏହି ସବୁ ଫଳର ବେନିଫିଟ୍ସ ବଢାଇବାକୁ ଚାହାନ୍ତି ତ ଏହି ଜିନିଷ ସହ ମିଶାଇ ଖାଆନ୍ତୁ।
କଦଳୀ – କଦଳୀରେ ଫାଇବରର ମାତ୍ରା ଖୁବ୍ ଅଧିକ ହୋଇଥାଏ। ଯେଉଁଥି ପାଇଁ ଅନେକ ଲୋକ କଦଳୀ ଖାଇବା କ୍ଷଣି କୋଷ୍ଠ କାଠିନ୍ୟର ସମସ୍ୟା ଅନୁଭବ କରିଥାନ୍ତି। ଏହି ପରିସ୍ଥିତିରେ କଦଳୀ ସହ ଗୁଜୁରାତିର କିଛି ଦାନା ମିଶାଇ ଖାଇବା ଉଚିତ୍। ଏମିତି କରିବାରେ କଦଳୀ ସହଜରେ ହଜମ ହୋଇ ଯାଏ।
ଆମ୍ୱ : ଗରମ ଦିନରେ ଫଳର ରାଜା ଆମ୍ୱ ସମସ୍ତଙ୍କ ପ୍ଲେଟ୍ରେ ଦେଖିବାକୁ ମିଳେ । କିନ୍ତୁ ଏହି ଫଳ ସାବଧାନତାର ସହ ଖାଇବାର ଆବଶ୍ୟକ ହୋଇଥାଏ। ଏହାକୁ ଯଦି ଅଧିକ ଖାଇଦିଅ ତ ପେଟରେ ଗ୍ୟାସ୍ ସମସ୍ୟା ବି ହୋଇପାରେ। ଏବେ ଆମ୍ୱ ଖାଇବାରୁ ରକ୍ଷା ପାଇବା ପାଇଁ ଗ୍ୟାସକୁ ଦୂର କରିବାକୁ ହେଲେ ଏଥିରେ ଚିମୁଟାରେ ଶୁଖିଲା ଅଦା ପାଉଡର ମିଶାନ୍ତୁ। ଏମିତି କରିବା ଦ୍ୱାରା ଆମ୍ୱ ଖାଇଲେ ଶରୀରର ବଢୁଥିବା ଉତ୍ତାପକୁ ହ୍ରାସ କରିବାରେ ସାହାଯ୍ୟ କରିବ ଏବଂ ଆମ୍ୱ ସହଦରେ ଡାଇଜେଷ୍ଟ ହୋଇଯିବ।
ତରବୁଜ : ତରବୁଜକୁ ଖାଇବା ବେଳେ କଳା ଲୁଣ ସହ ଖାଇଥାନ୍ତି । ଏହାର କନେକ୍ସନ କେବଳ ସ୍ୱାଦ ସହ ନୁହେଁ, ଏହି ଲୁଣର କିଛି ମାତ୍ରାର ପକାଇ ଖାଇଲେ ଏହା ଶରୀରରେ ଇଲେକ୍ଟ୍ରୋଲାଇଟ୍କୁ ଭଲ ଭାବେ ବାଲାନ୍ସ କରେ। କାରଣ ଏଥିରେ ସୋଡିୟମ ମାତ୍ରା ବଢିଯାଏ।
କାକୁଡ଼ି: ନ୍ୟୁଟ୍ରିସନିଷ୍ଟ ଶ୍ୱେତା ଶାହ କୁହନ୍ତି , କାକୁଡ଼ିକୁ କେବେ ବି ପ୍ଲେନ ଖାଇବା ଉଚିତ୍ ନୁହେଁ। ଏହା ଉପରେ କିଛି ମାତ୍ରାରେ ଚାଟ୍ ମସଲା ଛିଞ୍ଚି ଖାଇବା ଦ୍ୱାରା , ଏହା ଶରୀରରେ ସହଜରେ ଶୋଷିତ ହୁଏ ଏବଂ ଏହାସହ ବାତକୁ ସନ୍ତୁଳିତ କରିଥାଏ।
ସପୁରୀ ,କମଳା , ଓ ଲେମ୍ୱୁ: ସପୁରୀ , କଣଳା ଓ ଲେମ୍ୱୁ ଭଳି ଫଳର ସ୍ୱାଦ ବଢିବା ସହ ଲାଭ ବି ବଢିଯାଏ। ଏହା କେବଳ ଗରମରେ ରିଫ୍ରେସମେଣ୍ଟ ଦେବା ସହ ,ଏହାକୁ ପୁଦିନା ସହ ବି ମିଶାଇ ଖାଇ ପାରିବେ।
