କେନ୍ଦୁଝର ସଦର,୨୮/୧୦(ଆପ୍ର) କେନ୍ଦୁଝର ଜିଲ୍ଲା ସଦର ଥାନା ଅନ୍ତର୍ଗତ ପଦ୍ମପୁର ପଞ୍ଚାୟତ ବନାଯୋଡି ଗ୍ରାମର ଦେବାନନ୍ଦ ଦଣ୍ଡସେନା (୩୦)ଙ୍କ ତାମିଲନାଡୁ କମ୍ପାଟ ରେଳ ଷ୍ଟେସନ ନିକଟରେ ଟ୍ରେନର କରେଣ୍ଟ ଦ୍ୱାରା ମୃତ୍ୟୁ ଘଟିଥିଲା। ଏ ନେଇ ପ୍ରମେୟରେ ଖବର ପ୍ରସାରଣ ପରେ ପ୍ରଶାସନର ପକ୍ଷରୁ ତତ୍ପରତା ପ୍ରକାଶ ପାଇଥିଲା। ଜିଲ୍ଲାପାଳଙ୍କ ନିର୍ଦେଶ କ୍ରମେ ଜିଲ୍ଲା ଶ୍ରମ ବିଭାଗ ପକ୍ଷରୁ ଆଜି ଦେବାନନ୍ଦଙ୍କ ଶବକୁ ନିଜ ଗାଁକୁ ଅଣାଯାଇ ଗାଁ ଶ୍ମଶାନରେ ସତ୍କାର କରାଯାଇଛି।
ମୃତ ଦଣ୍ଡ ସେନା ଦୁର୍ଗା ପୂଜା ଛୁଟି ସରିବା ପରେ ଗତ ୨୪/୧୦/୨୪ ତାରିଖ ଗୁରୁବାର କାମ କରିବାକୁ ତାମିଲନାଡୁ ଯାଉଥିଲେ । ବାଟରେ ଟ୍ରେନ ଉପରେ ଥିବା ଟ୍ରେନ୍ ଚାଳିତ ବିଦ୍ୟୁତ୍ ସଂସ୍ପର୍ଶରେ ଆସି ତାଙ୍କର ମୃତ୍ୟୁ ହୋଇଥିଲା। ମୃତ ପରିବାର ଲୋକ ମୃତଦେହ ଆଣିବା ପାଇଁ କୌଣସି ଖର୍ଚ୍ଚ ବହନ କରିବେ ନାହିଁ ଏହା ଜିଲ୍ଲା ଶ୍ରମ ବିଭାଗ ହିଁ ବହନ କରିଛି ବୋଲି ଶ୍ରମ ଅଧିକାରୀ ସୂଚନା ଦେଇଛନ୍ତି।