ନୂଆଦିଲ୍ଲୀ, ୧୨।୨: ଆପଣଙ୍କର କେଉଁ ବ୍ଲଡ୍ ଗ୍ରୁପ୍ ? ନିକଟରେ ବ୍ଲଡ୍ ଗ୍ରୁପ୍କୁ ନେଇ ବିଶେଷଜ୍ଞମାନେ ଏକ ଚାଞ୍ଚଲ୍ୟକର ରିପୋର୍ଟ ଦେଇଛନ୍ତି । ଏଭଳି କିଛି ବ୍ଲଡ୍ ଗ୍ରୁପ୍ ରହିଛି, ଯେଉଁମାନଙ୍କୁ କ୍ୟାନସର ଭଳି ମାରାତ୍ମକ ରୋଗ ହେବାର ଆଶଙ୍କା ରହିଥାଏ । ଚେକ୍ କରିନିଅନ୍ତୁ, ତାଲିକାରେ ଆପଣଙ୍କ ବ୍ଲଡ୍ ଗ୍ରୁପ୍ ନାହିଁ ତ ! ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁସାରେ, ଜଣଙ୍କ ବ୍ଲଡ୍ ଗ୍ରୁପ୍ରୁ ତାଙ୍କ ସ୍ୱାସ୍ଥ୍ୟ, ରୋଗ ପ୍ରତିରୋଧକ ଶକ୍ତି ଏବଂ କିଛି ଗୁରୁତର ରୋଗର ଆଶଙ୍କା ବିଷୟରେ ଜାଣିହୁଏ । ଏହି ରୋଗଗୁଡ଼ିକ ମଧ୍ୟରୁ ଗୋଟିଏ ହେଉଛି କର୍କଟ, ବିଶେଷକରି ଗ୍ୟାଷ୍ଟ୍ରିକ୍ କ୍ୟାନସର ।
ବ୍ଲଡ୍ ଗ୍ରୁପ୍ ଏବଂ କ୍ୟାନସର ମଧ୍ୟରେ ସମ୍ପର୍କ:
ବିଶ୍ୱରେ ବଢ଼ୁଥିବା କର୍କଟ ରୋଗ ହାର ମଧ୍ୟରେ, ବୈଜ୍ଞାନିକମାନେ ବୁଝିବାକୁ ଚେଷ୍ଟା କରିଛନ୍ତି ଯେ ବିଭିନ୍ନ ବ୍ଲଡ୍ ଗ୍ରୁପ୍ ଥିବା ଲୋକଙ୍କର କ୍ୟାନସର ଆଶଙ୍କା ଭିନ୍ନ କି ନାହିଁ । ମେଡିକାଲ୍ ଜର୍ଣ୍ଣାଲ୍ ବିଏମ୍ସି କ୍ୟାନସରରେ ପ୍ରକାଶିତ ୨୦୧୯ର ଏକ ଅଧ୍ୟୟନ ଆଶ୍ଚର୍ଯ୍ୟଜନକ ରିପୋର୍ଟ ପ୍ରକାଶ କରିଛି । ଏହି ଗବେଷଣା ଅନୁଯାୟୀ, କିଛି ବ୍ଲଡ୍ ଗ୍ରୁପ୍ର ଲୋକଙ୍କ ମଧ୍ୟରେ ଅନ୍ୟମାନଙ୍କ ତୁଳନାରେ ଗ୍ୟାଷ୍ଟ୍ରିକ୍ କ୍ୟାନସର ହେବାର ସମ୍ଭାବନା ଅଧିକ ଥିବା ଜଣାପଡ଼ିଛି । ପାକସ୍ଥଳୀର ଭିତର ଆବରଣରେ ଅସ୍ୱାଭାବିକ କୋଷ ବୃଦ୍ଧି ହେତୁ ଗ୍ୟାଷ୍ଟ୍ରିକ୍ କ୍ୟାନସର ହୁଏ, ଯାହା ଧୀରେ ଧୀରେ ହେଲ୍ଦି ଟିସୁକୁ କ୍ଷତି ପହଞ୍ଚାଏ । ଏହି ରୋଗ ପ୍ରାରମ୍ଭିକ ପର୍ଯ୍ୟାୟରେ ଜଣାପଡ଼ିନଥାଏ, ଏହା ପ୍ରାୟତଃ ବିଳମ୍ବରେ ଚିହ୍ନଟ ହୁଏ ।
ଏହା ବି ପଢ଼ନ୍ତୁ... ବ୍ରେନ୍, ହାର୍ଟ, କିଡ଼ନୀ...ମଣିଷର ମୃତ୍ୟୁ ପରେ କେଉଁ ଅଙ୍ଗ ପ୍ରଥମେ କାମ କରିବା ବନ୍ଦ କରିଦିଏ ?
କେଉଁ ବ୍ଲଡ୍ ଗ୍ରୁପ୍କୁ ଅଧିକ ବିପଦ ?
ଅଧ୍ୟୟନରୁ ଜଣାପଡ଼ିଛି ଯେ, A ଏବଂ AB ବ୍ଲଡ୍ ଗ୍ରୁପ୍ ଥିବା ଲୋକଙ୍କ ଗ୍ୟାଷ୍ଟ୍ରିକ୍ କ୍ୟାନସର ହେବାର ଆଶଙ୍କା ତୁଳନାତ୍ମକ ଭାବରେ ଅଧିକ ଥାଏ । ତଥ୍ୟ ଅନୁଯାୟୀ, O ରକ୍ତ ଗ୍ରୁପ୍ ଥିବା ଲୋକଙ୍କ ତୁଳନାରେ A ରକ୍ତ ଗ୍ରୁପ୍ ଥିବା ଲୋକଙ୍କର ବିପଦ ୧୩ରୁ ୧୯ ପ୍ରତିଶତ ଅଧିକ ଥାଏ । AB ବ୍ଲଡ୍ ଗ୍ରୁପ୍ ପାଇଁ, ଏହି ବିପଦ ୧୮ ପ୍ରତିଶତ ପର୍ଯ୍ୟନ୍ତ ଅଧିକ ହୋଇପାରେ ।
ପ୍ରୋକ୍ରିୟାଟିକ୍ କ୍ୟାନସର ଏବଂ ବ୍ଲଡ୍ ଗ୍ରୁପ୍ ଟାଇପ୍:
ପୂର୍ବରୁ ୨୦୦୯ ମସିହାରେ, ଦାନା-ଫାର୍ବର କ୍ୟାନସର ସଂସ୍ଥାନର ଗବେଷକମାନେ ବ୍ଲଡ୍ ଗ୍ରୁପ୍ ଏବଂ କ୍ୟାନସର ରିସ୍କ ମଧ୍ୟରେ ଏକ ଲିଙ୍କ୍ କୁ ନିଶ୍ଚିତ କରିଥିଲେ । ରାଷ୍ଟ୍ରୀୟ କ୍ୟାନସର ସଂସ୍ଥାନର ଜର୍ଣ୍ଣାଲରେ ପ୍ରକାଶିତ ଏହି ଅଧ୍ୟୟନରେ ଦୁଇଟି ବଡ଼ ହେଲ୍ ଥ-ଟ୍ରାକିଂ ଅଧ୍ୟୟନରୁ ତଥ୍ୟ ବିଶ୍ଳେଷଣ କରାଯାଇଛି: ନର୍ସଙ୍କ ହେଲ୍ଥ ଷ୍ଟଡି ଏବଂ ହେଲ୍ଥ ପ୍ରଫେସନାଲ୍ସ ଫଲୋ-ଅପ୍ ଅଧ୍ୟୟନର ଡାଟା ତଥ୍ୟ ବିଶ୍ଳେଷଣ କରାଯାଇଛି ।
- A ବ୍ଲଡ୍ ଗ୍ରୁପ୍ଙ୍କ ମଧ୍ୟରେ ପାନକ୍ରୟାଟିକ୍ କ୍ୟାନସର ହେବାର ଆଶଙ୍କା ୩୨ ପ୍ରତିଶତ ଅଧିକ ଥାଏ ।
- AB ବ୍ଲଡ୍ ଗ୍ରୁପ୍ରେ, ଏହି ବିପଦ ୫୧ ପ୍ରତିଶତ ପର୍ଯ୍ୟନ୍ତ ଥାଏ ।
- O ବ୍ଲଡ୍ ଗ୍ରୁପ୍ ଥିବା ବ୍ୟକ୍ତିଙ୍କ ମଧ୍ୟରେ ମୋଟ୍ କ୍ୟାନସର ଆଶଙ୍କା ପ୍ରାୟ ୧୬% କମ୍ ଥିବା ଜଣାପଡ଼ିଛି ।
ବିଶେଷଜ୍ଞମାନଙ୍କ କହିବାନୁସାରେ, ରକ୍ତ ଗ୍ରୁପ୍ A ଥିବା ଲୋକଙ୍କଠାରେ ହେଲିକୋବ୍ୟାକ୍ଟର ପାଇଲୋରି ନାମକ ଜୀବାଣୁ ସଂକ୍ରମଣର ଆଶଙ୍କା ଅଧିକ ଥାଏ, ଯାହାକୁ ଗ୍ୟାଷ୍ଟ୍ରିକ୍ କ୍ୟାନସର ରୋଗର ପ୍ରମୁଖ କାରଣ ବୋଲି ବିବେଚନା କରାଯାଏ । ଆଶ୍ଚର୍ଯ୍ୟର କଥା ହେଉଛି, କିଛି କ୍ଷେତ୍ରରେ ଏହି ଜୀବାଣୁ ନଥିଲେ ମଧ୍ୟ ବିପଦ ରହିପାରେ । ଏହି ସମୟରେ, ବ୍ଲଡ୍ ଗ୍ରୁପ୍ ABରେ ଏହି ଜୀବାଣୁର ଉପସ୍ଥିତି ବିପଦକୁ ଆହୁରି ବୃଦ୍ଧି କରିପାରେ । ସ୍ୱାସ୍ଥ୍ୟ ବିଶେଷଜ୍ଞମାନେ ସ୍ପଷ୍ଟ କରିଛନ୍ତି ଯେ, ବ୍ଲଡ୍ ଗ୍ରୁପ୍କୁ କ୍ୟାନସର ରୋଗର ପ୍ରତ୍ୟକ୍ଷ କିମ୍ବା ଏକମାତ୍ର କାରଣ ଭାବରେ ବିବେଚନା କରାଯାଇପାରିବନାହିଁ । ରୋଗ ପ୍ରତିରୋଧକ ଶକ୍ତିର ପ୍ରତିକ୍ରିୟା, କୋଷ-କୋଷ ମଧ୍ୟରେ ଇଣ୍ଟରକନେକ୍ସନ ଏବଂ ଏସିଡ୍ ସ୍ତର ଭଳି ଅନେକ କ୍ୟାନସରର କାରଣ ହୋଇପାରେ । ଖରାପ ଖାଦ୍ୟ, ଧୂମ୍ରପାନ, ମଦ୍ୟପାନ, ସ୍ଥୂଳତା, ସଂକ୍ରମଣ ଏବଂ ପରିବେଶଗତ କାରଣ ମଧ୍ୟ ଗ୍ୟାଷ୍ଟ୍ରିକ୍ କ୍ୟାନସରର ଆଶଙ୍କା ବୃଦ୍ଧି କରେ ।
ଏଥିରୁ ମୁକ୍ତି ପାଇବାର ଉପାୟ କ’ଣ ?
ସ୍ୱାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ ଅନୁସାରେ, ଆପଣଙ୍କ ବ୍ଲଡ୍ ଗ୍ରୁପ୍ ଯାହା ହେଉନା କାହିଁକି, ଏକ ସୁସ୍ଥ ଜୀବନଶୈଳୀ, ସନ୍ତୁଳିତ ଖାଦ୍ୟ, ତମାଖୁ ପରିହାର ଏବଂ ନିୟମିତ ଡାକ୍ତରୀ ଯାଞ୍ଚ କେବଳ କ୍ୟାନସର ନୁହେଁ ବରଂ ଅନେକ ଗମ୍ଭୀର ରୋଗର ଆଶଙ୍କାକୁ ଯଥେଷ୍ଟ ହ୍ରାସ କରିପାରିବ ।
