ନୂଆଦିଲ୍ଲୀ : ସରକାରୀ ବୀମା କମ୍ପାନୀ ଏଲଆଇସି ବାବା ରାମଦେବଙ୍କ ନେତୃତ୍ୱାଧିନ କମ୍ପାନୀ ପତଞ୍ଜଳୀ ଫୁଡ୍ସରେ ନିଜର ଅଂଶଧନ ବୃଦ୍ଧି କରିଛି। କମ୍ପାନୀ ଖୋଲା ବଜାରରୁ ଏହି କ୍ରୟ କରିଛି। ଉକ୍ତ ନିବେଶ ପରେ ଏବେ ଏଲଆଇସିର ପତଞ୍ଜଳି ଫୁଡ୍ସରେ ମୋଟ୍ ସେୟାର ୪.୯୮୬ ପ୍ରତିଶତରୁ ବଢି ୫.୦୨ ପ୍ରତିଶତ ହୋଇ ଯାଇଛି।
ଏଲଆଇସି ରେଗୁଲେଟରୀକୁ ଦେଇଥିବା ସୂଚନାରେ କହିଛି ଯେ, ପତଞ୍ଜଳି ଫୁଡ୍ସରେ ସେ ନିଜର ସେୟାର ୧,୮୦,୪୮,୩୭୭ ସେୟାରୁ ବୃଦ୍ଧି ପାଇ ୧,୮୧,୭୩,୩୭୭ ସେୟାର ଯାଏ କରିଛି। ଯାହାକି ୫.୦୨୦ ପ୍ରତିଶତ ସହ ସମାନ। କହି ରଖୁଛୁ କି, ଏଲଆଇସି ଓପେନ ମାର୍କେଟ୍ରେ ୧୭୬୪.୯୬ ଟଙ୍କା ପ୍ରତି ସେୟାର ହିସାବରେ ୧,୨୫,୦୦୦ ସେୟାର କିଣିଛି। ଏହି କ୍ରୟ ପରେ ଏଲଆଇସି ପାଖରେ ଏବେ ପତଞ୍ଜଳି ଫୁଡ୍ସର ୧,୮୧,୭୩,୩୭୭ ସେୟାର ହୋଇ ଯାଇଛି।
ପତଞ୍ଜଳି ଫୁଡ୍ସର ନେଟ୍ ପ୍ରଫିଟ୍ ଦ୍ୱିତୀୟ ତ୍ରୟମାସିକରେ ୩୦୯ କୋଟି ଟଙ୍କା ରହିଛି। ବାର୍ଷିକ ଆଧାରରେ କମ୍ପାନୀର ନେଟ୍ ପ୍ରଫିଟ୍ରେ ୨୧,୪୦ ପ୍ରତିଶତର ବୃଦ୍ଧି ହୋଇଛି। କହି ରଖୁଛୁ କି, ଗତ ବର୍ଷ ଏହି ତ୍ରୟମାସିକରେ କମ୍ପାନୀର ନେଟ୍ ପ୍ରଫିଟ୍ ୨୫୪.୫୦ କୋଟି ଟଙ୍କା ରହିଥିଲା।
ଜୁଲାଇରୁ ସେପ୍ଟେମ୍ୱର ବେଳେ ପତଞ୍ଜଳ ଫୁଡ୍ସର ରେଭନ୍ୟୁ ୮୧୫୪.୨୦ କୋଟି ଟଙ୍କା ରହିଛି। କମ୍ପାନୀର ରେଭନ୍ୟୁ ବାର୍ଷିକ ଆଧାରରେ ୪.୨ ପ୍ରତିଶତ ବଢିଛି।
