ତେଲକୋଇ,୨୫।୧ : ତେଲକୋଇ ରେଞ୍ଜ ତାଳପଦା ସେକ୍ସନର ବଡଖମଣ ଇନ୍ଦିରା ଗୋଠ ପାହାଡ଼ରେ ଏକ କଲରା ପତରିଆ ବାଘର ଗଳିତ ମୃତଦେହ ଠାବ କରିଛି ବନ ବିଭାଗ । ବାଘର ବୟସ ଦେଢ଼ ବର୍ଷ ରୁ ଦୁଇ ବର୍ଷ ହେବ ବୋଲି ଅନୁମାନ କରାଯାଉଛି। ବାଘ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ବାଘଟି ସ୍ବାଭାବିକ ଭାବେ ମୃତ୍ୟୁ ଘଟିଥିବା ପ୍ରାଥମିକ ତଦନ୍ତରୁ ଜଣାପଡିଛି।
ବାଘର କିଛି ଅଂଶ ବିଶେଷକୁ ଫୋରେନସିକ ଲାବୋରେଟୋରିକୁ ଟେଷ୍ଟ ପାଇଁ ପଠାଯିବ ବୋଲି କେନ୍ଦୁଝର ବନଖଣ୍ଡ ଅଧିକାରୀ ପ୍ରକାଶ କରିଛନ୍ତି। ସେଠାରୁ ରିପୋର୍ଟ ଆସିଲେ ବାଘ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ବନଖଣ୍ଡ ଅଧିକାରୀ କହିଛନ୍ତି। ଅନ୍ୟପକ୍ଷରେ ତେଲକୋଇ ରେଞ୍ଜ କଳାପାଟ ସଂରକ୍ଷିତ ଜଙ୍ଗଲରେ ପାଞ୍ଚ ରୁ ଛଅଟି କଲରାପତରିଆ ବାଘ ଥିବା ବନଖଣ୍ଡ ଅଧିକାରୀ ପ୍ରକାଶ କରିଛନ୍ତି।
