ନୂତନ ସଂସଦ ଭବନ ଉଦଘାଟନକୁ ବୟକଟ୍ କଲା TMC: ସାଂସଦ କହିଲେ, ‘ପ୍ରଧାନମନ୍ତ୍ରୀ ଭାବୁଛନ୍ତି ମୁଁ, ମୁଁ, କେବଳ ମୁଁ’
ନୂଆଦିଲ୍ଲୀ ୨୩/ ୦୫: ଦେଶର ନୂତନ ସଂସଦ ଭବନ କାର୍ଯ୍ୟ ଶେଷ ହୋଇସାରିଛି । ଆସନ୍ତା ମେ ୨୮ ତାରିଖରେ ସଂସଦ ଭବନ ଉଦଘାଟନ ହେବାକୁ ଯାଉଛି । କିନ୍ତୁ ଏହା ପୂର୍ବରୁ କେଁ ପୂରାଇଛି ତୃଣମୂଳ କଂଗ୍ରେସ । ନୂତନ ସଂସଦ ଭବନ ଉଦଘାଟନକୁ ବୟକଟ୍ କରିଛି ଟିଏମ୍ସି । ଅର୍ଥାତ୍ ମୁଖ୍ୟମନ୍ତ୍ରୀ ମମତା ବାନାର୍ଜୀ କିମ୍ବା ଦଳର ଅନ୍ୟ କୌଣସି ସଂସଦ ଉଦଘାଟନ ଉତ୍ସବରେ ସାମିଲ ହେବେ ନାହିଁ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସିଧାସଳଖ ଟାର୍ଗେଟ୍ କରି ତୃଣମୂଳ କଂଗ୍ରେସ ନେତା ତଥା ରାଜ୍ୟସଭା ସାଂସଦ ଡେରେକ୍ ଓ’ବ୍ରାଏନ୍ କହିଛନ୍ତି, ‘ପ୍ରଧାନମନ୍ତ୍ରୀଙ୍କ ପାଇଁ ସଂସଦ ଉଦଘାଟନ ହେଉଛି ପୂରାପୂରି ଭାବେ ମୁଁ, ମୁଁ, କେବଳ ମୁଁ । ତେଣୁ ଆମେ ନଯିବା ହିଁ ଶ୍ରେୟସ୍କର ଭାବୁଛୁ’। ସଂସଦ କେବଳ ଗୋଟିଏ ବିଲ୍ଡିଂ ନୁହେଁ, ଏହା ପୁରୁଣା ପରମ୍ପରାର ଏକ ପ୍ରତିଷ୍ଠାନ । ଭାରତୀୟ ଗଣତନ୍ତ୍ରର ଏହା ମୂଳଦୁଆ । କିନ୍ତୁ ପ୍ରଧାନମନ୍ତ୍ରୀ ଏହା ଜାଣିପାରୁ ନାହାନ୍ତି’।
Parliament is not just a new building; it is an establishment with old traditions, values, precedents and rules – it is the foundation of Indian democracy. PM Modi doesn’t get that
— Derek O'Brien | ডেরেক ও'ব্রায়েন (@derekobrienmp) May 23, 2023
For him, Sunday’s inauguration of the new building is all about I, ME, MYSELF. So count us out
ସୂଚନା ଯେ, ମେ ୨୮ ତାରିଖରେ ନୂତନ ଭାବେ ନିର୍ମିତ ଭବ୍ୟ ସଂସଦ ଭବନ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସଂସଦ ଗୃହରେ ପ୍ରାୟ ୧୨ଶହ ସାଂସଦଙ୍କ ବସିବା ଭଳି ସିଟ୍ ତିଆରି କରାଯାଇଛି । ଗତ ମେ ୧୮ ତାରିଖରେ ବାଚସ୍ପତି ଓମ୍ ବିର୍ଲା, ପିଏମ୍ ମୋଦିଙ୍କୁ ସାକ୍ଷାତ କରିବା ସହିତ ନୂତନ ସଂସଦ ଭବନ ଉଦଘାଟନ କରିବା ପାଇଁ ନିମନ୍ତ୍ରଣ କରିଥିଲେ । କିନ୍ତୁ ବିରୋଧି ଏହାକୁ ସଜହରେ ଗ୍ରହଣ କରିପାରୁ ନାହାନ୍ତି । ବିରୋଧି ସଦସ୍ୟଙ୍କ କହିବାନୁଯାୟୀ, ସଂସଦର ମୁଖ୍ୟ ଏହାକୁ ଉଦଘାଟନ କରିବା, ସରକାରଙ୍କ ମୁଖ୍ୟ ନୁହେଁ’।
