PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

‘ଅଭିମନ୍ୟୁ’ଙ୍କ ସାରଥି ‘ବିଜୁବାବୁ’: ଆଜି ପରଦାକୁ ଆସିବ ଓଡ଼ିଆ ଚଳଚ୍ଚିତ୍ର ‘ବିଜୁବାବୁ’

image description

ଭୁବନେଶ୍ୱର,୨୮ା୩(ବ୍ୟୁରୋ): ନିର୍ବାଚନ ପୂର୍ବରୁ ପରଦାରେ ‘ବିଜୁବାବୁ’ । ବନ୍ଦେ ଉତ୍କଳ ଜନନୀ କହି ମୈଦାନରେ ପାଦ ରଖିଛନ୍ତି କଳିଙ୍ଗ ଷଣ୍ଢ । ତାଙ୍କର ଆଗମନରେ ରକ୍ଷା ପାଇବ କି ‘ଅଭମିନ୍ୟୁ’ । କେନ୍ଦ୍ରାପଡ଼ା ଚକ୍ରବ୍ୟୂହରେ ଫସିଥିବା ଏ ଅଭିମନ୍ୟୁର ସାରଥୀ ସାଜିବେ କି ବିଜୁବାବୁ । ଓଡ଼ିଶା ରାଜନୀତିରେ ଏ ରୋଚକ ଚର୍ଚ୍ଚା ବେଶ୍‌ ଖୋରାକ ଯୋଗାଇଛି । କେନ୍ଦ୍ରାପଡ଼ା ନିର୍ବାଚନ ରଣାଙ୍ଗନରେ ବିଜେଡିରୁ ଲୋକସଭା ପ୍ରାର୍ଥୀ ହୋଇଛନ୍ତି ଓଲଉିଡର ମେଗାଷ୍ଟାର୍‌ ଅନୁଭବ ମହାନ୍ତି । ସବୁ କଳ୍ପନ ଜଳ୍ପନାର ଅନ୍ତ ଘଟାଇ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଅନୁଭବଙ୍କୁ ପ୍ରାର୍ଥୀ ଭାବେ ଘୋଷଣା କରି ଷ୍ଟାର୍‌ କାର୍ଡ ଖେଳିଛନ୍ତି ।

ସେପଟେ ଶଙ୍ଖ ଫୁଙ୍କିବା ଛାଡ଼ି ପଦ୍ମପୋଖରୀ ବୁଡ଼ ପକାଇଥିବା ଭେଟେରାନ୍‌ ବୈଜୟନ୍ତ ପଣ୍ଡା ତାଙ୍କ ବିପକ୍ଷରେ ବିଜେପିରୁ ପ୍ରାର୍ଥୀ ହୋଇଛନ୍ତି । ପୂର୍ବରୁ ବୈଜୟନ୍ତ ସେହି ଆସନରେ ବିଜେଡିରୁ ଲଢି ବିଜୟ ହୋଇଥିବାବେଳେ ଏଥର ଫଳ କ’ଣ ହେବ ତାହା କହି ହେଉନି । ମାତ୍ର ବୈଜୟନ୍ତ ଜିତିବାର ଭରସା ରଖି ଆଶା ବାନ୍ଧି ବସିଛନ୍ତି । ତେଣୁ ତାଙ୍କୁ ଚେକ୍‌ ଦେବାକୁ ଯାଇ ବିଜେଡି ଶେଷରେ ଅନୁଭବଙ୍କୁ ଟିକେଟ୍‌ ଦେଇଛି । ସେଥିପାଇଁ କେନ୍ଦ୍ରାପଡ଼ାରେ ‘ଶକ୍ତି’ କାର୍ଯ୍ୟକ୍ରମ ମଞ୍ଚରେ ଅନୁଭବଙ୍କୁ ସୁଯୋଗ ଦେଇଥିଲା ବିଜେଡି । ପରେ ସେ ହିଁ ସେହିଠାରୁ ପ୍ରାର୍ଥୀ ହେବେ ବୋଲି ଚର୍ଚ୍ଚା ହେଉଥିଲା, ଯାହାର ସମାପ୍ତି ଘଟିଛି । ଟିକେଟ୍‌ ପାଇ ଅନୁଭବ କହିଛନ୍ତି, ମୁଁ ନବୀନ ବାବୁଙ୍କ ଜଣେ ଲଢ଼ୁଆ ସୈନିକ ହୋଇ କାମ କରିବି । ରାଜନୀତି ସମୀକ୍ଷକ କହିଛନ୍ତି, ରିଲ୍‌ରେ ‘ଅଭିମନ୍ୟୁ’ ଭୂମିକା ତୁଲାଇଥିବା ଅନୁଭବ ରାଜନୀତି ଚକ୍ରବ୍ୟୂହରେ ଫସିଯିବେ ନା’ ଭେଦ କରିପାରିବେ । ଯଦି ଫସିବେ, ତାଙ୍କୁ କିଏ ମୁକୁଳାଇବ । ଏହାଶୁଣି ସିନେପ୍ରେମୀ କହିଛନ୍ତି, ଅଭିମନ୍ୟୁଙ୍କୁ ମୁକୁଳାଇବାକୁ ଫ୍ଲୋର୍‌ରେ ‘ବିଜୁବାବୁ’ ଠିଆ ହୋଇଛନ୍ତି । ଆସନ୍ତାକାଲି ଅନୁଭବଙ୍କ ଅଭିନୀତ ଓଡ଼ିଆ ଚଳଚ୍ଚିତ୍ର ‘ବିଜୁବାବୁ’ ସାରା ଓଡ଼ିଶାରେ ମୁକ୍ତିଲାଭ କରୁଛି ।

ପଦ୍ମଶ୍ରୀ ଡ. ନୀଳମାଧବ ପଣ୍ଡାଙ୍କ ଏହା ପ୍ରଥମ ଓଡ଼ିଆ ଫିଚର୍‌ ଚଳଚ୍ଚିତ୍ର । ଯାହା ବିଜୁ ପଟ୍ଟନାୟକଙ୍କର ଆତ୍ମକାହାଣୀ ନୁହେଁ ବରଂ ତାଙ୍କର ବିଚାରଧାରା, ସ୍ପିରିଟ୍‌ ଏବଂ ଆକର୍ଷିତ କରିବା ଭଳି ବ୍ୟକ୍ତିତ୍ୱ ଉପରେ ପର୍ଯ୍ୟବେସିତ । ସିନେମାରେ ବିଜୁବାବୁଙ୍କ ଭୂମିକାରେ ଅଶ୍ରୁମୋଚନ ମହାନ୍ତି ଅଭିନୟ କରିଥିବାବେଳେ ନାୟକ ଭୂମିକାରେ ଅନୁଭବ ଏବଂ ନାୟିକା ଭୂମିକାରେ ସୁପ୍ରିୟା ନାୟକ ଅଭିନୟ କରିଛନ୍ତି । ଏଥିରେ ୪ଟି ଆକର୍ଷଣୀୟ ଗୀତ ସାଙ୍ଗକୁ ଡ୍ରାମା, ଆକ୍ସନ୍‌, ରୋମାନ୍ସ ଏବଂ କମେଡି ଭରପୁର ମସଲା ରହିଛି । ସିନେମାରେ ନବୀନଙ୍କ ଲୋକପ୍ରିୟ ଡାଏଲଗ୍‌ ‘ଆପଣ ଖୁସି ତ’କୁ ନେଇ ଏକ ଗୀତ ହୋଇଥିବା ବି ଶୁଣିବାକୁ ମିଳୁଛି । ଆସନ୍ତାକାଲି ରିଲିଜ୍‌ ପରେ ଜଣାପଡ଼ିବ ‘ବିଜୁବାବୁ’ ଅଭିମନ୍ୟୁଙ୍କ ଉପରେ କେତେ କୃପା ଦୃଷ୍ଟି ପକାଉଛନ୍ତି ଆଉ କେମିତି ଚକ୍ରବ୍ୟୂହ ଭେଦ କରି ତାଙ୍କୁ ନର୍ବିାଚନୀ ବୈତରଣୀ ପାର୍‌ କରାଉଛନ୍ତି ।

ଅନେକ କହିଛନ୍ତି, ମଉକା ଦେଖି ଚଉକା ମାରିବା ଲକ୍ଷ୍ୟରେ ରହିଛନ୍ତି ଅନୁଭବ । ପ୍ରଚାର ପାଇଁ ଏହାଠୁ ଆଉ ଭଲ୍‌ ସୁଯୋଗ କିଛି ହୋଇନପାରେ । ଆଉ କିଛି କହିଛନ୍ତି, ଜାତୀୟସ୍ତରରେ ମୋଦିଙ୍କ ବାୟୋପିକ୍‌କୁ ବିରୋଧ ହେଉଥିବାବେଳେ ଏଠି ବିଜୁବାବୁଙ୍କ ନାଁରେ ହୋଇଥିବା ଫିଲ୍ମ କେମିତି ରିଲିଜ୍‌ ହେଉଛି । ଯାହା ବି ହେଉ ପୁତ୍ରଙ୍କଠାରୁ ଟିକେଟ୍‌ ପାଇ ବାପାଙ୍କ ଉପରେ ଭରସା ରଖି ଚକ୍ରବ୍ୟୁହକୁ ଭେଦ କରିବାକୁ ଯାଉଛନ୍ତି ଅଭିମନ୍ୟୁ । ପୂର୍ବରୁ ଅନୁଭବଙ୍କ ଧର୍ମପତ୍ନୀ ତଥା ଅଭିନେତ୍ରୀ ବର୍ଷା ମଧ୍ୟ ‘ନିମ୍‌କି’- ନିମ୍‌ପୁରର ନବୀନ ନିବାସ’ ନାଁରେ ଚଳଚ୍ଚିତ୍ର କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ଯେହେତୁ ଗତ ଥର ଟିକେଟ୍‌ ପାଇଥିବା ଷ୍ଟାର୍‌ମାନଙ୍କ ଟିକେଟ୍‌ କଟିବ ବୋଲି ଶୁଣିବାକୁ ମିଳିଥିଲା ଏବଂ ନବୀନ ମହିଳାଙ୍କୁ ଅଗ୍ରାଧିକାର ଦେବାକୁ ଘୋଷଣା କରିଥିଲେ ତେଣୁ ଅନୁଭବ ବୁଦ୍ଧି ବିଚାରି ବର୍ଷାଙ୍କୁ ଏ ଦିଗକୁ ଟାଣିବାର ପ୍ରୟାସ କରିଥିଲେ । କେବଳ ସେତିକି ନୁହେଁ ସୋସିଆଲ୍‌ ମିଡିଆରେ ‘ହକ୍‌ ମାଗୁଛି ଓଡ଼ିଶା’ ନାମରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ କରି କେନ୍ଦ୍ର ସରକାରଙ୍କୁ ଜବାବ ମାଗିଥିଲେ ଅନୁଭବ । ଯାହା ଲୋକପ୍ରିୟତା ହାସଲ କରିଥିଲା । ପରେ ବିଜେଡି ତାକୁ କ୍ୟାମ୍ପେନ୍‌ କରିଥିଲା । ଅନୁଭବ ୨୦୧୩ ଏପ୍ରିଲ୍‌ ୨୭ରେ ବିଜେଡିରେ ଯୋଗ ଦେଇଥିଲେ । ୨୦୧୪ ଜୁନ୍‌ରେ ସେ ରାଜ୍ୟସଭାକୁ ସଦସ୍ୟ ଭାବେ ମନୋନୀତ ହୋଇଥିଲେ ।