ନୂଆଦିଲ୍ଲୀ – ଦିଲ୍ଲୀରେ ସାମାନ୍ୟ କିଛି ଟଙ୍କା ପାଇଁ ପୁଅ ଦ୍ୱାରା ନିଜ ମାଆ , ଭଉଣୀ ଓ ଭାଇର ହତ୍ୟାର ଖବର ସମସ୍ତଙ୍କ ହୃଦୟ ଥରାଇ ଦେଇଛି। ଟ୍ରିପଲ ମର୍ଡର ଘଟାଇବା ପରେ ଅଭିଯୁକ୍ତ ପୁଲିସ ଷ୍ଟେସନରେ ପହଞ୍ଚି ଥିଲା ଏବଂ ହତ୍ୟାକାଣ୍ଡର ବିଭତ୍ସତାକୁ ବର୍ଣ୍ଣନା କରିଥିଲା। ଅଭିଯୁକ୍ତର ଦାବି ଥିଲା ଯେ, ତା ମାଆ ହିଁ ତାକୁ ପରିବାର ଲୋକଙ୍କୁ ମାରି ଦେବା କଥା କହିଥିଲା। ଏହି ବୟାନରେ ପୁଲିସକୁ ସନ୍ଦେହ ଥିଲା ଯେ, ପ୍ରକୃତରେ ଏମିତି କାହିଁକି ସେ କହି ଥିଲେ। ଯେବେ ଜେରା ଆଗକୁ ବଢିଲା, ତ ସେ ଆହୁରି କଥା କହିଲେ – ଯେମିତି ସେ ନିଜକୁ ମାରିବାକୁ ମଧ୍ୟ ଚେଷ୍ଟା କରିଥିଲେ।
ଅଭିଯୁକ୍ତ ଦାବି କରିଥିଲା ଯେ, ସେ ପାଖାପାଖି ୧.୫ କୋଟି ଟଙ୍କାର ଟର୍ମ ଲାଇଫ୍ ଇନ୍ୟୁରେନ୍ସ ପଲିସି ନେଇ ଥିଲେ। ଗତ ଦୁଇ ମାସରେ ସେ ଅନେକ ଥର ଆକ୍ସିଡେଣ୍ଟର ନାଟକ କରି, ସାପ କାମୁଡ଼ିବାର ଦାବି କରି ଏବଂ ଇଞ୍ଜେକ୍ସନ ଦେଇ ନିଜର ଜୀବନ ହାରିବାକୁ ଚେଷ୍ଟା କରିଥିଲେ , କିନ୍ତୁ ସେ ସଫଳ ହୋଇ ନଥିଲା। ଏହିପରି ସେ ପଚରାପଚରିରେ କହିଛି ଯେ, ସେ ନିଜର ମୃତ୍ୟୁର ଖେଳ ମଧ୍ୟ ଖେଳି ଚାଲିଥିଲା।
ଜଣେ ବରିଷ୍ଠ ପୁଲିସ ଅଧିକାରୀଙ୍କ ମୁତାବିକ , ଅଭିଯୁକ୍ତ କହିଛି ଯେ, ଗୋଟିଏ ଦିନ ପୂର୍ବେ ତାର ମାଆ ତାକୁ କହିଥିଲେ – ଯଦି ସେ ମରିବାକୁ ଚାହେଁ ତ, ପ୍ରଥମେ ପରିବାରର ସବୁ ସଦସ୍ୟଙ୍କୁ ମାରି ଦିଅ। ପୁଲିସ ଏହି ମାମଲାରେ ସ୍ପଷ୍ଟ କରିଛି ଯେ, ଏବେ ଏହି ଦାବି ଅଭିଯୁକ୍ତର ବୟାନ ଉପରେ ଆଧାରିତ। ଆମେ ତାଙ୍କୁ ଭେରିଫାଏ କରିବାରେ ଲାଗିଛୁ ଯେ, ବାସ୍ତବରେ ସତ କଣ ?
ପୁଲିସ ମୁତାବିକ , ୟଶବୀର ଯାଞ୍ଚ କରିଥିବା ଲୋକଙ୍କୁ କହିଛି ଯେ, ତାର ପରିବାର ଖୁବ୍ ଅଧିକ ଅର୍ଥ ସଙ୍କଟରେ ରହିଥିଲା ଏବଂ ଭରଣପୋଷଣ ପାଇଁ ସଂଘର୍ଷ କରୁଥିଲା। ତାର ବାପା, ଯିଏ ଜଣେ ଟ୍ରକ୍ ଡ୍ରାଇଭର , କଥିତ ଭାବେ ଗତ ଛଅ ମାସରୁ ପରିବାର ସହ ରହୁ ନାହାନ୍ତି।
