କେନ୍ଦୁଝର ସଦର୧୮/୫: ଗତ ୭ ତାରିଖ ରାତିରେ ହୋଇଥିବା 'ଅପରେସନ ସିନ୍ଦୂର'ର ସଫଳତା ପରେ ଆମ ସେନାଙ୍କୁ ପ୍ରେରଣା ଦେବା ପାଇଁ ସାରା ଦେଶରେ ଆରମ୍ଭ ହୋଇଛି ତ୍ରିରଙ୍ଗା ଯାତ୍ରା। ଏହି କ୍ରମରେ ଆଜି କେନ୍ଦୁଝର ସଦର ନିର୍ବାଚନୀ ମଣ୍ଡଳୀର ବିଭିନ୍ନ ପଂଚାୟତ ଗୁଡିକର ଗ୍ରାମରେ ତ୍ରିରଙ୍ଗା ପତାକା ବୁଲିଛି। ଏଥିରେ ସ୍ଥାନୀୟ ସରପଞ୍ଚ ଠାରୁ ଆରମ୍ଭ କରି ବିଭିନ୍ନ ବର୍ଗର ନେତୃ ବୃନ୍ଦ ସାମିଲ ହୋଇ ଜୟ ଯବାନ, ଯବାନ ଜିନ୍ଦାବାଦ, ହିନ୍ଦୁସ୍ଥାନ ସେନା ଆଗେ ବଢ ହମ୍ ତୁମ୍ଭାରା ସାଥ ହେଁ, ସହିଦ ଅମର ରହେ ଆଦି ଧ୍ୱନୀରେ ଗାଁ ଦାଣ୍ଡ ପ୍ରକମ୍ପିତ ହୋଇ ଉଠିଛି । ସିନ୍ଦୂରର ରଙ୍ଗ ନାଲି ଏବଂ ଏହା ବିଜୟ ଓ ବିପଦ ଉଭୟର ପ୍ରତୀକ। ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଜୀଙ୍କ ନେତୃତ୍ୱରେ 'ଅପରେସନ ସିନ୍ଦୂର' ମାଧ୍ୟମରେ ଆମ ସେନା ଆତଙ୍କୀମାନଙ୍କୁ ନାଲି ରଙ୍ଗ ଆଉ ସିନ୍ଦୂରର ଶକ୍ତି କେତେ ତାହା ଚେତାଇ ଦେଇଛି ବୋଲି ସଦର ବ୍ଲକ ମୁଖ୍ୟମନ୍ତ୍ରୀ ପ୍ରତିନିଧି ଧନୁର୍ଜୟ ମହାନ୍ତ କହିଛନ୍ତି ।