ଭୁବନେଶ୍ଵର, ୦୨/୦୫ : ଦାଦାବଟି ନଦେବାରୁ ଟ୍ରକ୍ ଡ୍ରାଇଭର୍ ଓ ହେଲପରଙ୍କୁ ଆକ୍ରମଣ। ଟଙ୍କା ଦେବାକୁ ମନା କରିବାରୁ ଡ୍ରାଇଭର୍ ଓ ହେଲପରଙ୍କୁ ନିସ୍ତୁକ ପିଟିଲେ ଦୁର୍ବୃତ୍ତ। ଡ୍ୟୁଟିରେ ଥିବା ପୋଲିସ ବି ହେଲେ ଆକ୍ରୋଶର ଶିକାର। ଜଳେଶ୍ଵର ୬୦ନଂ ଜାତୀୟ ରାଜପଥ ଶାନ୍ତିଆ ନିକଟରେ ଏଭଳି ଘଟଣା ଘଟିଛି। ଜଳେଶ୍ୱର ଥାନାର ଏସଆଇ ସୃଷ୍ଟିଧର ବେହେରା ଓ ମହିଳା କନେଷ୍ଟବଳଙ୍କୁ ଦୁର୍ବୃତ୍ତମାନେ ଆକ୍ରମଣ କରିଛନ୍ତି।
ସୂଚନାନୁଯାୟୀ, ୬୦ନଂ ଜାତୀୟ ରାଜପଥ ଶାନ୍ତିଆ ନିକଟରେ ଜଣେ ଡ୍ରାଇଭର୍ ତାଙ୍କ ଟ୍ରକ୍ ଛିଡ଼ା କରାଇ ଚା ପିଇବା ସମୟରେ କିଛି ଯୁବକ ଟ୍ରକ୍ର ହେଲ୍ପର ଓ ଡ୍ରାଇଭରଙ୍କୁ ଘେରି ଦାଦାବଟି ମାଗିଥିଲେ। ଟଙ୍କା ନଦେବାରୁ ଡ୍ରାଇଭରଙ୍କୁ ନିସ୍ତୁକ ମାଡ଼ ମାରିଥିଲେ। ପୋଲିସ ହେଲ୍ପ ଲାଇନ ୧୧୨କୁ କଲ୍ କରି ଜଣାଇବା ପରେ ଘଟଣାସ୍ଥଳରେ ଡ୍ୟୁଟିରେ ଥିବା ଏସଆଇ ସୃଷ୍ଟିଧର ବେହେରା ଓ ମହିଳା କନେଷ୍ଟବଳ ପହଞ୍ଚିଥିଲେ। ଦୁର୍ବୃତ୍ତମାନେ ସେମାନଙ୍କୁ ମଧ୍ୟ ଆକ୍ରମଣ କରିଥିଲେ। ଏବାବଦରେ ଜଳେଶ୍ୱର ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଟ୍ରକ୍ ଡ୍ରାଇଭର, ହେଲପର୍ ଓ ଦୁଇ ପୋଲିସ କର୍ମଚାରୀଙ୍କୁ ଉଦ୍ଧାର କରିବା ସହ ଘଟଣାରେ ସଂପୃକ୍ତ ୪ ଜଣକୁ ଗିରଫ କରିଥିଲା। ଟ୍ରକ୍ ଡ୍ରାଇଭର ଓ ମହିଳା କନେଷ୍ଟବଳଙ୍କ ଥାନାରେ ପୃଥକ ଅଭିଯୋଗ ପରେ ଘଟଣାର ଅଧିକ ତଦନ୍ତ କରୁଛି ଜଳେଶ୍ୱର ପୋଲିସ।
ଏହି ଖବରଟିକୁ ପଢନ୍ତୁ-ଭୁବନେଶ୍ବରରେ ଆଉ ଜଣେ ନେପାଳୀ ଛାତ୍ରୀଙ୍କ ଆତ୍ମହତ୍ୟା
