ମାଲକାନଗିରି ୧୧/୪ ମାଲକାନଗିରି ଜିଲ୍ଲା ଚିତ୍ରକୋଣ୍ଡାର ଦୁଇ ଅଧିକାରୀ କାର ଯୋଗେ ଯାଉଥିବା ବେଳେ ଭିଜିଲାନ୍ସ ବିଭାଗ ପକ୍ଷରୁ ଚଢାଉ ହୋଇଛି । ସେମାନଙ୍କ ନିକଟରୁ ବିପୁଳ ଟଙ୍କା ଜବତ କରି ଉଭୟ ଅଧିକାରୀଙ୍କୁ ଅଟକ ରଖିଥିବା ସୂଚନା ମିଳିଛି । ତେବେ ମିଳିଥିବା ତଥ୍ୟ ଅନୁଯାୟୀ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକରେ କାର୍ଯ୍ୟରତ ଥିବା AE ପବିତ୍ର ମୋହନ ପାଣିଗ୍ରାହୀ ଓ JE ଜଗନ୍ନାଥ ବେହେରା ଏକ କାର ଯୋଗେ ଚିତ୍ରକୋଣ୍ଡାରୁ ଜଯପୁର ଅଭିମୁଖେ ଯାଉଥିବା ବେଳେ ଗୋବିନ୍ଦପାଲି ଘାଟିରେ ସେମାନଙ୍କୁ ଭିଜିଲାନ୍ସ ବିଭାଗର ଅଧିକାରୀ ମାନେ ଚଢାଉ କରିଥିଲେ । ସେମାନଙ୍କ ନିକଟରୁ ପ୍ରାୟ ୫ ଲକ୍ଷ ୧୦ ହଜାର ଟଙ୍କା ଜବତ ହୋଇଛି । ତୁରନ୍ତ ସେମାନଙ୍କୁ କାବୁ କରି ଜୟପୁର ଭିଜିଲାନ୍ସ ବିଭାଗ କାର୍ଯ୍ୟଳୟକୁ ନିଆଯାଇଥିବା ବେଳେ ସେଠାରେ ସେମାନଙ୍କୁ ପଚରା ଉଚରା କରାଯାଉଛି । ତେବେ ଏହି ଅର୍ଥ କେଉଁଠୁ ଆସିଲା ସେନେଇ ତଦନ୍ତ ଜାରି ଥିବା ଜୟପୁର ଭିଜିଲାନ୍ସ ଏସ.ପି ରବୀନ୍ଦ୍ର କୁମାର ପଣ୍ଡା ସୂଚନା ଦେଇଛନ୍ତି ।