ପାଟଣା,୧୯/୧୦: ପାଟଣା ରେଞ୍ଜରେ ୨୭ ଟିକିଆ ହାତୀପଲଙ୍କ ଉପଦ୍ରବ । ଏକର ଏକର ଧାନ ଫସଲ କରିଦେଲେ ନଷ୍ଟ । ସୋରାସପଶି ଗ୍ରାମରେ ଦୁଇଟି ଘର ଭାଙ୍ଗି ଖାଇଗଲେ ଧାନ ଚାଉଳ । କେନ୍ଦୁଝର ଜିଲ୍ଲା ପାଟଣା ରେଞ୍ଜର ସୋରାସପଶି ଗାଁରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବିଗତ ଦିନରେ ଏକ ୨୭ ଟିକିଆ ହାତୀପଲ ପାଟଣା ରେଞ୍ଜର ବିଭିନ୍ନ ଅଞ୍ଚଳରେ ଉତ୍ପାତ ହୋଇଥିଲେ । ହେଲେ ଏପର୍ଯ୍ୟନ୍ତ ସରିନି ହାତୀପଲଙ୍କ ଉପଦ୍ରବ । ସୋରାସପଶି ଗ୍ରାମରେ ପଶି ଦୁଇଟି ଘର ଭାଙ୍ଗି ଦେଇଥିଲେ । ଘର ଭାଙ୍ଗି ସେଠାରେ ଥିବା ଧାନ ଚାଉଳ ମଧ୍ୟ ଖାଇଦେଇଥିଲେ । ପରେ ଉକ୍ତ ଅଞ୍ଚଳରେ ଏକର ଏକର ଧାନ ଫସଲ ମଧ୍ୟ ଦଳି ଚକଟି ସଷ୍ଟ କରି ଦେଇଥିଲେ ଏହି ହାତୀପଲ । ଏନେଇ ବନବିଭାଗକୁ ଖବର ଦେଇଥିଲେ ସ୍ଥାନୀୟଲୋକେ । ବନବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ହାତୀପଲଙ୍କ ଉପରେ ନଜର ରଖିଛନ୍ତି । ତେବେ ବର୍ତ୍ତମାନ ଏହି ହାତୀପଲ ସୋରାସପଶି ଗାଁ ନିକଟରେ ଘୁରି ବୁଲୁଥିବାରୁ ଲୋକେ ଆତଙ୍କିତ ହୋଇ ରହିଛନ୍ତି ।
