ଆନନ୍ଦପୁର, ୧୮/୦୧ : ଆନନ୍ଦପୁର ଥାନା ବିରିଡ଼ିହି ଛକ ନିକଟରେ ଦୁର୍ଘଟଣା। ପିକଅପ୍ ଭ୍ୟାନ୍ ଧକ୍କାରେ ମାମୁଁ ଭାଣିଜୀ ଗୁରୁତର। ସ୍ଥାନୀୟ ଲୋକେ ଦୁହିଁଙ୍କୁ ଉଦ୍ଧାର କରି ଆନନ୍ଦପୁର ମେଡିକାଲକୁ ପଠାଇଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ଦୁହିଁଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି।
ଏହି ଖବରଟିକୁ ପଢନ୍ତୁ-ଡାଲମିଆ ସିମେଣ୍ଟ ପ୍ଲାଣ୍ଟ ଅଘଟଣ : ମୃତକଙ୍କ ପରିବାରକୁ ୨୫ ଲକ୍ଷ ସହାୟତା, ସ୍ତ୍ରୀଙ୍କୁ ଚାକିରି ସହ ପିଲାଙ୍କ ପଢା ଖର୍ଚ୍ଚ ଦେବ କମ୍ପାନୀ
ସୂଚନାନୁଯାୟୀ, ଶନିବାର ସକାଳୁ ବିରିଡିହା ରଣାସାହି ଗ୍ରାମର ରବୀନ୍ଦ୍ର ରଣା (୫୬ ବର୍ଷ) ତାଙ୍କ ଭାଣିଜୀକୁ ବାଇକ୍ରେ ଧରି ବିରିଡିହା ବଜାରକୁ ଯାଉଥିଲେ। ଏହି ସମୟରେ ନଦା ପଟୁ ଏକ ଗୋରୁ ବୁହା ପିକଅପ୍ ଭ୍ୟାନ୍ ଗୋରୁ ଖାଲି କରି ଦ୍ରୁତ ବେଗରେ ଫେରୁଥିବା ବେଳେ ବିରିଡିହା ଛକ ନିକଟରେ ରବୀନ୍ଦ୍ରଙ୍କ ବାଇକ୍କୁ ଧକ୍କା ଦେଇଥିଲା। ଫଳରେ ରବୀନ୍ଦ୍ର ଏବଂ ତାଙ୍କ ଭାଣିଜୀ ବଜାର ନିକଟରେ ଥିବା ଏକ ଅଜବେଷ୍ଟସ୍ ଉପରକୁ ଫୋପାଡି ହୋଇପଡିଥିଲେ। ସ୍ଥାନୀୟ ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆନନ୍ଦପୁର ମେଡିକାଲକୁ ପଠାଇଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ଦୁହିଁଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ସ୍ଥାନୀୟ ଲୋକେ ପିକଅପ୍ ଭ୍ୟାନ୍ଟିକୁ ଅଟକାଇ ଆନନ୍ଦପୁର ପୋଲିସ ଜିମା ଦେଇଛନ୍ତି।
