PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ : ଆଠଗଡ ଅଂଶୁପା ହ୍ରଦ ନିକଟରୁ କାରରୁ ୧୩୫୫ ଗ୍ରାମର ବ୍ରାଉନସୁଗାର ଜବତ
  • ||
  • ତିଗିରିଆ : ଅଜଣା ଗାଡି ଧକ୍କାରେ ଯୁବକ ଗୁରୁତର, ରାତ୍ରି ପାଟ୍ରୋଲିଂ ବେଳେ ଉଦ୍ଧାର କଲା ପୋଲିସ
  • ||
  • ବଲାଙ୍ଗିର : ରେଲୱେ ଜଙ୍କସନରୁ ୨୫ ଦାଦନ ଶ୍ରମିକ ଉଦ୍ଧାର
  • ||
  • ବଲାଙ୍ଗିର : ପୁତୁରାର ଗୁଳିମାଡ଼ରେ ଖୁଡ଼ୀ ଗୁରୁତର, କାରଣ ଅସ୍ପଷ୍ଟ
  • ||
  • ନିଶ୍ଚିନ୍ତକୋଇଲି : ନଗସପୁର ବଜାରରେ ସିରିଜ୍ ଲୁଟ୍, ୧୬ଟି ଦୋକାନରୁ ଚୋରି କରିନେଲେ ଦୁର୍ବୃତ୍ତ
  • ||

ୟୁପିରେ ଜୈଶର ୨ ଆତଙ୍କବାଦୀ ଗିରଫ

source: https://www.jansatta.com

ଲକ୍ଷ୍ନୌ,୨୨।୨: ପୁଲଓ୍ବାମା ଆତଙ୍କବାଦୀ ଆକ୍ରମଣର ଷଡଯନ୍ତ୍ର ରଚିଥିବା ଜୈଶ-ଇ-ମହମ୍ମଦର ୨ ଆତଙ୍କବାଦୀଙ୍କୁ ଆଜି ଉତ୍ତରପ୍ରଦେଶର ସାହାରନପୁରରୁ ଗିରଫ କରାଯାଇଛି। ଗିରଫ ହୋଇଥିବା ଜଣେ ଆତଙ୍କବାଦୀଙ୍କ ନାମ ଶାହାନଓ୍ବାଜ ଅହମ୍ମଦ ତେଲି। ଶାହାନଓ୍ବାଜ କୁଲଗାଓଁରେ ରୁହେ। ଗିରଫ ହୋଇଥିବା ଅନ୍ୟ ଆତଙ୍କବାଦୀ ଜଣକର ଘର ପୁଲଓ୍ବାମରେ ହୋଇଥିବା ବେଳେ ତା’ର ନାଁ  ଆକିବ ଅହମ୍ମଦ ମଲିକ ବୋଲି ଜଣାପହିଛି। ଏହି ଦୁଇଜଣଙ୍କୁ ଦେଓବନ୍ଦର ଏକ ହଷ୍ଟେଲରୁ ଗିରଫ କରାଯାଇଛି। ଦୁହେଁ କଶ୍ମୀର ଛାତ୍ର ବୋଲି ପରିଚୟ ଦେଇ ସେଠାରେ ରହୁଥିଲେ।

ୟୁପି ପୋଲିସ  ଡିଜିସି ଓପି ସିଂହ କହିଛନ୍ତି ଶାହନଓ୍ବାଜ ଜୈଶର ସକ୍ରିୟ ସଦସ୍ୟ। ସେ ନିଜ ସଂଗଠନ ପାଇଁ  ନିଯୁକ୍ତି କରାଉଥିଲା। ଦୁହିଁଙ୍କ ପାଖରୁ ୩୨ ବୋରର ପିସ୍ତଲ ଏବଂ  ୩୦ ଟି ଅଫୁଟା ଗୁଳି ଜବତ କରାଯାଇଛି। ପୋଲିସକୁ ସେମାନଙ୍କ ନିକଟରୁ ବହୁ ଜିହାଦୀ ଦସ୍ତାବିଜ ମିଳିଛି। ଦୁହିଁଙ୍କ ମଧ୍ୟରେ ଶାହନଓ୍ବାଜ ଗ୍ରେନେଡ ଲଞ୍ଚ କରିବାରେ ଏକ୍ସପର୍ଟ ବୋଲି କୁହାଯାଉଛି। ପୋଲିସର କହିବା ଅନୁସାରେ ଦୁହିଁଙ୍କୁ କୋର୍ଟରେ ହାଜର କରାଯାଇ ତାଙ୍କୁ ରିମାଣ୍ଡରେ ନିଆଯିବ। ସେମାନଙ୍କ ଲକ୍ଷ୍ୟ କ’ଣ ଥିଲା ଏବଂ ତାଙ୍କୁ କିଏ ପାଣ୍ଠି ଯୋଗାଉଥିଲା ସେ ବିଷୟରେ ପଚରାଉଚରା କରାଯିବ।

ସମ୍ବନ୍ଧିତ ଖବର