ନୂଆଦିଲ୍ଲୀ,୦୨/୧୧: ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ (ୟୁପିଆଇ) ଲାଇଟ ୟୁଜରଙ୍କ ଲାଗି ଖୁସି ଖବର । ଏହି ବର୍ଗର ୟୁଜର ଏବେ ୧୦୦୦ ଟଙ୍କା ଟ୍ରାନ୍ସଫର କରିପାରିବେ । ଆର୍ବିଆଇ ୟୁପିଆଇ ଲାଇଟର ଟ୍ରାଞ୍ଜାକ୍ସନ ଲିମିଟ୍କୁ ୫୦୦ ଟଙ୍କାରୁ ବୃଦ୍ଧି କରି ୧୦୦୦ ଟଙ୍କା କରିଛି ।
ଏହା ସହ ୟୁପିଆଇ ଲାଇଟ୍ ୱାଲେଟ ସୀମା ୨ ହଜାର ଟଙ୍କାରୁ ୫ ହଜାରକୁ ବଢ଼ିଛି । ଫିଚର ଫୋନ ୟୁଜରଙ୍କ ଲାଗି ଆର୍ବିଆଇ ୟୁପିଆଇ ୧୨୩ ଲିମିଟକୁ ୫୦୦୦ରୁ ବଢ଼ାଇ ୧୦,୦୦୦ ଟଙ୍କା କରିଛି । ଏହା ସହ ୟୁପିଆଇ ଲାଇଟ ବାଲାନ୍ସ ଧାର୍ଯ୍ୟ ସୀମାଠାରୁ ନିମ୍ନକୁ ଗଲେ ଟପ୍ଅପ୍ ଫିଚର ଜରିଆରେ ୟୁପିଆଇ ଲାଇଟ୍ରେ ପୁଣି ଥରେ ଟଙ୍କା ଯୋଡ଼ିପାରିବେ । ଏହାକୁ ମାନୁଆଲ ଟପ୍ଅପ୍ କରାଇବାକୁ ପଡ଼ିବନି ।
