ନୂଆଦିଲ୍ଲୀ,୧୨/୭; ଡୋନାଲ୍ଡ ଟ୍ରମ୍ପଙ୍କ ପାଇଁ ଆସିଲା ଦୁଃଖଦ ଖବର । ଦକ୍ଷିଣ କାରୋଲିନାର ରିପବ୍ଲିକାନ୍ ଆମେରିକୀୟ ସେନେଟର ଲିଣ୍ଡସେ ଗ୍ରାହାମଙ୍କ ଦେହାନ୍ତ ହୋଇଛି । ୭୧ ବର୍ଷରେ ଲିଣ୍ଡସେଙ୍କ ପରଲୋକ ହୋଇଛି । ଡୋନାଲ୍ଡ ଟ୍ରମ୍ପଙ୍କ ଜଣେ ଘନିଷ୍ଠ ସହଯୋଗୀ ଏବଂ ତାଙ୍କ ନୀତିର ଜଣେ ପ୍ରମୁଖ ପ୍ରଶଂସକ ସିନେଟର ଲିଣ୍ଡସେ ଗ୍ରାହମଙ୍କ ବିୟୋଗ ହୋଇଛି । ସେ କିଛି ଦିନ ଧରି ଅସୁସ୍ଥ ଥିଲେ । ହସ୍ପିଟାଲରେ ତାଙ୍କର ଚିକିତ୍ସା ଚାଲିଥିଲା । ସେ ଦକ୍ଷିଣ କାରୋଲିନାର ଜଣେ ସେନେଟର ଥିଲେ ଏବଂ ସମ୍ପ୍ରତି କିଭ ଗସ୍ତ କରିଥିଲେ । ଭାରତ ଉପରେ ୫୦୦ ପ୍ରତିଶତ ଶୁଳ୍କ ଲଗାଇବାକୁ ଧମକ ଦେଇଥିଲେ ଲିଣ୍ଡସେ । ତାଙ୍କ ବିୟୋଗ ଖବର ନିଶ୍ଚିତ କରିଛନ୍ତି ରିପ୍ଲିକାନ ପାର୍ଟିର ଜଣେ ନେତା । ଲିଣ୍ଡସେଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି ।
ଲିଣ୍ଡସେ ଗ୍ରାହମ କିଏ ?
.ଲିଣ୍ଡସେ ଗ୍ରାହମ ରିପବ୍ଲିକାନ୍ ପାର୍ଟି ସହିତ ଜଡିତ ଜଣେ ପ୍ରମୁଖ ଏବଂ ବରିଷ୍ଠ ଆମେରିକୀୟ ରାଜନେତା ଥିଲେ। ସେ ୨୦୦୩ ରୁ ୨୦୨୬ ଜୁଲାଇ ପର୍ଯ୍ୟନ୍ତ ଆମେରିକୀୟ କଂଗ୍ରେସ (ସେନେଟ୍)ର ଉଚ୍ଚ ସଦନରେ ଦକ୍ଷିଣ କାରୋଲିନା ରାଜ୍ୟକୁ ପ୍ରତିନିଧିତ୍ୱ କରିଥିଲେ ।
.ସେ ୨୦୦୩ ମସିହାରୁ ଆମେରିକୀୟ ସିନେଟର ସଦସ୍ୟ ଅଛନ୍ତି ଏବଂ ବଜେଟ କମିଟିର ଅଧ୍ୟକ୍ଷ ଭାବରେ ମଧ୍ୟ କାର୍ଯ୍ୟ କରିଛନ୍ତି ।
. ସେନେଟର ହେବା ପୂର୍ବରୁ, ସେ ୧୯୯୫ ରୁ ୨୦୦୩ ପର୍ଯ୍ୟନ୍ତ ଆମେରିକୀୟ ସଂସଦର ନିମ୍ନ ସଦନ ଅର୍ଥାତ୍ ହାଉସ ଅଫ୍ ରିପ୍ରେଜେଣ୍ଟେଟିଭସର ସଦସ୍ୟ ମଧ୍ୟ ଥିଲେ ।
.ରାଜନୀତିରେ ପ୍ରବେଶ କରିବା ପୂର୍ବରୁ, ସେ ଆମେରିକୀୟ ବାୟୁସେନାରେ ଜଣେ ଓକିଲ ଭାବରେ କାର୍ଯ୍ୟ କରିଥିଲେ ଏବଂ କର୍ଣ୍ଣେଲ ପଦରୁ ଅବସର ନେଇଥିଲେ।
.ଲିଣ୍ଡସେଙ୍କୁ ୱାଶିଂଟନରେ ଜଣେ ଦକ୍ଷ ନେତା ଭାବେ ବିବେଚନା କରାଯାଉଥିଲା, ସେ ଏକ ଶକ୍ତିଶାଳୀ ଆମେରିକୀୟ ସାମରିକ ବାହିନୀ ଏବଂ ଇରାକ ଏବଂ ଆଫଗାନିସ୍ତାନ ଯୁଦ୍ଧ ଭଳି ବିଦେଶରେ ଆମେରିକାର ହସ୍ତକ୍ଷେପର ଜଣେ ଦୃଢ଼ ସମର୍ଥକ ଥିଲେ । ତାଙ୍କୁ ଇସ୍ରାଏଲ ଏବଂ ୟୁକ୍ରେନର ମଧ୍ୟ ଜଣେ ଦୃଢ଼ ସମର୍ଥକ ଭାବରେ ବିବେଚନା କରାଯାଉଥିଲା ।
ଏହା ବି ପଢନ୍ତୁ...Vietnam Boat Accident: ଖୁସି ମନାଇବାକୁ ଯାଇଥିଲେ ଶବ ହୋଇ ଫେରିଲେ...LAVA କର୍ମଚାରୀଙ୍କ ଭିଏତନାମ ଟ୍ରିପ୍ର ଦୁଃଖଦ ଅନ୍ତ
ଭାରତ ପ୍ରତି କଠୋର ମନୋଭାବ- ଡୋନାଲ୍ଡ ଟ୍ରମ୍ପଙ୍କ ଦ୍ୱିତୀୟ କାର୍ଯ୍ୟକାଳ ସମୟରେ, ସେ ଭାରତ ପ୍ରତି ବହୁତ କଠୋର ମନୋଭାବ ଗ୍ରହଣ କରିଥିଲେ । ସେ ୟୁକ୍ରେନ ଯୁଦ୍ଧ ପାଇଁ ବାରମ୍ବାର ଭାରତକୁ ଟାର୍ଗେଟ କରିଥିଲେ ଏବଂ ଗତ ବର୍ଷ, ସେ ଏକ ବିଲ୍ ଘୋଷଣା କରିଥିଲେ ଯାହା ରୁଷୀୟ ତୈଳ କ୍ରୟ ପାଇଁ ଭାରତ ଏବଂ ଚୀନ୍ ଉପରେ ୫୦୦ପ୍ରତିଶତ ଶୁଳ୍କ ଲାଗୁ କରିବ। ଏହି ସପ୍ତାହରେ, ଲିଣ୍ଡସେ ଗ୍ରାହାମ ଟ୍ରମ୍ପ ପ୍ରଶାସନ ସହିତ ଏକ ଚୁକ୍ତିରେ ପହଞ୍ଚିଥିଲେ, ଏବଂ ବିଲରେ କିଛି ସଂଶୋଧନ କରାଯାଇଥିଲା । ଏହି ବିଲ୍ ଖୁବ୍ ଶୀଘ୍ର ଆମେରିକା ସିନେଟରେ ଆଗତ ହେବାର କାର୍ଯ୍ୟକ୍ରମ ରହିଛି, ଯାହାକୁ ୮୦ରୁ ଅଧିକ ସିନେଟରଙ୍କ ସମର୍ଥନ ମିଳିଛି । ଲିଣ୍ଡସେ ଗ୍ରାହମଙ୍କ ପାରିତ ହେବା ବିଲର ଭବିଷ୍ୟତ ଉପରେ ପ୍ରଶ୍ନ ଉଠାଇଛି ।
