ଓ୍ବାଶିଂଟନ୍ ୧୪|୨: ଭେନେଜୁଏଲାର ରାଷ୍ଟ୍ରପତି ନିକୋଲାସ୍ ମାଦୁରେଙ୍କୁ କ୍ଷମତାରୁ ହଟାଇବାରେ ବିଫଳ ହୋଇଥିବା ଆମେରିକା ଏବେ ଏହି ଲାଟିନ୍ ଆମେରିକୀୟ ଦେଶକୁ ଆର୍ଥିକ ରୂପରେ ନଷ୍ଟ କରିବାରେ ଲାଗିଛି। ଏବେ ଆମେରିକା ଭାରତ ସହ ଅନ୍ୟ ଦେଶଙ୍କୁ ଭେନେଜୁଏଲାରୁ ତୈଳ ନ କିଣିବାକୁ ଚେତାବନୀ ଦେଇଛି।

{"id":3579,"width":744,"height":573}

ଆମେରିକାର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଜନ୍ ବୋଲ୍ଟ କହିଛନ୍ତି ଯେଉଁ ଦେଶ ଓ କମ୍ପାନୀ ଭେନେଜୁଏଲା ରୁ ତୈଳ କିଣିବ ତାକୁ ଏହାର ଦଣ୍ଡ ଭୋଗିବାକୁ ହେବ। ତାଙ୍କୁ କ୍ଷମା କରାଯିବନି। ଉଲେଖନୀୟ ଯେ, ଭାରତ ମଧ୍ୟ ଭେନେଜୁଏଲା ଠାରୁ ତୈଳ କିଣୁଛି।

{"id":3580,"width":739,"height":544}

ବୋଲ୍ଟନଙ୍କ ଏହି ଚେତାବନୀ ମଙ୍ଗଳବାର ଭାରତର ନଏଡାରେ ଭେନେଜୁଏଲାର ତୈଳମନ୍ତ୍ରୀଙ୍କ ବୟାନ ପରେ ଆସିଛି । ଗ୍ରେଟର ନଏଡାରେ ହୋଇଥିବା ପେଟ୍ରୋଟେକ୍ କନଫ୍ରେନ୍ସର ସାମ୍ବାଦିକ ସମ୍ମିଳନୀରେ ଭେନେଜୁଏଲା ତୈଳମନ୍ତ୍ରୀ କହିଥିଲେ କଟକଣା ଲାଗିଥିବା ତାଙ୍କ ଦେଶ ଭାରତକୁ ଅଧିକ ମାତ୍ରାରେ କଞ୍ଚା ତୈଳ ବିକ୍ରି କରିବାକୁ ଚାହେଁ। ଭେନେଜୁଏଲାର ତୈଳମନ୍ତ୍ରୀ ମାନୁଏଲ କ୍ୟୁଡୋ ସେଠାକାର ସରକାରୀ ତୈଳ କମ୍ପାନୀ ପିଡିଭିଏସ୍ଏର ମୁଖ୍ୟ ଅଟନ୍ତି। ଆମେରିକା ଏହି ସରକାରୀ କମ୍ପାନୀ ଉପରେ ବହୁ କଟକଣା ଲଗାଇ ରଖିଛି। ଏହି କଟକଣା ଫଳରେ ଭେନେଜୁଏଲାର ଆର୍ଥିକ ସ୍ଥିତି ଖୁବ୍ ଖରାପ ହୋଇପଡିଛି। ବିଶ୍ବର ସବୁଠାରୁ ବଡ ତୈଳ ଭଣ୍ଡାର ଦେଶ ମଧ୍ୟରେ ଭେନେଜୁଏଲା ସାମିଲ ଅଛି। ସେଠାର ଅର୍ଥବ୍ୟବସ୍ଥା ତୈଳ ଉପରେ ନିର୍ଭରଶୀଳ। ଆମେରିକା  ସେଠାରେ ଥିବା ଦୀର୍ଘ ଦିନର ସାମ୍ୟବାଦୀ ସରକାରକୁ ହଟାଇବାକୁ ଚାହୁଁଛି। ଉଲ୍ଳେଖନୀୟ ଯେ, ଭାରତ ବିଶ୍ବର ସବୁଠାରୁ ବଡ ତୈଳ ଉପଭୋକ୍ତା ଦେଶ। ଭେନେଜୁଏଲା ନିଜର ତୈଳ ଅଧିକ ମାତ୍ରାରେ ଭାରତ ଓ ଚୀନ୍‌କୁ ବିକ୍ରି କରିଥାଏ।