ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦୀ ଆଜି (ରବିବାର) ଉତ୍ତରପ୍ରଦେଶର ବାରଣାସୀରେ ଆରଜେ ଶଙ୍କର ଚକ୍ଷୁ ଚିକିତ୍ସାଳୟର ଉଦଘାଟନ କରିଛନ୍ତି । ସେଠାରେ କାଞ୍ଚି କାମାକୋଟି ପୀଠମର ଜଗଦଗୁରୁ ଶ୍ରୀ ଶଙ୍କର ବିଜୟେନ୍ଦ୍ର ସରସ୍ୱତୀ ସ୍ୱାମୀଗଲ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱକୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ, ଆମ ମଧ୍ୟରେ ପ୍ରଧାନମନ୍ତ୍ରୀ ମୋଦୀଙ୍କ ପରି ଜଣେ ଭଲ ନେତା ରହିବା ଭଗବାନଙ୍କ ଆଶୀର୍ବାଦ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ମାଧ୍ୟମରେ ଭଗବାନ ଅନେକ ମହତ୍ କାର୍ଯ୍ୟ କରୁଛନ୍ତି।
ଶଙ୍କରାଚାର୍ଯ୍ୟଙ୍କ ଅନୁଯାୟୀ, ଆମ ଦେଶ ବହୁତ ଅଗ୍ରଗତି କରୁଛି ଏବଂ ଏହି ପ୍ରଗତି ପଛରେ ଏକ ଗୁରୁତ୍ୱପୂର୍ଣ୍ଣ କାରଣ ହେଉଛି ଦୃଢ ନେତୃତ୍ୱ । ସେ ଏନଡିଏ ସରକାରଙ୍କ ଶାସନ ପାଇଁ ଏକ ସଂକ୍ଷିପ୍ତ ଶବ୍ଦ ପ୍ରସ୍ତୁତ କରିଛନ୍ତି । ଏହାକୁ ସେ 'ନରେନ୍ଦ୍ର ଦାମୋଦରଦାସଙ୍କ ଅନୁଶାସନ' ବୋଲି କହିଛନ୍ତି । ନାଗରିକଙ୍କ ସୁରକ୍ଷା, ସୁବିଧା ଏବଂ କଲ୍ୟାଣ ଉପରେ ଧ୍ୟାନ ଦେଉଥିବା ଶାସନର ଏକ ମଡେଲ ହେଉଛି ଏନଡିଏ।
ଶଙ୍କରାଚାର୍ଯ୍ୟ ଆହୁରି କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ସାଧାରଣ ଲୋକଙ୍କ ଆହ୍ୱାନକୁ ବୁଝନ୍ତି ଆଉ, ସେଗୁଡିକୁ ହଟାଇବା ଦିଗରେ କାର୍ଯ୍ୟ କରନ୍ତି । ନାଗରିକଙ୍କ ପ୍ରତି ଦୟା ଦେଖାଇ ଏନଡିଏ ସରକାର କାର୍ଯ୍ୟ କରନ୍ତି । କରୋନା ଅବଧି ସମୟରେ ସରକାର କୌଣସି ନାଗରିକଙ୍କୁ ଭୋକିଲା ଶୋଇବାକୁ ଦେଇ ନଥିଲେ ଏବଂସମସ୍ତଙ୍କୁ ଖାଦ୍ୟ ଯୋଗାଉଥିଲେ ।
