ନୂଆଦିଲ୍ଲୀ: ଅଟଲେଙ୍କ ନିର୍ଦ୍ଦେଶିତ ଫିଲ୍ମ ବେବି ଜନ୍ ରେ ମୁଖ୍ୟ ଭୁମିକାରେ ଆସୁଛନ୍ତି ବରୁଣ ଧାୱନ । ଏହି ଚଳଚ୍ଚିତ୍ରର ପ୍ରମୋସନ ପାଇଁ ସେ ଶୁକ୍ରବାର ଜୟପୁରରେ ପହଞ୍ଚିଥିଲେ। ଏହି ସମୟ ମଧ୍ୟରେ ସେ ଅଲୁ ଅର୍ଜୁନଙ୍କ ଗିରଫଦାରୀ ଉପରେ ମଧ୍ୟ ପ୍ରତିକ୍ରିୟା ପ୍ରକାଶ କରିଥିଲେ। ଏହି ସମୟରେ ସେ ଅଲ୍ଲୁଙ୍କୁ ସମର୍ଥନ ଜଣାଇଥିଲେ । କହିଥିଲେ ଯେ, ଜଣେ କଳାକାର କିପରି ସବୁକିଛି ପାଇଁ ଦାୟୀ ରହିବେ ? 

ବରୁଣ ଧାୱନ କହିଛନ୍ତି, 'ପ୍ରୋଟୋକଲରେ ଅନେକ ସୁରକ୍ଷା ବ୍ୟବସ୍ଥା ରହିଥାଏ । ଜଣେ ଅଭିନେତା ସବୁକିଛି ପାଇଁ କିପରି ଦାୟୀ ହୋଇପାରିବ? ମହିଳାଙ୍କ ମୃତ୍ୟୁକୁ ନେଇ ବରୁଣ ଧାୱନ ଦୁଖ ପ୍ରକାଶ କରିଥିବା ବେଳେ ସେ ଆହତ ପୁଅକୁ ନେଇ ଦୁଃଖ ପ୍ରକାଶ କରିଥିଲେ । ଆଉ କହିଛନ୍ତି ଯେ, ଏହି ଘଟଣାରେ କେବଳ ଜଣେ ବ୍ୟକ୍ତିଙ୍କୁ ଦାୟୀ କରିବା ଠିକ୍ ନୁହେଁ।

ସୂଚନାଥାଉକି, ଡିସେମ୍ବର ୪ ରେ ପୁଷ୍ପା ୨ ସ୍କ୍ରିନିଂରେ ଜଣେ ମହିଳାଙ୍କ ମୃତ୍ୟୁ ଘଟିଥିଲା। ଏହା ପରେ ପୋଲିସ ଅଲୁ ଅର୍ଜୁନଙ୍କ ବିରୋଧରେ ଏଫଆଇଆର ପଞ୍ଜୀକୃତ କରିଥିଲା। ଅଭିନେତାଙ୍କ ବ୍ୟତୀତ, ତାଙ୍କ ସୁରକ୍ଷା ଦଳ ତଥା ଥିଏଟର ମ୍ୟାନେଜରଙ୍କ ବିରୋଧରେ ଚିକଡପାଲି ପୋଲିସ ଷ୍ଟେସନରେ ଧାରା 105 ଏବଂ 118 (1) ଅନୁଯାୟୀ ଏକ ମାମଲା ରୁଜୁ କରାଯାଇଥିଲା।

ଗିରଫ ଶୈଳୀ ଉପରେ ମଧ୍ୟ ଅଲୁ ଅର୍ଜୁନ ପ୍ରଶ୍ନ ଉଠାଇଥିଲେ । ପୋଲିସ ତାଙ୍କୁ ଅନ୍ୟାୟ କରି ଗିରଫ କରିଥିବା ସେ ଅଭିଯୋଗ କରିଛନ୍ତି। ତାଙ୍କୁ ପୋଷାକ ବଦଳାଇବାକୁ କିମ୍ବା ଜଳଖିଆ ଖାଇବାକୁ ସୁଯୋଗ ଦିଆଯାଇନଥିଲା । କେବଳ ଏତିକି ନୁହେଁ ଅଭିନେତା ଦାବି କରିଛନ୍ତି ଯେ, ପୋଲିସ ତାଙ୍କ ଶୋଇବା ଘରେ ମଧ୍ୟ ପ୍ରବେଶ କରିଛି।

୧୩ ଡିସେମ୍ବର(ଶୁକ୍ରବାର) ଅଲ୍ଲୁ ଅର୍ଜୁନଙ୍କୁ ପୋଲିସ ଗିରଫ କରିଥିଲା। ପୋଲିସ ତାଙ୍କ ଘରେ ଏହି କାର୍ଯ୍ୟାନୁଷ୍ଠାନ ନେଇଥିଲା । ସୋସିଆଲ ମିଡିଆରେ ଅଭିନେତାଙ୍କ ଅନେକ ଭିଡିଓ ମଧ୍ୟ ସାମ୍ନାକୁ ଆସିଛି। ଯେଉଁଠାରେ ସେ କଫି ପିଇବା ସମୟରେ ତାଙ୍କ ପତ୍ନୀ ସ୍ନେହା ରେଡ୍ଡୀଙ୍କୁ ଭେଟିଥିବାର ନଜର ଆସିଛନ୍ତି । ଅଭିନେତାଙ୍କ ଗିରଫଦାରୀକୁ ନେଇ ସୋସିଆଲ ମିଡିଆରେ ଅନେକ ପ୍ରତିକ୍ରିୟା ପ୍ରକାଶ ପାଇଛି।