ନୂଆଦିଲ୍ଲୀ,୧।୧୨: ଟିମ୍ ଇଣ୍ଡିଆର ପୂର୍ବତନ ଦ୍ରୁତ ବୋଲର ଭେଙ୍କଟେଶ ପ୍ରସାଦ ଭାରତର ପରବର୍ତ୍ତୀ ସିଲେକ୍ଟର ହେବାର ରେସ୍‌ରେ ସବୁଠାରୁ ଆଗରେ ଅଛନ୍ତି। ଆଇସିସି ଟି -୨୦ ବିଶ୍ୱକପ ୨୦୨୨ ରେ ସେମିଫାଇନାଲରୁ ଟିମ୍ ଇଣ୍ଡିଆ ବାହାର ହେବା ପରେ ବିସିସିଆଇ କିଛି ବଡ ନିଷ୍ପତ୍ତି ନେଇଥିଲା ଏବଂ ସିଲେକ୍ଟ କମିଟିକୁ ବରଖାସ୍ତ କରିବା ତା ମଧ୍ୟରୁ ଅନ୍ୟତମ। ବୋର୍ଡ ଏହି ପଦବୀରେ ଆବେଦନ ପାଇଁ ଆବେଦନ କରିବାକୁ ବିଜ୍ଞାପନ ଦେଇଥିଲା। ବହୁ ପୂର୍ବତନ କ୍ରିକେଟର ଏଥିପାଇଁ ଆବେଦନ କରିଛନ୍ତି।  କିନ୍ତୁ ଭେଙ୍କଟେଶ ପ୍ରସାଦ ଖାଲି ଥିବା ପଦବୀ ପୂରଣ କରିପାରନ୍ତି। ସେ ଚିଫ୍ ସିଲେକ୍ଟର ହୋଇପାରନ୍ତି।

ଟାଇମ୍ସ ଅଫ୍ ଇଣ୍ଡିଆର ଖବର ଅନୁଯାୟୀ ଭେଙ୍କଟେଶ ପ୍ରସାଦ ଚୟନକର୍ତ୍ତା ପଦ ପାଇଁ ଆଗଧାଡ଼ିର ଅଟନ୍ତି ଏବଂ ତାଙ୍କୁ ଜାତୀୟ ମୁଖ୍ୟ ଚୟନକର୍ତ୍ତା ଭାବରେ ମଧ୍ୟ ନିଯୁକ୍ତ ହେବାର ସମ୍ଭାବନା ରହିଛି। ରିପୋର୍ଟରେ ଆହୁରି ମଧ୍ୟ ପ୍ରକାଶ ପାଇଛି ଯେ ପ୍ରସାଦଙ୍କ କ୍ୟାରିୟର ୧୯୯୬ ରୁ ୨୦୦୧ ପର୍ଯ୍ୟନ୍ତ ଥିବା ବେଳେ ସେଥିରେ ୩୩ଟି ଟେଷ୍ଟ ଏବଂ ୧୬୧ ଟି ଦିନିକିଆ ମ୍ୟାଚ୍‌ର ଅନୁଭବ ରହିଛି। ସେ ମୋଟ ୨୯୨ ଟି ଅନ୍ତର୍ଜାତୀୟ ଓ୍ବିକେଟ ନେଇଛନ୍ତି।