କୋଲକାତା,୧୧/୦୫; ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ହେଉ ହେଉ ଆକ୍ସନ ମୋଡରେ ଶୁଭେନ୍ଦୁ ଅଧିକାରୀ । ସିଏମ୍ ହେବା ପରେ ବଡ଼ ନିଷ୍ପତ୍ତି ନେଇଛନ୍ତି ଶୁଭେନ୍ଦୁ ଅଧିକାରୀ । ଭାରତ ଏବଂ ବାଂଲାଦେଶ ସୀମାରେ ତାରବାଡ଼ ପାଇଁ ଜମି ଯୋଗାଇବାକୁ ଘୋଷଣା କରିଛନ୍ତି । ୪୫ ଦିନ ଭିତରେ ଜମି ଯୋଗାଇ ଦେବାକୁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ । ୪୫ ଦିନ ଭିତରେ ସମଦ୍ର ଅଞ୍ଚଳ ବିଏସଏଫ ଅଧିନରେ ରହିବ । ୮୭୪ କିମି ଦୀର୍ଘ ସୀମାନ୍ତ ଏଯାବତ ତାରବାଡ଼ ହୋଇ ପାରିନଥିଲା । ବିଦାୟୀ ମୁଖ୍ୟମନ୍ତ୍ରୀ ମମତା ଜମି ଦେଉ ନଥିବାରୁ ତାରବାଡ଼ ହୋଇପାରୁନଥିଲା । ଫଳରେ ବାଂଲାଦେଶ ପଟୁ ଦେଶକୁ ଅନୁପ୍ରବେଶ ମାତ୍ରା ଅଧିକ ହେଉଥିଲା । ବଡ଼ ନିଷ୍ପତ୍ତି ହେଉଛି ବାଂଲାଦେଶ ସୀମାରେ ଥିବା ଜମିକୁ ବିଏସଏଫକୁ ହସ୍ତାନ୍ତର କରାଯିବ ଯାହା ଦ୍ଵାରା ଏହା ସଠିକ୍ ଭାବରେ ବାଡ଼ ଦେଇପାରିବ। ଏହା ବାଂଲାଦେଶରୁ ଅନୁପ୍ରବେଶ ରୋକିବାରେ ସାହାଯ୍ୟ କରିବ। ବିଏସଏଫକୁ ଜମି ହସ୍ତାନ୍ତର ପ୍ରକ୍ରିୟା ସୋମବାର ଠାରୁ ଆରମ୍ଭ ହେବ ।
ପଶ୍ଚମବଙ୍ଗର ପ୍ରଥମ ବିଜେପି ସରକାର ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି । ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ପ୍ରଥମ କ୍ୟାବିନେଟ୍ ବୈଠକରେ ବଡ଼ ନିଷ୍ପତ୍ତି ନିଆଯାଇଛି । ସେଗୁଡିକୁ ତୁରନ୍ତ କାର୍ଯ୍ୟକାରୀ କରାଯିବ । ପ୍ରଥମ ଏବଂ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ହେଉଛି ବାଂଲାଦେଶ ସୀମାରେ ଥିବା ଜମିକୁ ବିଏସଫକୁ ହସ୍ତାନ୍ତର କରାଯିବ । ଯାହା ଦ୍ୱାରା ଏହା ସଠିକ୍ ଭାବରେ ବାଡ଼ ଦେଇପାରିବ । ଏହା ବାଂଲାଦେଶରୁ ଅନୁପ୍ରବେଶ ରୋକିବାରେ ସାହାଯ୍ୟ କରିବ । ଆଗାମୀ ୪୫ ଦିନରେ ଏହି ଜମି ହସ୍ତାନ୍ତର ସମାପ୍ତ ହେବ । ମୁଖ୍ୟମନ୍ତ୍ରୀ ଆହୁରି ଅନେକ କିଛି ଘୋଷଣା କରିଛନ୍ତି ଯାହା ତୁରନ୍ତ କାର୍ଯ୍ୟକାରୀ ହେବ । ଏଥି ମଧ୍ୟରୁ ଗୋଟିଏ ହେଉଛି ଆୟୁଷ୍ମାନ ଭାରତ ଯୋଜନା ବଙ୍ଗଳାରେ ଲାଗୁ କରାଯିବ । ମମତା ବାନାର୍ଜୀ ସରକାର ରାଜ୍ୟରେ ଏକି କେନ୍ଦ୍ରୀୟ ଯୋଜନା କାର୍ଯ୍ୟକାରୀ କରିନଥିଲେ । ଏହା ବାଦ୍ ସ୍କୁଲ, ଶିକ୍ଷକ ଚାକିରି ପାଇଁ ଆବେଦନକାରୀଙ୍କ ବୟସ ୫ ବର୍ଷ ବୃଦ୍ଧି କରାଯାଇଛି । ଗୃହମନ୍ତ୍ରୀ ଅମିତ୍ ଶାହ ନିର୍ବାଚନୀ ପ୍ରଚାର ସମୟରେ ଏହି ପ୍ରତିଶ୍ରୁତି ଦେଇଥିଲେ । ଶୁଭେନ୍ଦୁ ଅଧିକାରୀ ସରାକର ମଧ୍ୟ ରାଜ୍ୟରେ ଭାରତୀୟ ଦଣ୍ଡ ସଂହିତା ଲାଗୁ କରିଛନ୍ତି । ସେ କହିଛନ୍ତି, ଏହା ଯେ ପର୍ଯ୍ୟନ୍ତ ବଙ୍ଗଳାରେ ଲାଗୁ ହୋଇନାହିଁ ଏବଂ ଏହା ସମ୍ବିଧାନର ସିଧାସଳଖ ଉଲ୍ଲଂଘନ । ଦେଶରେ ଅନ୍ୟାନ୍ୟ ସ୍ଥାନ ପରି ବଙ୍ଗଳାରେ ବିଏନଏସ ଲାଗୁ ହେବ ।
ଏହା ବି ପଢନ୍ତୁ...UPI ପେମେଣ୍ଟ ଖୋଲିଲା ହତ୍ୟାକାରୀଙ୍କ ଗୁମର ! ଶୁଭେନ୍ଦୁଙ୍କ ପିଏ ହତ୍ୟାକାଣ୍ଡରେ ୟୁପିରୁ ୩ ସନ୍ଦିଗ୍ଧ ଅଟକ
ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ କହିଛନ୍ତି ଯେ, ପୂର୍ବ ସରକାର ଜନଗଣନା ସମ୍ପର୍କରେ ଗୃହ ମନ୍ତ୍ରଣାଳୟର ଜୁନ୍ ୨୦୨୫ ସର୍କୁଲାରକୁ ମଧ୍ୟ ଅବରୋଧ କରିଥିଲେ । ଏହା ବଙ୍ଗଳାର ପ୍ରଥମ କ୍ୟାବିନେଟ ବୈଠକରେ କାର୍ଯ୍ୟକାରୀ ହେଉଛି । ଭାରତୀୟ ଦଣ୍ଡ ସଂହିତା ମଧ୍ୟ କାର୍ଯ୍ୟକାରୀ ହେଉଛି । ଏବେ ବଙ୍ଗଳା ଲୋକମାନେ ମଧ୍ୟ ଦେଶର ଅନ୍ୟାନ୍ୟ ଅଞ୍ଚଳ ପରି ଆୟୁଷ୍ମାନ ଯୋଜନାରୁ ଉପକୃତ ହେବେ । ପଶ୍ଚିମବଙ୍ଗ ରାଜନୈତିକ ଇତିହାସରେ ପ୍ରଥମ ଥର ପାଇଁ ରାଜ୍ୟରେ କ୍ଷମତାକୁ ଆସିବା ପୂର୍ବରୁ ବିଜେପି ଦେଇଥିବା ସମସ୍ତ ପ୍ରତିଶ୍ରୁତି ପୂରଣ କରିବାକୁ ପ୍ରତିଶ୍ରୁତି ଦେଇଛି । ଏହାର ପ୍ରଥମ କ୍ୟାବିନେଟ ବୈଠକରେ ଏହା ସୂଚିତ କରିଛି ।
