ନୂଆଦିଲ୍ଲୀ,୨୭/୦୪: ପହଲଗାମ ଆତଙ୍କୀ ଆକ୍ରମଣ ପରେ ମନ୍ କି ବାତ୍ କାର୍ଯ୍ୟକ୍ରମରେ ଦେଶବାସୀଙ୍କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପହଲଗାମ ଆତଙ୍କୀ ଆକ୍ରମଣଠୁ ନେଇ ଇସ୍ରୋ ପୂର୍ବତନ ଅଧ୍ୟକ୍ଷଙ୍କ ବିୟୋଗରେ ଶୋକ ପ୍ରକାଶ କରିବା ସହିତ ବିଭିନ୍ନ ପ୍ରସଙ୍ଗରେ ଚର୍ଚ୍ଚା କରିଛନ୍ତି । ମନ୍ କି ବାତ୍ ସଚେତ୍ ଆପ୍ ପ୍ରସଙ୍ଗରେ କହିଛନ୍ତି ପ୍ରଧାନମନ୍ତ୍ରୀ । ସମସ୍ତଙ୍କୁ ଏହି ଆପ୍ ବ୍ୟବହାର କରିବାକୁ ଅପିଲ୍ କରିଛନ୍ତି । ତେବେ କଣ ଏହି ଆପ୍ ଜାଣନ୍ତୁ ?
ମନ୍ କି ବାତ୍ରେ ପ୍ରାକୃତିକ ବିପର୍ଯ୍ୟୟ ପରିଚାଳନା ବିଷୟରେ ପ୍ରଧାନମନ୍ତ୍ରୀ କହିଛନ୍ତି, ଏବେ ପ୍ରାକୃତିକ ବିପର୍ଯ୍ୟୟ ଦିଗରେ ସତର୍କ, ସଚେତନ ରହିବାକୁ ପଡିବ । ମିଆଁମ୍ୟାର, ଥାଇଲାଣ୍ଡରେ ଆସିଥିବା ଭୂକମ୍ପରେ କେତେ ଜୀବନ ଚାଲିଯାଇଛି । ଏପରି ପ୍ରାକୃତିକ ବିପର୍ଯ୍ୟୟ ନେଇ ସତର୍କ ରହିବାକୁ ଭାରତରେ ଏକ ଆପ୍ ଲଞ୍ଚ କରିଛି ଯାହାର ନାମ 'ସଚେତ୍' । ଏହି ମୋବାଇଲେ ଆପ୍ ଜରିଆରେ ପ୍ରାକୃତିକ ବପର୍ଯୟ ନେଇ ସହାୟତା ମିଳିପାରିବ । ଏହା ପ୍ରାକୃତିକ ବିପର୍ଯ୍ୟୟରୁ ମୁକୁଳିବାରେ ସାହାଯ୍ୟ କରିବ ।
'ସଚେତ୍ ଆପ୍' ଫାଇଦା କଥା କହି ପିଏମ୍ ଆହୁରି କହିଛନ୍ତି, 'ବନ୍ୟା, ବାାତ୍ୟ, ସୁନାମୀ, ଜଙ୍ଗଲ ନିଆଁ, ହିମସ୍ଖଳନ, ବର୍ଷା ପବନ ଏବଂ ଘଡଘଡି ପରି ପ୍ରାକୃତିକ ବିପର୍ଯ୍ୟୟ ପୂର୍ବରୁ ଆଲର୍ଟ କରିବ । ଏହା ଆଞ୍ଚଳିକ ଭାଷାରେ ମଧ୍ୟ ସୂଚନା ଦେବ ।'
SACHET App for disaster preparedness. #MannKiBaat pic.twitter.com/ntWYM8N44R
— PMO India (@PMOIndia) April 27, 2025
ସଚେତ୍ ଆପ୍ କଣ ? ସଚେତ୍ ଆପ୍କୁ ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ (ଏନଡିଏମଏ) ଲଞ୍ଚ କରିଥିଲା । ଏହି ଆପ୍ ରାଜ୍ୟ ଏବଂ ଜିଲ୍ଲାରେ ହେବାକୁ ଥିବା ପ୍ରାକୃତିକ ବିପର୍ଯ୍ୟୟ ନେଇ ୟୁଜର୍ସଙ୍କୁ ସତର୍କ କରାଇବ । ଏହା ସହିତ ଭାରତୀୟ ପାଣିପାଗ ବିଭାଗ (ଆଇଏମ୍ଡି)ର ପାଣିପାଗ ପୂର୍ବାନୁମାନ ନେଇ ଅପଡେଟ୍ କରିବ ।
