ନୂଆଦିଲ୍ଲୀ,୦୯/୧୨: ବିଭିନ୍ନ ସ୍ଥାନକୁ ବୁଲିଯିବାକୁ ସମସ୍ତେ ପସନ୍ଦ କରିଥାନ୍ତି । ପରିବାର ସହ ସାଙ୍ଗସାଥୀଙ୍କ ସହ ବୁଲିଯାଆନ୍ତି । ହେଲେ ଜାଣିଛନ୍ତି କି କେହି କେହି ପରିବାର, ପିଲା, ସାଙ୍ଗସାଥୀଙ୍କ ବିନା ଏକୁଟିଆ ବୁଲିବାକୁ ପସନ୍ଦ କରିଥାନ୍ତି । ଯାହାକୁ ସୋଲା ଟ୍ରାଭେଲିଂ କୁହାଯାଏ । ତେବେ କଣ ଏହି ସୋଲୋ ଟ୍ରାଭେଲିଂ । କାହିଁକି ଏହାର କ୍ରେଜ ବଢୁଛି । ସ୍ବାସ୍ଥ୍ୟ ଉପରେ ଏହାର କଣ ପ୍ରଭାବ ରହିଛି । ଆସନ୍ତୁ ଜାଣିବା ।
ଗତ କିଛି ଦିନ ହେବ ସୋଲୋ ଟ୍ରାଭେଲିଂର କ୍ରେଜ ବଢିବାକୁ ଲାଗିଛି । ସୋଲୋ ଟ୍ରାଭେଲିଂ ଅର୍ଥ ଏକୁଟିଆ କୌଣସି ସ୍ଥାନକୁ ବୁଲିଯିବା । ବିଶେଷ କରି ଟୁରିଷ୍ଟ ସ୍ଥାନକୁ ବୁଲିଯିବା ଓ ପାଖରୁ ସେଗୁଡିକ ଦେଖିବା ଓ ବୁଝିବା । କେବଳ ଭାରତ ନୁହେଁ ଦୁନିଆରେ ମଧ୍ୟ ସୋଲୋ ଟ୍ରାଭେଲିଂର କ୍ରେଜ ବଢୁଥିବା ଦେଖିବାକୁ ମିଳିଛି । କାରଣ ଏଥିରେ ଜଣେ ବ୍ୟକ୍ତି ତା ମନର ମାଲିକ ହୋଇଥାଏ ନିଜ ଇଚ୍ଛାରେ ବୁଲିଥାଏ ।
ସୋଲୋ ଟ୍ରାଭେଲିଂ ପ୍ରଭାବ- ମାନସିକ ସ୍ବାସ୍ଥ୍ୟ ଉପରେ ସୋଲୋ ଟ୍ରାଭେଲିଂ ପ୍ରଭାବ ପକାଏଥାଏ । ଚିନ୍ତାମୁକ୍ତ କରିଥାଏ । ମହିଳାଙ୍କୁ ସଶକ୍ତ କରିଥାଏ । ସୋଲୋ ଟ୍ରାଭେଲ ମାନେ ନୁହେଁ ଯେ ପାର୍ଟନରଟୁ ଅଲଗା ହେବା । ଏହି ବିଶ୍ବାସକୁ ଅଧିକ ଶକ୍ତି ଦିଏ । ପାର୍ଟନର ମଧ୍ୟରେ ସମ୍ମାନ ବଢାଏ ସୋଲୋ ଟ୍ରାଭେଲ । ନିଜକୁ ନିଜେ ଖୋଜିବାରେ ସୋଲୋ ଟ୍ରାଭେଲିଂ ସହାୟକ ହୋଇଥାଏ । ଏକୁଟିଆ ଯାତ୍ରା କରିବା ଆତ୍ମନିର୍ଭର କରିଥାଏ । ମନରେ ସାହାସ ଭରିଦିଏ । ଅନ୍ୟର ବିନା ସହାୟତାରେ କିଛି କରିବାକୁ ସାହସ ମିଳେ । ଧୀରେ ଧୀରେ ନିଜର କ୍ଷମତା ପରିଚୟ କରାଏ ସୋଲୋ ଟ୍ରାଭେଲିଂ । ସମୟ କ୍ରମେ ନିଜର ସବୁ କାମ ମ୍ୟାନେଜ କରିବା ସହଜ ହୋଇଯାଏ ।
ସୋଲୋ ଟ୍ରାଭେଲିଂ ଏକ ନିଶା- ପ୍ରକୃତରେ ସୋଲୋ ଟ୍ରେଭେଲିଂ ଏକ ନିଶା ପରି ହୋଇଥାଏ । ଯେଉଁମାନଙ୍କ ମନରେ ନୂଆ ନୂଆ ସ୍ଥାନକୁ ଏକ୍ସପ୍ଲୋର କରିବା ନିଶା ଥାଏ ସେମାନେ ସୋଲୋ ଟ୍ରାଭେଲ କରିବାକୁ ପସନ୍ଦ କରିଥାନ୍ତି । କାରଣ ସେମାନେ ଏକୁଟିଆ ବିରକ୍ତ ହୁ୍ଅନ୍ତି ନାହିଁ । ନୂଆ ନୂଆ ସ୍ଥାନ ଏକ୍ସପ୍ଲୋର କରିବାକୁ ତାଙ୍କୁ ମଜା ଲାଗେ । ସୋଲୋ ଟ୍ରାଭେଲିଂକୁ ସାହାସିକ ଗତିବିଧି କୁହାଯାଏ ।
ସୋଲୋ ଟ୍ରାଭେଲିଂ କରୁଥିଲେ ଏହି ଜିନିଷରେ ଧ୍ୟାନ ଦିଅନ୍ତୁ- ଆପଣ ସୋଲୋ ଟ୍ରାଭେଲ କରୁଛନ୍ତି କି । ତେବେ କିଛି ଜିନିଷ ଉପରେ ଅଧିକ ଗୁରୁତ୍ବ ଦେବାକୁ ପଡିବ । ସୋଲେ ଟ୍ରାଭେଲ କରିବାକୁ ହେଲେ ପ୍ରଥମେ ରିସର୍ଚ କରନ୍ତୁ । ଯେଉଁଠାକୁ ଯାଉଛନ୍ତି ସେ ସ୍ଥାନ ବିଷୟରେ ସୂଚନା ହାସଲ କରନ୍ତୁ । ଏହାପରେ ଘରୁ ବାହାରନ୍ତୁ । ଜରୁରୀ ସାମଗ୍ରୀ ସାଥୀରେ ନିଅନ୍ତୁ ।
