ନୂଆଦିଲ୍ଲୀ,୦୯/୦୬: ଗତ ଥର ଭାରତୀୟ ଦଳକୁ ପରାସ୍ତ କରି ବିଶ୍ୱ ଟେଷ୍ଟ ଚାମ୍ପିଅନସିପ୍ ଟ୍ରଫି ଜିତିଥିବା ଅଷ୍ଟ୍ରେଲିଆ ଦଳ ଏଥର ନିଜର ଟାଇଟଲ ରକ୍ଷା କରିବା ପାଇଁ ଲର୍ଡସ କ୍ରିକେଟ୍ ଗ୍ରାଉଣ୍ଡରେ ଦକ୍ଷିଣ ଆଫ୍ରିକା ସହିତ ମୁକାବିଲା କରିବ। ଦକ୍ଷିଣ ଆଫ୍ରିକା ଦଳ ପ୍ରଥମ ଥର ପାଇଁ ବିଶ୍ବ ଟେଷ୍ଟ ଚାମ୍ପିୟନସିପ୍ ଫାଇନାଲରେ ପହଞ୍ଚିଛି। ଦୁଇଥର ଫାଇନାଲ ଖେଳିଥିବା ଟିମ୍ ଇଣ୍ଡିଆକୁ ଏଥର ତୃତୀୟ ସ୍ଥାନ ପାଇଁ ସନ୍ତୁଷ୍ଟ ହେବାକୁ ପଡ଼ିଛି। ଜୁନ୍ ୧୧ରୁ ଅନୁଷ୍ଠିତ ହେବାକୁ ଥିବା ଏହି ଫାଇନାଲ ମ୍ୟାଚ୍ରେ ବର୍ଷା ହେବାର ସମ୍ଭାବନା ରହିଛି। ଏପରି ପରିସ୍ଥିତିରେ ଜାଣିବାର କରିବାର କଥା ହେଉଛି, ଯଦି ଏହି ଫାଇନାଲ ମ୍ୟାଚ୍ ଡ୍ର ହୁଏ କିମ୍ବା ବାତିଲ ହୁଏ, ତେବେ କେଉଁ ଦଳ ଟ୍ରଫି କବଜା କରିବ?
କିଏ ହେବ ବିଜେତା?
ଯଦି ବର୍ଷା କିମ୍ବା ଅନ୍ୟ କୌଣସି କାରଣରୁ ଏହି ଟାଇଟଲ୍ ମ୍ୟାଚ୍ ବାତିଲ ହୁଏ କିମ୍ବା ଦୁଇ ଦଳ ମଧ୍ୟରେ ମ୍ୟାଚ୍ ଡ୍ର ହୁଏ, ତେବେ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକାକୁ ମିଳିତ ବିଜେତା ଘୋଷିତ କରାଯିବ। ତଥାପି, ଆଇସିସି ଡବ୍ଳୂଟିସି ର ଫାଇନାଲ୍ ପାଇଁ ୧୬ ଜୁନ୍କୁ ଅତିରିକ୍ତ ଦିନ ଭାବେ ମଧ୍ୟ ରଖିଛି। ଅର୍ଥାତ୍, ଯଦି ବର୍ଷା ଯୋଗୁଁ ମ୍ୟାଚ୍ ବନ୍ଦ ହୁଏ, ତେବେ ଏହାକୁ ଗୋଟିଏ ଦିନ ପାଇଁ ବଢ଼ାଯାଇପାରିବ। ଏପରି ପରିସ୍ଥିତିରେ, ମ୍ୟାଚ୍ ର ଫଳାଫଳ ଆସିବାର ସମ୍ଭାବନା ବହୁତ ବଢ଼ିଯିବ।
ବିଶ୍ୱ ଟେଷ୍ଟ ଚାମ୍ପିଅନସିପ୍ ୨୦୨୫ ର ଫାଇନାଲ୍ ୧୧ ରୁ ୧୫ ଜୁନ୍ ପର୍ଯ୍ୟନ୍ତ ଲର୍ଡସ୍ ଗ୍ରାଉଣ୍ଡରେ ଖେଳାଯିବ। ଏହାରି ଭିତରେ ବର୍ଷା ହେବାର ସମ୍ଭାବନା ଅଛି। ଲର୍ଡସ୍ ରେ ପ୍ରଥମ ଏବଂ ଶେଷ ଦିନରେ ବର୍ଷା ହେବାର ସମ୍ଭାବନା ଅଛି। ଏହା ବ୍ୟତୀତ, ଏହା ମଧ୍ୟ କୁହାଯାଉଛି ଯେ ପାଞ୍ଚ ଦିନ ମଧ୍ୟରେ ବର୍ଷା ହୋଇପାରେ। ଏଥି ଯୋଗୁଁ ମ୍ୟାଚ୍ ବାଧାପ୍ରାପ୍ତ ହୋଇପାରେ।
