PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ନିର୍ଦ୍ଦେଶକ ସୁଧାଂଶୁ ମୋହନ ସାହୁ କାହିଁକି ବିକୁଛନ୍ତି ଦୋସା, ଜାଣନ୍ତୁ କାରଣ

ଭୁବନେଶ୍ବର, ୨୫/୫ : ଚମକିପଡ଼ିଲେ କି ? କିନ୍ତୁ କଥାଟି ସତ । ଓଲିଉଡର ଭେଟେରାନା ନିର୍ଦ୍ଦେଶକ । ଯିଏ କଥା କମ୍‌, କାମ ଅଧିକ କରନ୍ତି । ଯେଉଁ ସିନେମାରେ ହାତ ମାରନ୍ତି ସେ ସିନେମା ଦର୍ଶକଙ୍କ ହୃଦୟରେ ରହିଯାଏ । ଏମିତି ଜଣେ ନିର୍ଦ୍ଦେଶକ ସେ । କିନ୍ତୁ ଏବେ କ’ଣ ହେଇଛି କେଜାଣି ନିର୍ଦ୍ଦେଶନା ଛାଡ଼ି ଦୋସା ବିକୁଛନ୍ତି । ପଚାରିଲେ ବି ସୁଦ୍ଧା ପାଟି ଖୋଲୁନାହାନ୍ତି । ବରଂ ଦୋସା ପ୍ଲେଟ୍‌ ବଢ଼ାଇ ଖାଦ୍ୟର ସ୍ୱାଦ ବାରିବାକୁ କହୁଛନ୍ତି । ଏନେଇ ଆମେ ଟିକେ ତାଙ୍କ ପାଖ ଓ ଅନ୍ୟ ସାଥୀଙ୍କୁ ପଚାରିଲୁ । ସେ କହିଲେ, ସୁଧାଂଶୁ ଭାଇନାଙ୍କ କଥା କହୁଛନ୍ତି କି? ଆମେ କହିଲୁ ହଁ ସୁଧାଂଶୁ ମୋହନ ସାହୁଙ୍କ କଥା କହୁଛୁ ।

ସେ କହିଲେ, ଭାଇନା କ’ଣ ସତ ସତିକା ଦୋସା ବିକୁଛନ୍ତି ନା କ’ଣ । ସେ ବା ଅଭିନୟ କରୁଛନ୍ତି । ସତେ ନା କ’ଣ । ହଁ, ଝିଲିକ ମୋସନ୍‌ ପିକ୍‌ଚର୍ସ ବ୍ୟାନରରେ ନିର୍ମାଣ ହେଉଛି ଓଡ଼ିଆ ଚଳଚ୍ଚିତ୍ର ‘ତୋର ମୋର କଟି’ । ଏଥିରେ ଓଲିଉଡର ଗଡଫାଦର ମୁନା ଭାଇ ଓରଫ୍‌ ସିଦ୍ଧାନ୍ତ ମହାପାତ୍ରଙ୍କ ଗୋଟିଏ ଗ୍ୟାଙ୍ଗ୍‌ ଅଛି । ଆଉ ତା’ର ପ୍ରମୁଖ ସଦସ୍ୟ ହେଉଛନ୍ତି ନିର୍ଦ୍ଦେଶକ ସୁଧାଂଶୁ ମୋହନ ସାହୁ । ସେ ମୁନା ଭାଇଙ୍କ ଡାହାଣ ହାତ କହିଲେ ଚଳେ । କାହାଣୀ ଅନୁସାରେ ତାଙ୍କ ଚରିତ୍ର ଅନୁଯାୟୀ ସେ ଏମିତି ଗେଟ୍‌ଅପ୍‌ ଧରିଛନ୍ତି । ବାକି ଏହା ପଛରେ ପ୍ରକୃତ ଘଟଣା କ’ଣ ରହିଛି, ତାହା ସିନେମା ମୁକ୍ତିଲାଭ ପରେ ଜଣାପଡ଼ିବ । ନଚେତ୍‌ ସେ ଯଦି ଏହାର ରହସ୍ୟ ଖୋଲିବେ ତେବେ ସବୁ ସତ ପଦାକୁ ଆସିବ । କିନ୍ତୁ ତାଙ୍କର କହିବା କଥା ହେଲା, ଏବେ ଆପଣ ଦୋସାର ମଜା ନିଅନ୍ତୁ । ସମୟ ଆସିଲେ ସବୁ ଜାଣିପାରିବେ । ନହେଲେ ଦୋସା ଥଣ୍ଡା ହୋଇଯିବ ଆଉ କିଛି ଭଲ ଲାଗିବନି ।