ନୂଆଦିଲ୍ଲୀ : ରାଜ୍ୟସଭା ସାଂସଦ ସ୍ୱାତି ମାଲିୱାଲ କେଜ୍ରିୱାଲଙ୍କ ପିଏ ବିଭବ କୁମାରଙ୍କ ଉପରେ ମାରପିଟି କରିବାର ଅଭିଯୋଗ ଲଗେଇ ଥିଲେ। ଏହାପରେ ଗତ କିଛି ମାସ ହେବ ସ୍ୱାତୀ ମାଲିୱାଲ ଆମ୍ ଆଦମୀ ପାର୍ଟି ବିରୋଧରେ ଲଗାତାର ବୟାନ ଦେଉଛନ୍ତି। ଆମ୍ ଆଦମୀ ପାର୍ଟି ସହ ତାଙ୍କର ଅସନ୍ତୁଷ୍ଟତା ଖୁବ୍ ଜଣାଶୁଣା। ଏହି ସ୍ଥିତିରେ ଗତ କିଛି ମାସରେ ଏହି ପ୍ରଶ୍ନ ଉଠିଛି କି , ଆମ୍ ଆଦମୀ ପାର୍ଟି ବିରୋଧରେ ବୟାନ ଦେଇଥିବା ସ୍ୱାତି ମାଲିୱାଲ ଯେଉଁ ପାର୍ଟିର କୋଟାରେ ରାଜ୍ୟସଭାରେ ପହଞ୍ଚିଛନ୍ତି , ଏଥିରୁ ଇସ୍ତଫା କାହିଁକି ଦେଉ ନାହାନ୍ତି ? ସ୍ୱାତୀ ମାଲିୱାଲ ଗୁରୁବାର ଏହାର ଉତ୍ତର ଦେଇଛନ୍ତି।
ଇସ୍ତଫାର ପ୍ରଶ୍ନକୁ ନେଇ ସ୍ୱାତି ମାଲିୱାଲ କହିଛନ୍ତି କି , ତାଙ୍କୁ ଚୌକିର କୌଣସି ମୋହ ନାହିଁ। ମାଲିୱାଲଙ୍କର କହିବାନୁସାରେ , ସେ ସର୍ବଦା ଗ୍ରାଉଣ୍ଡର କର୍ମକର୍ତ୍ତା ରହିଛନ୍ତି ଏବଂ ରହିବେ। ସ୍ୱାତୀ ମାଲିୱାଲ କହିଛନ୍ତି -୨୦୦୬ରେ ତାଙ୍କର ଇଞ୍ଜିନିୟରିଂର ପଢା ଶେଷ ହେବା ପରେ ସେ ସ୍ଲମ୍ (ବସ୍ତି) ଏରିଆରେ କାମ କରିବା ଆରମ୍ଭ କରି ଥିଲେ ଏବଂ ଲଗାତାର ୭ ବର୍ଷ ଯାଏ ବସ୍ତିରେ କାମ କରି ଆସୁଛନ୍ତି। ଏହି ସମୟରେ ସ୍ୱାତୀ କହିଛନ୍ତି କି, ଇଣ୍ଡିଆ ଏଗନେଷ୍ଟ କରପ୍ସନ ଆନ୍ଦୋଳନରେ ସେ ସବୁଠୁ ଯୁବ କୋର୍ କମିଟିର ସଦସ୍ୟ ଥିଲେ। ଏହାପରେ ଦିଲ୍ଲୀ ମହିଳା ଆୟୋଗର ଅଧ୍ୟକ୍ଷ ଭାବେ ଏକ ଲକ୍ଷ ୭୦ ହଜାରରୁ ଅଧିକ କେସ୍ର ଶୁଣାଣି କରିଛନ୍ତି। ଏବିପି ନ୍ୟୁଜ୍ ସହ କଥା ହୋଇ ସ୍ୱାତି ମାଲିୱାଲ କହିଛନ୍ତି କି, ସେ ଇସ୍ତଫା ଏଥିପାଇଁ ଦେଇ ନାହାନ୍ତି, କାରଣ ସେ ଆଜି ଯାହା ବି ଅଛି , ନିଜର ପରିଶ୍ରମରେ ହୋଇଛି। ଏଥିପାଇଁ ଇସ୍ତଫା ଦେବି ନାହିଁ।
ଗୁରୁବାର ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ସ୍ୱାତି ମାଲିୱାଲ ଆମ୍ ଆଦମୀ ପାର୍ଟି ସହ ଅରବିନ୍ଦ କେଜ୍ରିୱାଲ ଓ ମୁଖ୍ୟମନ୍ତ୍ରୀ ଆତିଶୀଙ୍କୁ ଟାର୍ଗେଟ୍ କରିଛନ୍ତି। ସ୍ୱାତି ମାଲିୱାଲ କହିଛନ୍ତି କି ଜଣେ ନେତାକୁ , ଜଣେ ସାଂସଦକୁ କାମ କରିବା ପାଇଁ ଗ୍ରାଉଣ୍ଡକୁ ଯିବାକୁ ପଡ଼ିଥାଏ। କିନ୍ତୁ କେଜ୍ରିୱାଲ ଓ ଆତିଶୀ ଏକ ସାମ୍ୱାଦିତ ସମ୍ମିଳନୀ କରନ୍ତି । ସ୍ୱାତି ମାଲିୱାଲ ଏହି ସମୟରେ କେଜ୍ରିୱାଲ ଓ ଆତିଶୀଙ୍କୁ ଗ୍ରାଉଣ୍ଡକୁ ଓହ୍ଲାଇ କାମ କରିବାକୁ ଚ୍ୟାଲେଞ୍ଜ ମଧ୍ୟ ଦେଇଛନ୍ତି।
ଗୁରୁବାର ଯେବେ ତାଙ୍କୁ ପ୍ରଶ୍ନ କରାଗଲା କି, ତାଙ୍କ ଉପରେ ବିଜେପିର ଏଜେଣ୍ଟ ହେବାର ଅଭିଯୋଗ ଲାଗିଛି। ଏହାର ଜବାବରେ ସ୍ୱାତି ମାଲିୱାଲ କହିଛନ୍ତି କି, ତାଙ୍କୁ ଯିଏ ପ୍ରଶ୍ନ ପଚାରୁଛନ୍ତି, ତାଙ୍କୁ ସେ ବିଜେପିର ଏଜେଣ୍ଟ ବୋଲି କୁହନ୍ତି। ଏହି ସମୟରେ ରାଜ୍ୟସଭା ସାଂସଦ ପ୍ରଶାନ୍ତ ଭୂଷଣ ଓ ଶାନ୍ତି ଭୂଷଣଙ୍କର ଉଦାହରଣ ଦେଇ କହିଛନ୍ତି , ତାଙ୍କୁ ପ୍ରଶ୍ନ ପଚାରିବା ନେଇ ପାର୍ଟିରୁ ବାହାର କରିଦିଆ ଗଲା , ଯେବେ ବି ସେ ଆରମ୍ଭରୁ ପାର୍ଟିର ସଦସ୍ୟ ରହି ଥିଲେ।
