ନୂଆଦିଲ୍ଲୀ ୦୯/୦୫: ସୋସିଆଲ ମିଡିଆରୁ ବର୍ତ୍ତମାନ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। ଅନେକ ପ୍ରମୁଖ ସେଲିବ୍ରିଟିଙ୍କ ଇନଷ୍ଟାଗ୍ରାମ ଫଲୋର୍ସ ରାତାରାତି ହ୍ରାସ ପାଇଛି, ଯାହା ସମସ୍ତଙ୍କୁ ଚକିତ କରିଛି। କ୍ରିଷ୍ଟିଆନୋ ରୋନାଲ୍ଡୋଙ୍କଠାରୁ ନେଇ ବିରାଟ କୋହଲି, ଆଲିଆ ଭଟ୍ଟ ଏବଂ ପ୍ରିୟଙ୍କା ଚୋପ୍ରାଙ୍କ ପର୍ଯ୍ୟନ୍ତ, ସେମାନଙ୍କର ଆକାଉଣ୍ଟରେ ଲକ୍ଷ ଲକ୍ଷ ଫଲୋର୍ସ ହ୍ରାସ ପାଇଛି। ଆସନ୍ତୁ ଜାଣିବା କାହିଁକି ରାତାରାତି ଫଲୋର୍ସଙ୍କ ସଂଖ୍ୟା ଏତେ ବଡ଼ ହ୍ରାସ ପାଇଛି।
ଇନଷ୍ଟାଗ୍ରାମର ମୂଳ କମ୍ପାନୀ ମେଟା, ଆପ୍ ରୁ ଅନେକ ଫେକ୍, ଇନଆକ୍ଟିଭ୍ ଏବଂ ବଟ୍ ଆକାଉଣ୍ଟ୍ ହଟାଇ ଦେଇଛି। ଏହା ଫଳରେ ବହୁ ସଂଖ୍ୟକ ସେଲିବ୍ରିଟି ଲକ୍ଷ ଲକ୍ଷ ଫଲୋର୍ସ ହରାଇଛନ୍ତି। ଫଲୋର୍ସଙ୍କ ସଂଖ୍ୟା ହଠାତ୍ ହ୍ରାସ ପାଇବାରୁ କିଛି ଲୋକ ଏହାକୁ ଏକ ତ୍ରୁଟି ଭାବେ ସନ୍ଦେହ କରିଥିଲେ, କିନ୍ତୁ ମେଟାର ପ୍ରାମାଣିକତା ଅଭିଯାନ ଯୋଗୁଁ ଅନେକ ଆକାଉଣ୍ଟ୍ ହଟାଇ ଦିଆଯାଇଛି।
ଏହି ସେଲିବ୍ରିଟିଙ୍କ ଫଲୋର୍ସ କମିଛନ୍ତି :
ରିପୋର୍ଟ ଅନୁଯାୟୀ,
କ୍ରିଷ୍ଟିଆନୋ ରୋନାଲ୍ଡୋଙ୍କ ୬.୬ ମିଲିୟନ
ମେସିଙ୍କ ୪.୮ ମିଲିୟନ
ଜଷ୍ଟିନ ବିବରଙ୍କ ୪.୩ ମିଲିୟନ
ବିରାଟ କୋହଲିଙ୍କ ୨ ମିଲିୟନ
ପ୍ରିୟଙ୍କା ଚୋପ୍ରାଙ୍କ ୧.୧ ମିଲିୟନ
ଶ୍ରଦ୍ଧା କପୁରଙ୍କ ୧ ମିଲିୟନ ଏବଂ ଆଲିୟା ଭଟ୍ଟଙ୍କର ମଧ୍ୟ ୧ ମିଲିୟନ୍ ଫଲୋର୍ସ ଗାଏବ ହୋଇଛନ୍ତି। ଗୋଟିଏ ରାତିରେ ଏତେ ସଂଖ୍ୟକ ଫଲୋର୍ସ କମିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।
ଆହୁରି ପଢ଼ନ୍ତୁ...‘ବିଜୟ-ତ୍ରିଶା ବିବାହ କରିନେବା ଉଚିତ୍’…ଡ୍ରାମା କ୍ୱିନଙ୍କ ବଡ଼ ବୟାନ
ତେବେ ମେଟା ଇନଷ୍ଟାଗ୍ରାମରେ ଅଥେଣ୍ଟିସିଟି ବୃଦ୍ଧି କରିବା ପାଇଁ ଏହି ଆକାଉଣ୍ଟଗୁଡ଼ିକୁ ହଟାଇ ଦେଇଛି, କାରଣ ଅନେକ ସେଲିବ୍ରିଟି, ପ୍ରଭାବଶାଳୀ, ଏଜେନ୍ସି ଏବଂ କମ୍ପାନୀଗୁଡ଼ିକ ନକଲି ଆକାଉଣ୍ଟ ବ୍ୟବହାର କରନ୍ତି ଯାହା ଦ୍ୱାରା ଏନଗେଜମେଣ୍ଟ ବଢିଥାଏ। ସୋସିଆଲ ମିଡିଆରେ ଲାଇକ୍, କମେଣ୍ଟ ଏବଂ ଏନଗେଜମେଣ୍ଟ ବୃଦ୍ଧି କରିବା ପାଇଁ ନକଲି ଏବଂ ବଟ୍ ଆକାଉଣ୍ଟ ବ୍ୟବହାର କରାଯାଏ। ଏହା ବ୍ୟତୀତ, ଅନେକ ଛୋଟ କ୍ରିଏଟରଙ୍କ ଫଲୋର୍ସ ସଂଖ୍ୟା ମଧ୍ୟ ହ୍ରାସ ପାଇଛି।
