ଛତ୍ରପୁର, ୨୧।୬ : ଗୋପାଳପୁର ଥାନା ପୁକୁଡିବନ୍ଧ ଛକ ନିକଟ ଜାତୀୟ ରାଜପଥ ଉପରେ ଏକ ସ୍କୁଟିକୁ ଟ୍ରକ ଧକ୍କା ଦେବାରୁ ସ୍ତ୍ରୀର ମୃତ୍ୟୁ ଘଟିଥିବା ବେଳେ ସ୍ବାମୀ ଗୁରୁତର ହୋଇଛି।  ମୃତକ ହେଲେ ପୁଷ୍ପାଞ୍ଜଳି ଶାସମଲ (୪୦) ଏବଂ ଆହତ ସ୍ୱାମୀ ସାଇବ ଶାସମଲ (୪୫) 

ପୁରୁଷୋତ୍ତମପୁର ପଟୁ ଆଇବ ଓ ତାଙ୍କ ସ୍ତ୍ରୀ ପୁଷ୍ପାଞ୍ଜଳୀ ସ୍କୁଟି ଯୋଗେ ନିଜ ଗାଁ ଫୁଲଟାକୁ ଯାଉଥିଲେ। ବାଟରେ ଟ୍ରକ ସ୍କୁଟିକୁ ଧକ୍କା ଦେଇଥିଲା।  ଘଟଣା ସ୍ଥଳରେ ପୁଷ୍ପାଞ୍ଜଳୀଙ୍କ ମୃତ୍ୟୁ ହୋଇଥିବା ବେଳେ  ଆଇବ ଆହତ ହୋଇଥିଲେ l ଆହତ ସାଇବଙ୍କୁ ବ୍ରହ୍ମପୁର ମେଡିକାଲ ସ୍ଥାନାନ୍ତର କରାଯାଇଥିଲା l ଏହି ଘଟଣାପରେ ଉତ୍ତ୍ୟକ୍ତ ଜନସାଧାରଣ ଓଭର ବ୍ରିଜ ସ୍ଥାପନ, କ୍ଷତିପୂରଣ ପ୍ରଦାନ ଦାବୀରେ ଜାତୀୟ ରାଜପଥ ଅବରୋଧ କରିଥିଲେ।  ଫଳରେ ଜାତୀୟ ରାଜପଥ ପ୍ରାୟ ଅଢେଇଘଣ୍ଟା ବନ୍ଦ ହୋଇଥିଲା l ଦୁଇ ପାର୍ଶ୍ଵ ରେ ଶହ ଶହ ଗାଡି ଅଟକି ରହିଥିଲା l ତେବେ ଦୁର୍ଘଟଣା ସ୍ଥଳ ଚମାଖଣ୍ଡି ନାଁ ଗୋପାଳପୁର ଥାନା ଅଞ୍ଚଳରେ ଏହାକୁ ନେଇ ବିବାଦ ଦେଖାଦେଇଥିଲା l ଛତ୍ରପୁର ଏସ ଡି ପି ଓ ଚନ୍ଦନ ଘଡେଇ ଏବଂ ପ୍ରଶାସନିକ ଅଧିକାରୀ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ। ମୃତାହତ ପରିବାରକୁ  ପ୍ରଶାସନ ତରଫରୁ ୩୦ ହଜାର ଟଙ୍କା ଦିଆଯିବା ପରେ ରାସ୍ତାରୋକ ହଟିଥିଲା। l ଏହାପରେ ମୃତଦେହ  ଗୋପାଳପୁର ପୁଲିସ ଜବତ କରି ଏମ କେ ସି ଜି କୁ  ବ୍ୟବଛେଦ ପାଇଁ ପଠାଇଥିଲେ।