ଦାରିଙ୍ଗବାଡି,୨୯/୧(ଆପ୍ର): ଶ୍ରାନିକେତା ପଞ୍ଚାୟତ ଦଣ୍ଡିମାହା ସ୍ଥିତ ଆରକେଡି ପଡିଆ ଠାରେ ୱିଣ୍ଟର କପ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଏଥିରେ ଦାରିଙ୍ଗବାଡି ବନାଞ୍ଚଳ ଅଧିକାରୀ ମାଧବ ଚନ୍ଦ୍ର ବେହେରା, ଥାନା ଅଧିକାରୀ କନକ ମାଝୀ ଅତିଥି ଭାବେ ଯୋଗ ଦେଇଥିଲେ । ଏହି ଟୁର୍ଣ୍ଣାମେଣ୍ଟରେ ଦାରିଙ୍ଗବାଡି ବ୍ଲକର ୧୬ ଟି ଦଳ ଅଂଶ ଗ୍ରହଣ କରି ଥିଲେ ।
ପ୍ରଥମ ସେମିଫାଇନାଲ ଗାହାକିଆ ସହ ଫରେଷ୍ଟ ଇଲେଭେନ୍ ଏବଂ ୨ୟ ସେମିଫାଇନାଲ ଶ୍ରାନିକେତା ଫ୍ରେଣ୍ଡ୍ସ ଇଲେଭେନ୍ ସହ ସିକରମାହା ମଧ୍ୟରେ ଖେଳ ହୋଇଥିଲା । ପ୍ରଥମ ସେମିଫାଇନାଲରେ ଫରେଷ୍ଟ ଇଲେଭେନ୍ ବିଜୟ ହୋଇଥିବା ବେଳେ ଦ୍ଵିତୀୟ ସେମିଫାଇନାଲରେ ଶ୍ରାନିକେତା ଫ୍ରେଣ୍ଡ୍ସ ଇଲେଭେନ୍ ଦଳ ବିଜୟ ହୋଇଥିଲେ । ୨ଟି ଦଳ ଫାଇନାଲକୁ ପ୍ରବେଶ କରିଥିଲେ । ଫରେଷ୍ଟ ଇଲେଭେନ୍ ଦଳ ପ୍ରଥମେ ବ୍ୟାଟିଙ୍ଗ କରି ୧୫ ଓଭରରେ ୧୩୨ ରନ୍ କରି ୮ ଟି ୱିକେଟ ହରାଇଥିଲା। ଏହାର ଜବାବରେ ଶ୍ରାନିକେତା ଫ୍ରେଣ୍ଡ୍ସ ଇଲେଭେନ୍ ୧୧ ଓଭର ୪ ଟି ବଲ୍ ରେ ୭ଟି ୱିକେଟ ହରାଇ ୧୩୩ ରନ କରି ବିଜୟ ହୋଇଥିଲେ । ବିଜୟୀ ଦଳ କୁ ୮ ହଜାର ଟଙ୍କା ସହ ୱିନର ଟ୍ରଫି ପ୍ରଦାନ କରାଯାଇଥିବା ବେଳେ ରନର୍ସ ଦଳକୁ ୫ ହଜାର ଟଙ୍କା ସହ ଟ୍ରଫି ଅତିଥିମାନଙ୍କ ଦ୍ଵାରା ପ୍ରଦାନ କରାଯାଇଥିଲା । ଅମ୍ପାୟର ଭାବେ ପ୍ରଭାସ ସାହୁ, ଅମର ନାୟକ ଯୋଗ ଦେଇଥିଲେ । କମିଟିର ସଦସ୍ୟ ସାମନ୍ତ ନାୟକ, ସନୋଜ ପ୍ରଧାନ,ଶିଧେସ୍ୱର ପୃଷ୍ଟି ପ୍ରମୁଖ ସହଯୋଗ କରିଥିଲେ ।
