ନୂଆଦିଲ୍ଲୀ,୦୬/୦୩; ଘରୋଇ ଅଷ୍ଟ୍ରେଲିଆ ଓ ଭାରତ ମଧ୍ୟରେ ଆଜିଠୁ ଏକମାତ୍ର ଟେଷ୍ଟ ଆରମ୍ଭ ହେବାକୁ ଯାଉଛି । ପର୍ଥର ଐତିହାସିକ ୱାକା ଗ୍ରାଉଣ୍ଡ୍ରେ ଏହି ମ୍ୟାଚ ଅନୁଷ୍ଠିତ ହେବ । ଏହି ଦିବା ରାତ୍ର ଟେଷ୍ଟ ପିଙ୍କ ବଲ୍ରେ ଖେଳାଯିବ । ଭାରତ ଦ୍ୱିତୀୟ ଥର ପାଇଁ ପିଙ୍କ ବଲ୍ ଟେଷ୍ଟ ଖେଳିବାକୁ ଯାଉଛି ଓ ଅଷ୍ଟ୍ରେଲିଆ ଚତୁର୍ଥ ଥର ପାଇଁ ପିଙ୍କ ବଲ୍ ଟେଷ୍ଟ ଆୟୋଜନ କରୁଛି । ମ୍ୟାଚ୍ ସକାଳ ୧୦ଟା ୫୦ମିନିଟରେ ଆରମ୍ଭ ହେବ ।
ଅଷ୍ଟ୍ରେଲିଆ ମାଟିରେ ଭାରତ ଶେଷ ଥର ପାଇଁ ୨୦୨୧ରେ ଟେଷ୍ଟ ଖେଳିଥିଲା । ଗୋଲ୍ଡ କୋଷ୍ଟରେ ଖେଳାଯାଇଥିବା ଉକ୍ତ ମ୍ୟାଚ ଡ୍ର’ ରହିଥିଲା । ଏହା ମଧ୍ୟ ଦିବା ରାତ୍ର ଟେଷ୍ଟ ରହିଥିଲା । ସ୍ମୃତି ମନ୍ଧନା ଉକ୍ତ ମ୍ୟାଚରେ ଶତକ (୧୨୭) ଅର୍ଜନ କରିଥିଲେ । ଉକ୍ତ ଟେଷ୍ଟ ଖେଳିଥିବା ମାତ୍ର ୩ ଜଣ ଖେଳାଳି ବର୍ତ୍ତମାନ ଭାରତୀୟ ଦଳରେ ରହିଛନ୍ତି । ସେମାନେ ହେଲେ ମନ୍ଧନା, ଶେଫାଳି ବର୍ମା ଓ ଦୀପ୍ତି ଶର୍ମା । ଫଳ ସ୍ୱରୂପ ଆଜି ଭାରତ ପକ୍ଷରୁ ୭ଜଣ ଖେଳାଳି ଅଷ୍ଟ୍ରେଲିଆରେ ପ୍ରଥମ କରି ପିଙ୍କ ବଲ୍ ଟେଷ୍ଟ ଖେଳିବେ । ଅଷ୍ଟ୍ରେଲିଆ ପକ୍ଷରୁ ବାମ ହାତି ପେସ ବୋଲର ଲୁସି ହାମିଲଟନ ପଦାର୍ପଣ କରିବା ଏକ ପ୍ରକାର ନିଶ୍ଚିତ । ୱାକା ପିଚ୍ରେ ପତଳା ଘାସର ଆସ୍ତରଣ ରହିଛି । ଯାହା ପ୍ରଥମ ଦିନରେ ପେସ୍ ବୋଲରଙ୍କୁ ସହାୟତା କରିବା ନିଶ୍ଚିତ । ମାତ୍ର ମ୍ୟାଚ ଆଗେଇବା ସହ ପିଚ୍ ଶୁଷ୍କ ହେବ ଓ ସ୍ପିନରଙ୍କୁ ସହାୟତା କରିବ ।
୫ ବର୍ଷ ପରେ ପ୍ରଥମ ଥର ପାଇଁ ଆରମ୍ଭ ହେଉଥିବା ଏକ ଦିବା-ରାତ୍ରି ଟେଷ୍ଟ ମ୍ୟାଚରେ ଅଷ୍ଟ୍ରେଲିଆର ମୁକାବିଲା କରିବ । ବିଜୟ ପାଇଁ ବରିଷ୍ଠ ଖେଳାଳିମାନଙ୍କୁ ଭଲ ପ୍ରଦର୍ଶନ କରିବାକୁ ପଡିବ । ଏହି ମ୍ୟାଚ୍ ଅଷ୍ଟ୍ରେଲିଆ ବିପକ୍ଷରେ ବହୁ-ଫର୍ମାଟ୍ ସିରିଜ୍ ମଧ୍ୟ ସମାପ୍ତ କରିବ, ଯେଉଁଥିରେ ଭାରତ ଟି-୨୦ ସିରିଜ୍ ୨-୧ ରେ ଜିତିଥିଲା ଏବଂ ଅଷ୍ଟ୍ରେଲିଆ ଏକଦିବସୀୟ ସିରିଜ୍ ୩-୦ରେ ଜିତିଥିଲା । ଶେଷ ୫ଟି ଟେଷ୍ଟ ମ୍ୟାଚରେ ଅପରାଜିତ ରହିବା ପରେ ଭାରତର ଆତ୍ମବିଶ୍ୱାସ ଶିଖର ଛୁଇଁଛି । ହରମନପ୍ରୀତ କୌରଙ୍କ ଅଧିନାୟକତ୍ୱରେ, ଦଳ ଡିସେମ୍ବର ୨୦୨୩ରୁ ଜୁଲାଇ ୨୦୨୪ ମଧ୍ୟରେ ଘରୋଇ ଇଂଲଣ୍ଡ, ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକାକୁ ପରାସ୍ତ କରି କ୍ରମାଗତ ୩ଟି ଟେଷ୍ଟ ମ୍ୟାଚ୍ ଜିତିଛି । ଭାରତ ୨୦୨୧ ମସିହାରେ ଇଂଲଣ୍ଡ ଏବଂ ଅଷ୍ଟ୍ରେଲିଆ ବିପକ୍ଷରେ ଶେଷ ଦୁଇଟି ବିଦେଶ ଟେଷ୍ଟ ମ୍ୟାଚ୍ ଡ୍ର କରିଥିଲା । ସେହି ବର୍ଷ ସେପ୍ଟେମ୍ବର-ଅକ୍ଟୋବରରେ ଅଷ୍ଟ୍ରେଲିଆ ବିପକ୍ଷରେ ଏକ ଦିବାରାତ୍ର ଟେଷ୍ଟ ଖେଳାଯାଇଥିଲା, ଯେଉଁଥିରେ ସ୍ମୃତି ମନ୍ଧାନା ଶତକ ହାସଲ କରିଥିଲେ। ଅଷ୍ଟ୍ରେଲିଆ ବର୍ତ୍ତମାନ ଏହି ବହୁ-ଫର୍ମାଟ ସିରିଜରେ ୮-୪ରେ ଆଗୁଆ ଥିଲା।
ଏହା ବି ପଢନ୍ତୁ...୩୬ ଛକା, ୩୯ ଚୌକା ସହ ୪୯୯ ରନ୍; ଇଣ୍ଡିଆ-ଇଂଲଣ୍ଡ ସେମିରେ ୱାଙ୍ଖଡ଼େରେ ରେକର୍ଡ ବର୍ଷା, ସଞ୍ଜୁ କଲେ ଏହି କୀର୍ତ୍ତିମାନ
ଭାରତୀୟ ଦଳ: ସ୍ମୃତି ମନ୍ଧନା, ପ୍ରତୀକା ରାୱଲ, ଶେଫାଳି ବର୍ମା, ଜେମିମା ରୋଡ୍ରିଗ୍ସ, ହର୍ମନପ୍ରୀତ କୌର (ଅଧିନାୟିକା), ଦୀପ୍ତି ଶର୍ମା, ରିଚା ଘୋଷ, ଅମନଜୋତ କୌର/ସାୟାଲି ସତଘରେ, କାଶବୀ ଗୌତମ, ସ୍ନେହ ରାଣା, କ୍ରାନ୍ତି ଗୌଡ଼ ।
ଅଷ୍ଟ୍ରେଲିଆ ଦଳ: ଫୋଏବ ଲିଚଫିଲ୍ଡ, ଜର୍ଜିୟା ଭୋଲ, ଏଲିସ ପେରୀ, ଆଲିସା ହିଲି (ଅଧିନାୟିକା), ଆନାବେଲ ସୁଦରଲାଣ୍ଡ, ବେଥ ମୁନି, ଆସଲି ଗାର୍ଡନର, ତହିଲା ମ୍ୟାକଗ୍ରା, ଆଲାନା କିଙ୍ଗ, ଲୁସି ହାମିଲଟନ, ଡାର୍ସି ବ୍ରାଉନ ।
