ରାଜଗିର,୧୨/୧୧: ଆୟୋଜିକ ଭାରତ ମହିଳା ଏସିଆନ୍ ଚାମ୍ପିଅନ୍ସ ଟ୍ରଫି ହକିର ଉଦ୍ଘାଟନୀ ମ୍ୟାଚ୍ରେ ୪-୦ ଗୋଲରେ ମାଲେସିଆକୁ ପରାଜିତ କରିଛି । ସଙ୍ଗୀତା କୁମାରୀ ଡବଲ ଗୋଲ୍ ଦେଇ ଦଳକୁ ଜିତାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ । ଅନ୍ୟ ୨ଟି ମ୍ୟାଚ୍ରେ ଚୀନ ୧୫-୦ ଗୋଲରେ ଥାଇଲାଣ୍ଡକୁ ହରାଇଥିବାବେଳେ ଜାପାନ ଓ କୋରିଆ ମଧ୍ୟରେ ମ୍ୟାଚ୍ ୨-୨ ଗୋଲରେ ଅମୀମାଂସିତ ରହିଥିଲା।
ଭାରତ ଓ ମାଲେସିଆ ମ୍ୟାଚ୍ ଏକତରଫା ଥିଲା । ଅଷ୍ଟମ ମିନିଟ୍ରେ ସଙ୍ଗୀତା କୁମାରୀ ଘରୋଇ ଦଳର ଗୋଲ ଖାତା ଖୋଲିଥିଲେ । କିନ୍ତୁ ମାଲେସିଆ ପ୍ରଥମ କ୍ୱାର୍ଟରର ପରବର୍ତ୍ତୀ ସମୟ ଏବଂ ଦ୍ୱିତୀୟ କ୍ୱାର୍ଟରରେ କଡ଼ା ଟକ୍କର ଦେବାରୁ ଖେଳ ସଂଘର୍ଷପୂର୍ଣ୍ଣ ହୋଇଥିଲା । ମାତ୍ର ତୃତୀୟ ଓ ଚତୁର୍ଥ କ୍ୱାର୍ଟରରେ ଭାରତ ଆଉ ୩ଟି ଗୋଲ୍ ଦେଇ ମ୍ୟାଚ୍ ଜିତି ନେଇଥିଲା । ୪୩ ମିନିଟରେ ପ୍ରୀତି ଦୁବେ, ୪୪ ମିନିଟରେ ଉଦିତା ଦୁହାନ ଏବଂ ୫୫ ମିନିଟରେ ସଙ୍ଗୀତା ଗୋଲ୍ ସ୍କୋର କରିଥିଲେ ।ମାଲେସିଆ ବହୁ ପ୍ରୟାସ ସତ୍ତେ୍ୱ ଖାତା ଖୋଲିବାରେ ସମର୍ଥ ହୋଇନଥିଲା । ଭାରତ ଦ୍ୱିତୀୟ ମ୍ୟାଚ୍ରେ ମଙ୍ଗଳବାର ଦକ୍ଷିଣ କୋରିଆକୁ ଭେଟିବ।
