ଫିରିଙ୍ଗିଆ,୨୩/୦୪: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ତଳଦଣ୍ଡିକିଆ ପଞ୍ଚାୟତ ଅଧୀନରେ ଥିବା ବରେପାଙ୍ଗା ଗାଁର ମହିଳା ମନେ ତାଙ୍କ ଗାଁକୁ ଲଷ୍ମୀ ବସ୍‌ ଚଳାଚଳ କରିବା ପାଇଁ ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଲିଖିତ ଭାବରେ ଏକ ଦାବିପତ୍ର ଜଣାଇଛନ୍ତି ।

ସୂଚନା ମୁତାବକ, ଫିରିଙ୍ଗିଆ ବ୍ଲକ ର ଉପାନ୍ତ ଅଞ୍ଚଳ କୁହାଯାଉଥିବା ଏହି ତଳଦଣ୍ଡିକିଆ ପଂଚାୟତ ଟି ବନପାହାଡ଼ ଘେରା ମଧ୍ୟ୍ୟରେ ରହିଛି I ରାଜ୍ୟ ସରକାରଙ୍କ ପାରିବହନ ବିଭାଗ ତରଫରୁ ଏହି ପଞ୍ଚାୟତ କୁ ଏକ ଲଷ୍ମୀ ବସ ଯୋଗାଇ ଦିଆଯାଇଛି । କିନ୍ତୁ ବସ୍‌ଟି ପଞ୍ଚାୟତ ମୁଖ୍ୟାଳୟ ପର୍ଯ୍ୟନ୍ତ ଯାଉଥିବାରୁ ପଞ୍ଚାୟତ ଅଧୀନରେ ଥିବା ବିଭିନ୍ନ ଗ୍ରାମାଞ୍ଚଳର ଲୋକମାନଙ୍କୁ ଠିକ୍ ଭାବରେ ବସ୍‌ ଶେବା ମିଳିପାରୁନାହିଁ । ଯାହାପାଇଁ ଅଞ୍ଚଳର ଲୋକଙ୍କୁ ନାହିଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡୁଛି । ଗାଁକୁ ବସ୍ ଚଳାଚଳ କରିବା ପାଇଁ ଏହି ଗ୍ରାମବାସୀ ବାରମ୍ବାର ଅଭିଯୋଗ ମଧ୍ୟ କରିଆସୁଛନ୍ତି । କିନ୍ତୁ କୌଣସି ଫଳ ନମିଳିବାରୁ ବାଧ୍ୟହୋଇ ସ୍ଥାନୀୟ ବିଡିଓଙ୍କୁ ଦାବିପତ୍ର ଦେଇଛନ୍ତି ମହିଳାମାନେ ।

ତେବେ ବରେପାଙ୍ଗାକୁ ବସ୍‌ ଚଳାଚଳ କଲେ ପଞ୍ଚାୟତ ଅଧୀନରେ ଥିବା ବରେପାଙ୍ଗା ଗାଁ ସହ ମଣ୍ଡିଲି, ପଞ୍ଜାପଦର, ଲମ୍ବାଗୁଡ଼ୁରି ଭଳି ପାଞ୍ଚରୁ ସାତଟି ଗାଁର ଲୋକଙ୍କୁ ବସ୍ ସେବା ମିଳିପାରିବ ବୋଲି ମହିଳା ମାନେ କହିଛନ୍ତି । ଅନ୍ୟପଟେ ଆଗାମୀ କିଛିଦିନ ମଧ୍ୟ୍ୟରେ ଏହି ବରେପାଙ୍ଗା ଗାଁକୁ ବସ୍‌ ଚଳାଚଳ କରିବ ବୋଲି ପ୍ରତିଶୃତି ଦେଇଛନ୍ତି ସ୍ଥାନୀୟ ବିଡ଼ିଓ ଅନୁପ ଅଭିଷେକ ବେହେରା ।