ବିଶ୍ୱ କଇଁଛ ଦିବସ, କଇଁଛଙ୍କ ସର୍ବାଧିକ ଯତ୍ନ ଓ ସୁରକ୍ଷାକୁ ଦେବା ସହ ସଚେତନ କରାଇବା
ଭୁବନେଶ୍ୱର ୨୩/୦୫: ବୈଜ୍ଞାନିକ ତଥ୍ୟ ଅନୁସାରେ, ପୃଥିବୀରେ ବର୍ତ୍ତମାନ ୩୫୦ରୁ ଉଦ୍ଧ୍ୱର୍ ପ୍ରଜାତିର ୬.୫ ନିୟୁତ କଇଁଛ ଅଛନ୍ତି । ଏମାନଙ୍କ ଗୁରୁତ୍ୱକୁ ସମ୍ମାନ ଦେଇ ପ୍ରତି ବର୍ଷ ମେ ୨୩ ତାରିଖରେ ପାଳନ କରାଯାଏ ବିଶ୍ୱ କଇଁଛ ଦିବସ । ୧୯୯୦ ମସିହା, ମେ ଆଜିର ଦିନ ପ୍ରତିଷ୍ଠା ହୋଇଥିବା ଅଣଲାଭକାରୀ ସଂସ୍ଥା ଆମେରିକାନ୍ ଟରଟଏଜ୍ ରେସ୍କ୍ୟୁ (ଏଟିଆର୍) ପ୍ରଥମେ ଏହି ପଦକ୍ଷେପ ହାତକୁ ନେଇଥିଲା । ତା’ପରଠାରୁ ଲୋପ ପାଉଥିବା କଇଁଛଙ୍କ ସୁରକ୍ଷା ଲାଗି ବିଶ୍ୱବାସୀଙ୍କୁ ଉତ୍ସାହିତ କରାଯାଉଛି ।
ସବୁ ଜୀବଜନ୍ତୁଙ୍କୁ ମଣିଷ ଭଳି ଭଲପାଇବା ଉଚିତ ବୋଲି ଏଟିଆର୍ର ପ୍ରତିଷ୍ଠାତା ସୁସାନ ଟେଲେମ୍ ଓ ମାର୍ଶାଲ ଥମ୍ପସନ୍ ଲୋକଙ୍କୁ ଅନୁରୋଧ କରିଛନ୍ତି । ଖାସ୍କରି କଇଁଛଙ୍କ ପାଇଁ ସ୍ୱତନ୍ତ୍ର ଯତ୍ନ ଆବଶ୍ୟକ । ବିଲୁପ୍ତିର ଦ୍ୱାରଦେଶରେ ଥିବା କଇଁଛଙ୍କ ପାଇଁ ସର୍ବାଧିକ ଯତ୍ନ ଓ ସୁରକ୍ଷାକୁ ଏ ଅବସରରେ ଗୁରୁତ୍ୱ ଦିଆଯାଏ ।
