ନୂଆଦିଲ୍ଲୀ: ଇରାନ ଓ ଇଜ୍ରାଏଲ ପରସ୍ପର ଉପରେ ଆକ୍ରମଣ କରିବା ଜାରି ରଖିଛନ୍ତି। ଏହାରି ମଧ୍ୟରେ ଚାଇନାର ରାଷ୍ଟ୍ରପତି ସି ଜିନପିଙ୍ଗ ଏହାକୁ ନେଇ ଏକ ବଡ ବୟାନ ଜାରି କରିଛନ୍ତି। ସେ ଦୁଇ ଦେଶକୁ ସମ୍ୱୋଧନ କରି କହିଛନ୍ତି ଯେ, ମଧ୍ୟପ୍ରାଚ୍ୟରେ ସଂଘର୍ଷକୁ ଅଟକାଇବା ପାଇଁ ସବୁଠୁ ଜରୁରୀ ପ୍ରାଥମିକତା ହେଉଛି ଯୁଦ୍ଧ ବିରାମ। ଏବଂ ଅନ୍ତରାଷ୍ଟ୍ରିୟ ବିବାଦକୁ ସମାଧାନ କରିବା ପାଇଁ ବଳର ପ୍ରୟୋଗ କରିବାର କୌଣସି ଆବସ୍ୟକତା ନାହିଁ। ଏହାକୁ ଶାନ୍ତିର ରାସ୍ତାରେ ଯାଇ ମଧ୍ୟ ହାସଲ କରାଯାଇ ପାରିବ ବୋଲି କହିଛନ୍ତି।
ସୂଚନା ମୁତାବକ, ଇସ୍ରାଏଲ ଗତ ଶୁକ୍ରବାର ଇରାନ ଉପରେ ଆକସ୍ମିକ ଆକ୍ରମଣ ଆରମ୍ଭ କରିଥିଲା। ଯାହାର ଜବାବରେ ଇରାନ ମଧ୍ୟ ଘନଘନ ମିସାଇଲ ଏବଂ ଡ୍ରୋନ ଆକ୍ରମଣ କରି ନିଜ ଉପରେ ହୋଇଥିବା ଆକ୍ରମଣର ପ୍ରତିଶୋଧ ନେଇଛି। ଇରାନର ବୃଦ୍ଧି ପାଉଥିବା ପରମାଣୁ କାର୍ଯ୍ୟକ୍ରମକୁ ରୋକିବାକୁ ଇସ୍ରାଏଲ ଏହି ଆକ୍ରମଣ କରିଥିଲା ବୋଲି ଜଣାପଡିଛି। ଏହି ଆକ୍ରମଣରେ ଏଯାଏ ଇରାନର ଅନେକ ସହର ଧ୍ୱସଂ ହୋଇଯାଇଥିବା ବେଳେ ୬୦୦ରୁ ଅଧିକ ନାଗରିକଙ୍କ ମୃତ୍ୟୁ ଘଟିଛି। ସେହିଭଳି ଇରାନର ଆକ୍ରମଣରେ ଇସ୍ରାଏଲର ୩୦ ଜଣ ନାଗରିକଙ୍କ ମୃତ୍ୟୁ ହୋଇଥିବା ଜଣାପଡିଛି।
ଉଭୟ ଦେଶର ଏହି ଆକ୍ରମଣ ଓ ପ୍ରତିଆକ୍ରମଣରେ ବିଶ୍ୱ ବଜାରର ହାଲ ବେହାଲ ହେବାରେ ଲାଗିଛି। ଅଶୋଧିତ ତୈଳର ମୂଲ୍ୟ ଆକାଶ ଛୁଇଁଥିବା ବେଳେ ମୁଲ୍ୟବାନ ଧାତୁ ବଜାରରେ ମଧ୍ୟ ମୂଲ୍ୟ ଅସ୍ଥିର ରହିଛି। ଆମେରିକା ମଧ୍ୟ ଇରାନକୁ କଡା ଚେତାବନି ଦବା ଆରମ୍ଭ କରିଛି। ଇରାନ ଆମେରିକାକୁ ପାଲଟା ଜବାବ ଦେବା ସହ ଆକ୍ରମଣ ଜାରି ରଖିଛି।
ଅନ୍ୟପଟେ ଏନେଇ ଚୀନ୍ ରାଷ୍ଟପତି ଜିଙ୍ଗପିଙ୍ଗ ଓ ଋଷିୟ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଟେଲିଫୋନ ମଧ୍ୟମରେ କତାବର୍ତ୍ତା ହୋଇଛନ୍ତି। ଯେଉଁଥିରେ ଏହି ଦୁଇ ନେତା ମଧ୍ୟ ପ୍ରାଚ୍ୟରେ ଉପୁଜିଥିବା ବର୍ତ୍ତମାନର ସ୍ଥିତି ସମ୍ପର୍କରେ ଆଲୋଚନା କରିଥିଲେ। ଏହା ସହ ଏହି ଯୁଦ୍ଧରେ ସମ୍ୱଦ୍ଧିତ ଥିବା ପକ୍ଷ, ଖାସ କରି ଇଜ୍ରାଏଲକୁ ଅପିଲ କରି କହିଛନ୍ତି ଯେ “ଇସ୍ରାଏଲ ଯଥାସମ୍ଭବ ଯୁଦ୍ଧ ବିରାମ ଲାଗୁ କରୁ। ଯାହାଦ୍ୱାରା ମଧ୍ୟପ୍ରାଚ୍ୟରେ ଶାନ୍ତି ଓ ସ୍ଥିରତା ଆସିପାରିବ।”
ସି ଜିଙ୍ଗପିଙ୍ଗ ଆହୁରି ମଧ୍ୟ କହିଛନ୍ତି ଯେ ଚାଇନା ସବୁବେଳେ କଥାବର୍ତ୍ତା ଓ କୁଟନୀତି ଜରିଆରେ ଅନ୍ତରାଷ୍ଟ୍ରିୟ ମୁଦ୍ଧାକୁ ସମାଧାନ କରିବା ପାଇଁ ଚେଷ୍ଟା କରିଆସୁଛି। କୌଣସି ବି ପରିସ୍ଥିତିରେ ବଳର ପ୍ରୟୋଗ ସମାଧାନର ରାସ୍ତା ନୁହେଁ। ଏଣୁ ଉଭୟ ଦେଶକୁ ଧର୍ଯ୍ୟ ଧରି ରହିବାକୁ ପଡିବ।
