ମାତ୍ର ଏକ କିମି ଚାଲିବା ଦ୍ୱାରା ସୁସ୍ଥ ରହିବା ସହିତ କରି ପାରିବେ ସମାଜସେବା, ଜାଣନ୍ତୁ କେମିତି…
source:pixabay.com
୨୦୦୬ ଅଗଷ୍ଟରେ ଆଇଆଇଟି ଛାତ୍ର ଇଶାନ ନଡକାର୍ନି ଓ ନିଖିଲ ଖଣ୍ଡେଲୱାଲ ‘ଇମ୍ପାକ୍ଟ’ ଆପ୍ଲିକେସନ୍ ଲଞ୍ଚ କରିଥିଲେ । ବର୍ତ୍ତମାନ ଏହି ଆପ୍ର ଗ୍ରାହକଙ୍କ ସଂଖ୍ୟା ଲକ୍ଷେରୁ ଅଧିକ । ଲୋକଙ୍କୁ ସୁସ୍ଥ ରହିବାର ବାର୍ତ୍ତା ଦେବା ଓ ସମାଜସେବା ଏହାର ଉଦ୍ଦେଶ୍ୟ । ଆପ୍ ଅନୁସାରେ, ଜଣେ ବ୍ୟକ୍ତି ୧ କିମି ଚାଲିଲେ ୧୦ ପଇସା ଏନ୍ଜିଓକୁ ଯାଇଥାଏ । ଏନ୍ଜିଓ ସେହି ପଇସାକୁ ଗରିବ ଲୋକଙ୍କ ଉନ୍ନତିରେ ଲଗାଇବା ସହ ପରିବେଶରେ ମଧ୍ୟ ବିନିଯୋଗ କରିଥାଏ ।
ଇଶାନ କହନ୍ତି, ଆରତି ଇଣ୍ଡଷ୍ଟ୍ରି, ଡିଏଚ୍ଏଲ, ହିମାଲୟା ଭଳି କମ୍ପାନିର ସିଏସ୍ଆର୍ ଫଣ୍ଡ(କର୍ପୋରେଟ ସୋସିଆଲ୍ ରେସ୍ପନସିବିଲିଟି)ରୁ ଏହି ଟଙ୍କା ଆସିଥାଏ । ଏକ ରିପୋର୍ଟ ଅନୁସାରେ, ଭାରତରେ ଏହାର ଗ୍ରାହକ ୯୫ ହଜାର ଓ ବିଦେଶରେ ୫ ହଜାର ଅଛନ୍ତି । ଏହି ୩ ବର୍ଷ ଭିତରେ ଆପ୍ର ଗ୍ରାହକ ୪୦ଲକ୍ଷ କିମି ଚାଲିବା ଦ୍ୱାରା ୪ କୋଟି ଟଙ୍କା ଏନ୍ଜିଓକୁ ଯାଇଛି । ଏହି ଅର୍ଥ ସାହାଯ୍ୟରେ ୩୦୦ ଗରିବ ଚାଷି ପରିବାର, ୭୦ ସହିଦ ଯବାନଙ୍କ ପରିବାରଙ୍କୁ ସାହଯ୍ୟ ସହିତ ମହାରାଷ୍ଟ୍ରର ଜଲଗାଓଁରେ ଏନ୍ଜିଓ ପକ୍ଷରୁ ୧୧,୨୫୦ ବୃକ୍ଷରୋପଣ କରାଯାଇଛି । ଏଥିସହ ପ୍ରତିବର୍ଷ ୩୮୫ଟି ବିଦ୍ୟାଳୟକୁ ଖାଦ୍ୟ ଦିଆଯାଉଛି । ଏହି ଅଭିଯାନରେ ଗ୍ରାହକଙ୍କୁ ସାମିଲ କରିବା ପାଇଁ ବିଭିନ୍ନ କମ୍ପାନି ତରଫରୁ ପ୍ରତିଯୋଗିତା ହୁଏ । ଉତ୍ତମ ପ୍ରଦର୍ଶନ କରିଥିବା ଟିମ୍ ପୁରସ୍କୃତ ହୁଅନ୍ତି ।
