ହରଭଙ୍ଗା: ୩୦/୫ ବୌଦ୍ଧ ଜିଲ୍ଲାରେ ହରଭଙ୍ଗା, ବୌଦ୍ଧ, କଣ୍ଟାମାଳ ବ୍ଲକରେ ମୌସୁମୀ ବର୍ଷା ଆସିବା ପୂର୍ବରୁ ଅଦିନିଆ ବର୍ଷା ୪ ଦିନ ଧରି ବିଭିନ୍ନ ସ୍ଥାନରେ ଲାଗି ରହିଛି l ଏପରିକି କଣ୍ଟାମାଳ ବ୍ଲକରେ ଅତ୍ୟଧିକ ବର୍ଷା ହେତୁ ଘଣ୍ଟାପଡା ପଂଚାୟତ ମାଣ୍ଡିଆ ଜୋର -ରେକ ଡୋଲ ରାସ୍ତାର ସମଲେଶ୍ୱରୀ ନାଳ ଉପରେ ଗତ କାଲି 5ଫୁଟ ର ପାଣି ଯାତାୟାତ କରି ଥିବାରୁ 3ଖଣ୍ଡ ପଂଚାୟତ ଯୋଗାଯୋଗ ବିଛନ୍ନ ରହିଥିଲା l ଆଜି ସେହିପରି ହରଭଙ୍ଗା ବ୍ଲକ ରେ ପୁରୁଣାକଟକ ଅଞ୍ଚଳ ସହିତ ଅନ୍ୟ ସ୍ଥାନରେ ସନ୍ଧ୍ୟା ସମୟରେ ହଠାତ ମଧ୍ୟମ ଧରଣ ର ବର୍ଷା ସହ ଘଡଘଡି ଓ ବିଜୁଳି ଏବଂ ବଜ୍ରପାତ ହୋଇଥିଲା l ଫଳରେ ବଜ୍ରାଘାତରେ ପୁରୁଣା କଟକ ଗ୍ରାମ ପଂଚାୟତ ଶରଧାପୁର ଗ୍ରାମର ଅଜିତ ସେଠି (୧୯)ବର୍ଷା ଦାଉରୁ ରକ୍ଷା ପାଇବା ପାଇଁ ଗ୍ରାମ ନିକଟ ଏକ ଆମ୍ବ ଗଛ ତଳେ ରହିଥିବା ବେଳେ ଅନୀତି ଦୂରରେ ବଜ୍ରାଘାତ ହୋଇଥିଲା l ବଜ୍ରାଘାତ ପ୍ରଭାବରେ ଅଜିତ ଅଚେତ ହୋଇଥିବାରୁ  ଗ୍ରାମବାସୀ ଓ ପରିବାର ଅଜିତକୁ ପୁରୁଣା କଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ l ପ୍ରାଥମିକ ଚିକିତ୍ସାରୁ ଡାକ୍ତର ଅଜିତକୁ ସାମାନ୍ୟ   ବଜ୍ରାଘାତରେ ଆହତ ସହିତ ଜୀବନ ପ୍ରତି କୋଣସି ବିପଦ ନଥିବା ସୂଚନା ଦେଇଛନ୍ତି l