ଦିଗପହଣ୍ଡି ୧୩।୫(ଆପ୍ର) ; କଲେଜରେ ପଢିବାକୁ ନେଇ ମା’- ପୁଅ ମଧ୍ୟରେ ଝଗଡା । କୀଟନାଶକ ଔଷଧ ଖାଇ ଜୀବନ ହାରିଲା ପୁଅ। ଏଭଳି ଏକ ଦୁଃଖଦ ଘଟଣା ଦିଗପହଣ୍ଡି ଥାନା ଅନ୍ତର୍ଗତ ସିଦ୍ଧେଶ୍ୱର ବଡଦାଣ୍ଡ ସାହିରେ ଦେଖିବାକୁ ମିଳିଛି। ମୃତକ ଜଣକ ହେଲେ ଦୀପକ କୁମାର ବିଷୋୟୀ ।
ଦୀପକ ଚଳିତ ବର୍ଷ ଦଶମ ଶ୍ରେଣୀ ପରୀକ୍ଷାରେ ୩୫୩ ନମ୍ବର ରଖି ପାସ କରିଥିଲେ। ପାସ ପରେ କଲେଜରେ ପଢିବା ପାଇଁ ଦୀପକ ଇଛା ପ୍ରକାଶ କରିଥିଲେ। କଲେଜରେ ପଢିବାକୁ ନେଇ ଘଟଣା ଦିନ ରାତ୍ରିରେ ମା- ପୁଅ ମଧ୍ୟରେ ଝଗଡା ହୋଇଥିଲା। ଏଥିରେ ଭାରସାମ୍ୟ ହରାଇ ଦୀପକ ଘରେ ଥିବା କୀଟନାଶକ ଔଷଧ ଖାଇ ଆତ୍ମହତ୍ୟା କରିଥିଲେ। ଏନେଇ ପରିବାର ପକ୍ଷରୁ ଥାନାରେ ଏତଲା ଦିଆଯାଇଥିଲା। ଏତଲା ଆଧାରରେ ପୁଲିସି ଏକ ଅପମୃତ୍ୟୁ ମାମଲା ରୁଜୁ କରିବା ସହ ମ ଜବତ କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡ ମେଡିକାଲକୁ ପଠେଇ ଘଟଣାର ତଦନ୍ତ ଆରମ୍ଭ କରିଥିବା ଭାରପ୍ରାପ୍ତ ଥାନା ଆଇ. ଆଇ. ସି ପ୍ରଶାନ୍ତ କୁମାର ପାତ୍ର କହିଛନ୍ତି।
