PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ଯୁବକଙ୍କ ସନ୍ଦେହଜନକ ମୃତ୍ୟୁ ଘଟଣା; ପ୍ରେମିକାଙ୍କୁ ଗିରଫ କଲା ପୁଲିସ

ଭୁବନେଶ୍ୱର,୨୮ା୫(ବ୍ୟୁରୋ): ଆଶିଷ ମିଶ୍ର (୨୯)ଙ୍କ ସନ୍ଦେହଜନକ ମୃତ୍ୟୁ ମାମଲାରେ ଶ୍ରୀଲିଙ୍ଗରାଜ ଥାନା ପୁଲିସ ତାଙ୍କ ପ୍ରେମିକାଙ୍କୁ ଗିରଫ କରିଛି । ସେ ହେଲେ ଯାଜପୁର ଧର୍ମଶାଳା ପ୍ରତାପପୁର ଗାଁର ସୁଜାତା ଦାସ ଓରଫ୍‌ ଲିଜା (୨୩) । ତାଙ୍କ ବିରୋଧରେ ପୁଲିସ ଆଇପିସି ଦଫା ୩୦୬ (ଆତ୍ମହତ୍ୟାରେ କୁପ୍ରରୋଚନା) ଲଗାଇଛି । ୧୬୧ ଆଧାରରେ ବୟାନ ରେକର୍ଡ ପରେ ତାଙ୍କୁ ଗିରଫ କରି ଆଜି କୋର୍ଟଚାଲାଣ କରିଛି । ଘଟଣା ଦିନ ଲିଜା ତାଙ୍କ ରୁମ୍‌ରେ ଥିଲେ । ଲିଜାଙ୍କ ସାମ୍ନାରେ ଆଶିଷ ଆତ୍ମହତ୍ୟା କରିଛନ୍ତି ବୋଲି ଲିଜା ବୟାନ ଦେଇଥିବା ପୁଲିସ କହିଛି ।

ପୁଲିସ କହିବା ମୁତାବକ, ଆଶିଷ ଓ ଲିଜାଙ୍କ ମଧ୍ୟରେ ୩ ବର୍ଷ ଧରି ପ୍ରେମ ସମ୍ପର୍କ ଥିଲା । ଉଭୟ ଶ୍ରୀଲିଙ୍ଗରାଜ ମନ୍ଦିର ନିକଟରେ ଆଶିଷଙ୍କ ଘରେ ଏକାଠି ରହୁଥିଲେ । ତେବେ ଆଶିଷ ପୂର୍ବରୁ ଅନ୍ୟ ଜଣେ ଯୁବତୀଙ୍କୁ କୋର୍ଟରେ ବିବାହ କରିଥିଲେ । ପରେ ଉଭୟଙ୍କ ମଧ୍ୟରେ ମନୋମାଳିନ୍ୟ ଯୋଗୁଁ ଅଲଗା ହୋଇଯାଇଥିଲେ । ହେଲେ ଆଶିଷ ପୁଣି ତାଙ୍କ ପତ୍ନୀଙ୍କ ପାଖକୁ ଫେରିବାକୁ ଚାହୁଁଥିଲେ । ଏପଟେ ଆଶିଷଙ୍କୁ ବିବାହ ପାଇଁ ଲିଜା ସବୁବେଳେ ଜିଦ୍‌ କରୁଥିଲେ । ଫଳରେ ଲିଜାଙ୍କ ସହ ତାଙ୍କର ଅନେକ ସମୟରେ ଝଗଡ଼ା ହେଉଥିଲା । ଘଟଣା ଦିନ ସନ୍ଧ୍ୟାବେଳେ ଉଭୟେ ମାର୍କେଟକୁ ଯାଇଥିଲେ । ଘରକୁ ଫେରିବା ପରେ ଉଭୟଙ୍କ ମଧ୍ୟରେ ପ୍ରବଳ ଝଗଡ଼ା ହୋଇଥିଲା । ରାତି ପ୍ରାୟ ସାଢ଼େ ୧୨ଟା ବେଳେ ଆଶିଷ ଆତ୍ମହତ୍ୟା କରିଥିଲେ । ପୂର୍ବରୁ ୫-୬ ଥର ଆଶିଷ ଏମିିତି ଆତ୍ମହତ୍ୟାର ଅଭିନୟ କରିଥିବାରୁ ଲିଜା ତାଙ୍କୁ ଅଟକାଇନଥିବା ପୁଲିସ ସାମ୍ନାରେ ବୟାନ ଦେଇଛନ୍ତି ।

ସେପଟେ ଆଶିଷଙ୍କ ବନ୍ଧୁ ଓ ଭଉଣୀ ମଧୁମିତା ଅଲଗା ଅଭିଯୋଗ ଆଣିଛନ୍ତି । ସେମାନେ କହିଛନ୍ତି, କିଛି ମାସ ତଳେ ଆଶିଷ ୧.୭୦ କୋଟି ଟଙ୍କା ମୂଲ୍ୟରେ ଏକ ଜାଗା ବିକିଥିଲେ । ଜମି ବିକ୍ରିରୁ ମିଳିଥିବା ଟଙ୍କା ହିଁ ଝଗଡ଼ାର ମୂଳ କାରଣ । ଏଥିପାଇଁ ଲିଜା ତାଙ୍କୁ ମାରିଦେଇ ପାରିଥାନ୍ତି ବୋଲି ସେମାନେ ଅଭିଯୋଗ କରିଛନ୍ତି । ଏନେଇ ତଦନ୍ତ ଚାଲିଛି ବୋଲି ପୁଲିସ କହିଛି ।ା