ଫିରିଙ୍ଗିଆ, ୨୮/୪ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଫିରିଙ୍ଗିଆ ପଞ୍ଚାୟତ ର ଶଶୀପଦର ଗାଁ ନିକଟ ଛକ ରାସ୍ତାରେ ଅଜଣା ଗାଡି ଧକ୍କାରେ ଜଣେ ସ୍କୁଟି ଆରୋହୀ ଗୁରୁତର ଆହତ ହୋଇଛନ୍ତି। ଯୁବକ ଜଣକ ଫିରିଙ୍ଗିଆ ବ୍ଲକ ସାଡୀଙ୍ଗିଆ ପଞ୍ଚାୟତ କଟାପଙ୍ଗା ଗାଁର ଅଭିମନ୍ୟୁ ମୁଖି । 

କଟାପଙ୍ଗା ଗାଁର ଅଭିମନ୍ୟୁ ମୁଖି  ଫିରିଙ୍ଗିଆ ରେ ନିଜର କାମ ସାରି ନିଜ ଗାଁ କୁ ସ୍କୁଟିରେ ଫେରୁଥିଲେ। ଫିରିଙ୍ଗିଆ ନିକଟ ଶଶୀପଦର ଗାଁ ନିକଟ ଛକ ଓ ପୂର୍ତ୍ତ ବିଭାଗ ଡାକ ବଙ୍ଗଳା ସମୁଖ ରେ ଗୋଟିଏ ଅଜଣା ଗାଡି ଧକ୍କା ଦେଇ ଚାଲି ଯାଇଥିଲା l ଘଟଣା ସ୍ଥଳ ରେ ସ୍କୁଟି ଆରୋହୀ ଜଣକ ଗୁରୁତର ଅବସ୍ଥାରେ ପଡ଼ି ରହିଥିଲେ l ଗାଁ ଲୋକେ ଘଟଣା ସ୍ଥଳ ରେ ପହଞ୍ଚି ଆମ୍ବୁଲାନ୍ସ ଯୋଗେ ଫିରିଙ୍ଗିଆ ମେଡିକାଲ କୁ ପଠାଇଥିଲେ l ଅବସ୍ଥା ଗୁରୁତର ହେବାରୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆମ୍ବୁଲାନ୍ସ ଯୋଗେ ସ୍ଥାନାନ୍ତର କରାଯାଇଛି।