ଭୁବନେଶ୍ବର, ୩।୯ : ଗାଡ଼ି ସାଇଡ୍ ମରାକୁ ନେଇ ଛୁରା ମାଡ଼ ।ସ୍ଥାନୀୟ ସହିଦନଗର ଥାନା ମହର୍ଷି କଲେଜ ରୋଡରେ ହୋଇଛି ଛୁରା ମାଡ଼। ଏଥିରେ ୟୁନିଟ ୬ ଅଞ୍ଚଳର ଏନ କାର୍ତ୍ତିକ ଆହତ ହୋଇଛନ୍ତି। 

ୟୁନିଟ୍-୬ ରୁ ଫିଜିଓଥେରପି ପାଇଁ ଆସିଥିବା ଏନ୍ କାର୍ତ୍ତିକ ତାଙ୍କ ସାଙ୍ଗ ସହ ବାଇକ୍ ରେ ଯାଉଥିଲେ। ହଠାତ୍ ଜଣେ କାର୍ ଚାଳକ ପଛପଟୁ ସାଇଡ୍ ମାରି ଚାଲି ଯାଉଥିବା ବେଳେ କାର୍ତ୍ତିକ ତାଙ୍କ ସହ ଯୁକ୍ତିତର୍କ କରିଥିଲେ । ଆଉ ସେତିକି ବେଳେ ଜଣେ ଯୁବକ ତାଙ୍କ ଛାତିକୁ ଛୁରୀ ଭୁସି ଥିଲା । କାର୍ତ୍ତିକ ପ୍ରତିରୋଧ କରିବାରୁ ତାଙ୍କ ହାତରେ ଛୁରୀ ବାଜି ଏକାଧିକ ସ୍ଥାନରେ କ୍ଷତ ସୃଷ୍ଟି ହୋଇଥିଲା। ହସ୍ପିଟାଲ ଯାଇ ଚିକିତ୍ସିତ ହେବା ପରେ ସ୍ଥାନୀୟ ସହିଦ ନଗର ଥାନାରେ କାର୍ତ୍ତିକ ଅଭିଯୋଗ କରିଛନ୍ତି । ପୋଲିସ ସ୍ଥାନୀୟ ଅଞ୍ଚଳର ସିସିଟିଭି ଯାଞ୍ଚ ସହ ଦୃର୍ବୁତ୍ତ ମାନେ ଆସିଥିବା ଗାଡ଼ି ନମ୍ବରକୁ ଟ୍ରେସ କରି  ତଦନ୍ତ ଚଳାଇଛି। ସେପଟେ ସନ୍ଧ୍ୟା ଓ ଜନଗହଳି ପୂର୍ଣ୍ଣ ସମୟରେ ଏପରି ଘଟଣା ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି କରିଛି।