ଗାନ୍ଧୀନଗର, ୭/୫ : ଲୋକସଭା ନିର୍ବାଚନର ତୃତୀୟ ଚରଣର ମତଦାନ ପୂରା ହୋଇଯାଇଛି । ମଙ୍ଗଳବାର ୯୩ସିଟରେ ମତଦାନ ହୋଇଛି । ଏହି ସମୟରେ ଗୁଜୁରାଟର ଏକ ବହୁତ ନିଆରା ମତଦାନ କେନ୍ଦ୍ରରେ ୧୦୦ପ୍ରତିଶତ ଭୋଟିଂ ହୋଇଛି । ମତଦାନ ପ୍ରତିଶତ ମାମଲାରେ ପୂର୍ବ ଭଳି ଚଳିତ ବର୍ଷ ବି ଆସାମର ପ୍ରଦର୍ଶନ ବହୁତ ଭଲ ରହିଛି ଯେଉଁଠାରେ ୫ଟା ସୁଦ୍ଧା ପ୍ରାୟ ୭୫ପ୍ରତିଶତ ମତଦାନ ହୋଇଛି ।

ଗୁଜୁରାଟର ଗୀର ସୋମନାଥ ଜିଲ୍ଲାର ଉନା ବିଧାନସଭା ଅଞ୍ଚଳରେ ଏକ ନିଆରା ମତଦାନ କେନ୍ଦ୍ରରେ ମଙ୍ଗଳବାର ୧୦୦ପ୍ରତିଶତ ମତଦାନ ହୋଇଛି । ମଧ୍ୟ ଗୀର ଜଙ୍ଗଲର ବାନେଜ ବୁଥ ନମ୍ବର ୩ରେ ୧୦୦ପ୍ରତିଶତ ଭୋଟିଂ ହୋଇଛି । ପ୍ରକାଶ ଯେ, ବାନେଜ ବୁଥରେ କେବଳ ଜଣେ ମତଦାତା ଅଛନ୍ତି ।

ଏଠାରେ ବାନେଜ ମନ୍ଦିରର ମହନ୍ତ ହରିଦାସବାପୁ ଯେଉଁଭଳି ଭାବେ ଭୋଟ ଦେଲେ ୧୦୦ପ୍ରତିଶତ ଭୋଟିଂ ରେକର୍ଡ଼ କରାଯାଇଛି । ନିର୍ବାଚନ ଆୟୋଗ ଦେଶରେ ପ୍ରତ୍ୟେକ ନାଗରିକ ପର୍ଯ୍ୟନ୍ତ ପହଞ୍ଚିବା ଲାଗି ପ୍ରତିବଦ୍ଧ ଅଟନ୍ତି । ଗୋଟିଏ ଭୋଟର ମହତ୍ବ ବୁଝାଇବା ଲାଗି ଇସି ଏଠାରେ କେବଳ ଗୋଟିଏ ଭୋଟ ଲାଗି ପୁରା ପୁଲିଂ ବୁଥ ସ୍ଥାପିତ କରିଥାନ୍ତି ।