ମାଲକାନଗିରି/କାଲିମେଳା, ୨୯/୪ : ମାଲକାନଗିରି ଜିଲ୍ଲା କାଲିମେଳା ପୋଲିସକୁ ମିଳିଛି ବଡ଼ ସଫଳତା।
ବହୁ ପରିମାଣର ଗଞ୍ଜେଇ ଜବତ କରିବା ସହ ଏଥିରେ ସମ୍ପୃକ୍ତ ଦୁଇଜଣଙ୍କୁ ଗିରଫ କରିଛନ୍ତି । ତଥ୍ୟ ମୁତାବକ ଗତକାଲି ରାତିରେ କାଲିମେଳା ପୋଲିସ କୁର୍ମାନୁର ପଞ୍ଚାୟତ ଅନ୍ତର୍ଗତ କେନ୍ଦୁଗୁଡ଼ା ଗ୍ରାମ ନିକଟରେ ପାଟ୍ରୋଲିଙ୍ଗ କରୁଥିବା ସମୟରେ ଗ୍ରାମ ନିକଟ ଜଙ୍ଗଲରେ ଗଞ୍ଜେଇ ଚୋରାଚାଲାଣ ହେଉଥିବା ବିଶେଷ ସୁତ୍ରରୁ ଖବରପାଇ ଉକ୍ତ ଜଙ୍ଗଲରେ ଚଢଉ କରିଥିଲା ।
ସେହି ସମୟରେ ଦୁଇ ଜଣ ବ୍ୟକ୍ତି କିଛି ଗଞ୍ଜେଇ ବସ୍ତା ଧରି ଅନ୍ୟ ରାଜ୍ୟକୁ ଚୋରା ଚାଲାଣ କରିବା ପାଇଁ ପ୍ରସ୍ତୁତ ହୋଇଥିଲା । ଠିକ୍ ଏହି ସମୟରେ ପୋଲିସ ଗଞ୍ଜେଇ ସହ ଉକ୍ତ ଦୁଇ ଜଣଙ୍କୁ ଗିରଫ କରିଥିଲେ। ଉକ୍ତ ଗଞ୍ଜେଇ ବସ୍ତାମାନଙ୍କ ମଧ୍ୟରେ ମୋଟ ୩୫୦କେଜି ଗଞ୍ଜେଇ ଜବତ ହୋଇଥିବାବେଳେ ଅଭିଯୁକ୍ତ ଦୁଇଜଣଙ୍କ ପରିଚୟ ବର୍ତ୍ତମାନ ସୁଦ୍ଧା ପୁଲିସ ଜଣାଇ ନାହିଁ । ତେବେ ଏ ସମ୍ବନ୍ଧରେ କାଲିମେଳା ପୋଲିସ ଏକ ମାମଲା ରୁଜୁ କରି ଏହାର ତଦନ୍ତ ଜାରି ରଖିଥିବାବେଳେ ଅଭିଯୁକ୍ତଙ୍କୁ ପଚରାଉଚୁରା ଜାରି ରହିଛି ।