ଭୁବନେଶ୍ୱର,୨୯/୦୪: ପୁଣି ରାଜଧାନୀରେ ବଢ଼ିଲା ଡେଙ୍ଗୁ ଆତଙ୍କ ।  ଜଣେ ମହିଳାଙ୍କ ମୁଣ୍ଡ ନେଲା ଡେଙ୍ଗୁ ଭୂତାଣୁ । ବୁଦ୍ଧ ବିହାର ବ୍ଲକ୍‌ ୨୫ରେ ରହୁଥିବା  ୪୮ ବର୍ଷିୟା ସ୍ୱର୍ଣ୍ଣଲତା ସାହୁଙ୍କ ଡେଙ୍ଗୁରେ ମୃତ୍ୟୁ ହୋଇଥିବା ତାଙ୍କ ପରିବାର  ଲୋକେ ଅଭିଯୋଗ କରିଛନ୍ତି । ସେ ଗତ ୨୫ ତାରିଖରୁ ଜ୍ୱରରେ ପୀଡ଼ିତ ହୋଇ  ଘରୋଇ ହସ୍ପିଟାଲରେ ଚିକିତ୍ସିତ ଥିଲେ । ତାଙ୍କର ଡେଙ୍ଗୁ ରିପୋର୍ଟ ମଧ୍ୟ ପଜିଟିଭ୍‌  ଆସିଥିଲା । ରବିବାର ତାଙ୍କର ମୃତ୍ୟୁ ହୋଇଛି । ତେବେ ସରକାରୀ ଭାବେ ଏହା  ସ୍ପଷ୍ଟ କରାଯାଇନାହିଁ । 

ଗତ ଦୁଇ ମାସ ହେଲାଣି  ନିଳାଦ୍ରୀ ବିହାର ଓ ବୁଦ୍ଧି ବିହାରରେ ଡେଙ୍ଗୁ ଭୟ ବଢ଼ିଚାଲିଛି । ସେଠାରେ ବର୍ତ୍ତମାନ ୫୦ରୁ ଅଧିକ ଲୋକ ଡେଙ୍ଗୁରେ ଆକ୍ରାନ୍ତ ହୋଇଥିବା ଜଣାପଡ଼ିଛ । ଡେଙ୍ଗୁ ନେଇ ଅଞ୍ଚଳବାସୀଙ୍କ ଚିନ୍ତା ବଢ଼ିଛି । ସ୍ଥାନୀୟ ଲୋକ କହିଛନ୍ତି, ଡେଙ୍ଗୁ ମଶା ବଂଶ ବୃଦ୍ଧି ନେଇ ବିଏମସିରେ ଅଭିଯୋଗ କରିଯାଇଛି । ହେଲେ ଏହାର  ନିରକାରଣ ଦିଗରେ କୌଣସି ପଦକ୍ଷେପ ନିଆଯାଉନାହିଁ । ଘରୋଇ ହସ୍ପିଟାଲ  ବ୍ୟତୀତ କ୍ୟାପିଟାଲ ହସ୍ପିଟାଲରେ ମଧ୍ୟ ନିଳାଦ୍ରୀ ବିହାର ଓ ବୁଦ୍ଧ ବିହାର ଅଞ୍ଚଳରୁ  ଲୋକେ ଡେଙ୍ଗୁରେ ପୀଡ଼ିତ ହୋଇ ଚିକିତ୍ସିତ ହେଉଛନ୍ତି । ଗତ ମାସ ଭିତରେ  ହସ୍ପିଟାଲ୍‌କୁ ୧୨ ପାଖାପାଖି ରୋଗୀ ଚିକିତ୍ସିତ ହୋଇ ଯାଇଥିବା ସୂଚନା ମିଳିଛି।