ମୁମ୍ବାଇ,୩୦/୦୪: ମୁମ୍ବାଇରେ ଦିଲ୍ଲୀର ଶ୍ରଦ୍ଧା ୱାକର ହତ୍ୟା ଭଳି ଏକ ଘଟଣା ସାମ୍ନାକୁ ଆସିଛି । ଥାନେରୁ ୭ ଦିନ ହେଲା ନିଖୋଜ ଥିବା ଜଣେ ଯୁବତୀଙ୍କ ଖଣ୍ଡ ବିଖଣ୍ଡିତ ମୃତଦେହ ଏକ ସୁଟକେଶ ଭିତରୁ ମିଳିଛି । ଏହି ଘଟଣାରେ ପୁଲିସ ନିଜାମ ନାମକ ଜଣେ ଅଭିଯୁକ୍ତକୁ ଗିରଫ କରିଛି । ସେ ହତ୍ୟା ଘଟଣାକୁ ସ୍ୱୀକାର କରିଛି ।
ପୁଲିସର ସୂଚନା ଅନୁଯାୟୀ ପୁନମ କ୍ଷୀରସାଗର ନାମକ ଏହି ଯୁବତୀ ଜଣକ ମାନଖୁର୍ଦ୍ଦ ଅନ୍ତର୍ଗତ ସାଠେନଗର ଅଞ୍ଚଳରେ ରୁହନ୍ତି । ସେ ପ୍ରତିଦିନ ନାଗପଡାକୁ କାମ କରିବାକୁ ଆସନ୍ତି । କାମ କରିବାକୁ ଯିବା ଆସିବା ଭିତରେ ନିଜାମ ନାମକ ଜଣେ ଯୁବକଙ୍କ ସହିତ ତାଙ୍କର ସମ୍ପର୍କ ହୋଇଥିଲା । ନିଜାମ ଟ୍ୟାକ୍ସି ଚଳାଏ । ଗତ ୧୮ ତାରିଖରେ ନିଜାମ ଉକ୍ତ ଯୁବତୀଙ୍କୁ କଲ୍ୟାଣ ନେଇଯାଇଥିଲା । ସେଠାରେ ଯୁବତୀଙ୍କୁ ପାଣିରେ ବୁଡାଇ ହତ୍ୟା କରିଥିଲା । ପରେ ହସ୍ପିଟାଲକୁ ନେଇଥିଲା । କିନ୍ତୁ ଧରାପଡିଯିବା ଭୟରେ ବାଟରୁ ଫେରାଇ ଆଣି ଘରକୁ ନେଇଯାଇଥିଲା । ସେଠାରେ ମୃତଦେହକୁ ଖଣ୍ଡଖଣ୍ଡ କରି କାଟି ସୁଟକେଶରେ ଭର୍ତ୍ତି କରିଥିଲା । ପରେ ଉକ୍ତ ସୁଟ୍କେଶକୁ ନେଇ ପାଣିରେ ଫିଙ୍ଗି ଦେଇଥିଲା । ତେବେ ତାର ହାବଭାଗକୁ ଦେଖି କିଛି ଲୋକ ପୁଲିସକୁ ସୂଚନା ଦେଇଥିଲେ । ପୁଲିସ ତାକୁ ଧରି ଥାନାକୁ ନେଇଯିବା ପରେ ସେ ଦୋଷ ମାନିଥିଲା ।