ମୁମ୍ୱାଇ, ୨୦/୦୩ : ମୁମ୍ବାଇର ପ୍ରତିଷ୍ଠିତ ଜାହାଙ୍ଗୀର ଆର୍ଟ ଗ୍ୟାଲେରୀରେ ଅନୁଷ୍ଠିତ ହୋଇଛି ପ୍ରସିଦ୍ଧ ଚିତ୍ରକର ଅନୁପକୁମାର ଚାନ୍ଦଙ୍କ ଏକକ ଚିତ୍ରକଳାର ପ୍ରଦର୍ଶନୀ ମୁନ୍ ଲାଇଟ୍ ଷ୍ଟୋରୀ। ଏହି ପ୍ରଦର୍ଶନୀ ୧୭ ମାର୍ଚ୍ଚ ୨୦୦୫ରେ ଉଦ୍ଘାଟିତ ହୋଇଯାଇଛି । ୧୮ରୁ ୨୩ ମାର୍ଚ୍ଚ ସକାଳ ୧୧ ରୁ ସନ୍ଧ୍ୟା ୭ ଘଟିକା ପର୍ଯ୍ୟନ୍ତ ଦର୍ଶକମାନଙ୍କ ନିମନ୍ତେ ଉନ୍ମୁକ୍ତ ରହିବ। ପୁର୍ଣ୍ଣିମା ରାତ୍ରିର ସୌନ୍ଦର୍ଯ୍ୟ ଏବଂ ଲୋକ ପରମ୍ପରାର ସଙ୍ଗମରେ ଆଧାରିତ ଅନୁପ ଚାନ୍ଦଙ୍କ ଏହି ପ୍ରଦର୍ଶନୀ ତାଙ୍କ କଳା ଯାତ୍ରାର ଏକ ନୂତନ ଅଧ୍ୟାୟ ପ୍ରାରମ୍ଭ କରେ। ଯେଉଁଠି ଦେଖବାକୁ ମିଳିଛି ଭାରତୀୟ ଲୋକ କଳା ଏବଂ ଆଧୁନୀକ ଚିତ୍ରକଳାର ଏକ ଅପୂର୍ବ ସମାହାର ।
ଏହା ମଧ୍ୟ ପଢନ୍ତୁ-ସଫେଇ କର୍ମଚାରୀଙ୍କ କାର୍ଯ୍ୟ ବନ୍ଦ ଆନ୍ଦୋଳନ, ମେଡିକାଲ ସୁପରିଟେଣ୍ଡେଣ୍ଟଙ୍କ କାର୍ଯ୍ୟାଳୟ ସାମ୍ନାରେ ଧାରଣା
ଏହି ପ୍ରଦର୍ଶନୀରେ ସେ ମହାବଳ ବାଘକୁ ପାରମ୍ପରିକ ଭାବେ ହିଂସା ଓ ଶକ୍ତିର ପ୍ରତୀକ ପରିବର୍ତ୍ତେ ଶାନ୍ତି ଓ ପ୍ରଫୁଲ୍ଲତା ରେ ପରିପ୍ରକାଶ କରିଛନ୍ତି । ପୁର୍ଣ୍ଣିମା ଜହ୍ନ ଆଲୋକରେ ଆଛାଦିତ ମହାବଳର ପ୍ରକୃତି ସହିତ ସମନୂୟ ଦେଖାଇବା ସମେତ ଛାୟା ଓ ଆଲୋକର ଖେଳ ଦର୍ଶକଙ୍କୁ ଅବରୋଧ ଓ ନିରବରତାର ହୃଦୟଙ୍ଗମ କରିବା ସହ ପ୍ରାକୃତିକ ପରିବେଶ ସହ ସମନ୍ବୟ ରକ୍ଷା ନିମନ୍ତେ ଭାବନା ଉଦ୍ରେକ କରୁଛି।ଅନୁପ କୁମାର ଚାନ୍ଦଙ୍କ ଜନ୍ମ ଭୋଗରାଇ , ବାଲେଶ୍ଵରରେ ହୋଇଥିଲା । ବାଲ୍ୟକାଳରୁ ସେ ଲୋକକଳା ପ୍ରତି ଆକୃଷ୍ଟ ହୋଇଥିଲେ, ବିଶେଷ କରି ନିଜ ମା'ଙ୍କ ଠାରୁ ଶୁଣି ଥିବା ଲୋକ କଥା ଏବଂ ଲୋକ ଗିତ ତାଙ୍କ ଭାବନାକୁ ଚିତ୍ର ମାଧ୍ୟମରେ ଉପସ୍ଥାପିତ କରିବାକୁ ପ୍ରେରଣା ଦେଇଥିଲା। ଭୁବନେଶ୍ୱରସ୍ଥିତ ବି କେ ଚାରୁକଳା ମହା ବିଦ୍ୟାଳୟରୁ ସ୍ନାତକ ଓ ଛତିଶଗଡ଼ ଖଇରାଗଡ଼ ସ୍ଥିତ ଇନ୍ଦିରା କଳା ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଶିକ୍ଷା ସମାପ୍ତି ପରେ ସେ ଯୁଜିସି ଫେଲୋସିପ୍ ନିମନ୍ତେ ମନୋନିତ ହୋଇଥିଲେ ।"ଉପକୂଳ ଓଡ଼ିଶାର ଓଡ଼ିଶା ଲୋକ କଳା" ବିଷୟରେ ଗବେଷଣା କରି ଡକ୍ଟରେଟ ଉପାଧି ପାଇଥିଲେ। ତାଙ୍କର ଚିତ୍ରକଳାରେ ରଙ୍ଗର ସନ୍ତୁଳିତ ସଂରଚନା ତଥା ଶାନ୍ତ ସ୍ଭାବ ଏବଂ ସୁକ୍ଷ୍ମ ତୁଳିଚାଳନା ନିମନ୍ତେ ଆଦୃତ ।
