ଭୁବନେଶ୍ବର,୨୯/୦୪: ଖୋର୍ଦ୍ଧା ବଲାଙ୍ଗୀର ଏନ୍ଏଚ ୫୭ ସାହାଜପାଲ ଛକରେ ଜବରଦଖଲ ଉଚ୍ଛେଦ । ପ୍ରଶାସନ ଏବଂ ପୋଲିସ ପକ୍ଷରୁ ଉଚ୍ଛେଦ ଜାରି । ଜବରଦଖଲ କରି ହୋଟେଲ କରିଥିଲେ ସ୍ଥାନୀୟ ବ୍ୟକ୍ତି । ୬ ମାସ ପୂର୍ବରୁ ଜାଗା ଖାଲି କରିବାକୁ ନୋଟିସ ଦେଇଥିଲା ପ୍ରଶାସନ। କିନ୍ତୁ ଜାଗା ଖାଲି ନ କରିବାରୁ JCB ଲଗାଇ ହୋଟେଲ ଭାଙ୍ଗିଲା ପ୍ରଶାସନ ।
ସୂଚନା ଅନୁଯାୟୀ, ସାହାଜପାଲର ରାମଜୀ ଅଗ୍ରୱାଲ୍ ନାମକ ଜନୈକ ବ୍ୟକ୍ତି ଦୀର୍ଘ ବର୍ଷ ହେବ ୫୭ ନଂ ଜାତୀୟ ରାଜପଥ ଛକ ନିକଟରେ ଜାତୀୟ ରାଜପଥକୁ ଜବର ଦଖଲ କରି ଏକ ଦୋକାନ ଖୋଲିଥିଲେ । ଏହି ଜବରଦଖଲ ସ୍ଥାନକୁ ହଟାଇବା ପାଇଁ ୬ ମାସ ହେବ ପ୍ରଶାସନ ନୋଟିସ ଦେଇଥିବା ବେଳେ ମଧ୍ୟ ଆଜି ପର୍ଯ୍ୟନ୍ତ ସେ ସେହି ଜାଗାକୁ ଖାଲି କରିନଥିଲେ। ଯାହା ଦ୍ୱାରା ଆଜି ପ୍ରଶାସନ ନିଜେ ଜବରଦଖଲ ସ୍ଥାନରେ ଥିବା ଦୋକାନକୁ JCB ଲଗାଇ ଭାଙ୍ଗିବା ଆରମ୍ଭ କରିଛି। ଏହି ଜବରଦଖଲ ଉଚ୍ଛେଦ ସମୟରେ ବୌଦ୍ଧ ତହସିଲଦାର ଅନୀତା କୁମାରୀ ସାହୁ, ଅତିରିକ୍ତ ତହସିଲଦାର କୁମୁଦ ଚନ୍ଦ୍ର ଦଳବେହେରା, ଅତିରିକ୍ତ ତହସିଲଦାର ମହମ୍ମଦ ରଜାଏ ରଶୁଳ, ଏନଏଚ ବିଭାଗ ଅଧିକାରୀ ଓ ବାଉଁଶୁଣି ପୋଲିସର ଉପସ୍ଥିତିରେ ଜବର ଦଖଲ ଜାଗାକୁ ଉଚ୍ଛେଦ କରାଯାଇଛି। ସେହିପରି ସାହାଜପାଲ ଜାତୀୟ ରାଜପଥର ଦୁଇ ପାର୍ଶ୍ୱରେ ଥିବା ଜବରଦଖଲ ଜାଗାକୁ ଆଗାମୀ ଦିନରେ ଉଚ୍ଛେଦ କରାଯିବ ବୋଲି ତହସିଲଦାର ସୂଚନା ଦେଇଛନ୍ତି।
