ମାଲକାନଗିରି : ମାଲକାନଗିରି ଥାନା ଅଞ୍ଚଳର ଜଣେ ଯୁବତୀ କଟକର ଏକ ଇଞ୍ଜିନିୟରିଂ କଲେଜରେ ପଢୁ ଥିଲେ। ସେ ବଡ଼ ଯାତ୍ରା ପାଇଁ ନିଜ ଘର ମାଲକାନଗିରିକୁ ଆସିଥିଲେ। କୌଣସି କାରଣ ଯୋଗୁଁ ସେ ମାନସିକ ଭାରସାମ୍ୟ ହରାଇ ବୁଧବାର ରାତ୍ରରେ ନିଜ ଘରେ ଫାଶୀ ଲଗାଇ ଆତ୍ମହତ୍ୟା କରି ଥିବାର ଜଣା ପଡିଛି।
ଆଜି ସକାଳେ ମୃତ ଯୁବତୀଙ୍କ ପରିବାର ପକ୍ଷରୁ ଏ ସମ୍ପର୍କରେ ମାଲକାନଗିରି ଥାନାରେ ଜଣାଇବା ପରେ ମାଲକାନଗିରି ଥାନା ପୁଲିସ ଘଟଣା ସ୍ଥଳରେ ପହଁଚି ମୃତ ଶରୀର ଜବତ କରି, ଶବ ବ୍ୟବଚ୍ଛେଦ ନିମନ୍ତେ ପଠାଇ ଥିଲା। ଶବ ବ୍ୟବଚ୍ଛେଦ ପରେ ତାଙ୍କ ପରିବାର ଲୋକଙ୍କୁ ମୃତ ଶରୀର ହସ୍ତାନ୍ତର କରା ଯାଇଛି। ଯୁବତୀ ଜଣଙ୍କ ମାନସିକ ରୋଗୀ ଥିଲେ ଏବଂ ସେ ପୂର୍ବରୁ ମଧ୍ୟ ଆତ୍ମହତ୍ୟା ଉଦ୍ୟମ କରିଥିଲେ ବୋଲି ପରିବାର ଲୋକ ଥାନାରେ ଜଣାଇ ଥିବା ଥାନା ଅଧିକାରୀ କହିଛନ୍ତି।
ମାଲକାନଗିରି ଥାନାରେ ଏକ ଅପମୃତ୍ୟୁ ମାମଲା ରୁଜୁ କରା ଯାଇ ଏସମ୍ପର୍କରେ ତଦନ୍ତ ଚାଲିଛି ବୋଲି ମାଲକାନଗିରି ଥାନା ଅଧିକାରୀ ରିଗନ କିଣ୍ଡୋ କହିଛନ୍ତି।
