ମ.ରାମପୁର, ୨୧/୦୬: କଳାହାଣ୍ଡି ଜିଲ୍ଲା ମ.ରାମପୁର ଥାନା ମ.ରାମପୁର ଉପ ଡାକଘରୁ ଶୁକ୍ରବାର ରାତିରେ ଚୋରି ହୋଇଛି । କାର୍ଯ୍ୟାଳୟରୁ କ'ଣ କ'ଣ ଚୋରି ହୋଇଛି, ତାହା ଜଣାପଡ଼ିନାହିଁ । ଖବର ପାଇ ମ.ରାମପୁର ପୁଲିସ ଡାକଘର କାର୍ଯ୍ୟାଳୟକୁ ଆସି ତଦନ୍ତ ଚଳାଇଛି ।
ସୂଚନା ମୁତାବକ, କଳାହାଣ୍ଡି ଜିଲ୍ଲା ମ.ରାମପୁର ଥାନା ମ.ରାମପୁର ଉପ ଡାକଘରୁ ଶୁକ୍ରବାର ରାତିରେ ଚୋରି ହୋଇଛି । କବାଟରେ ଲାଗିଥିବା ଦୁଇଟି ତାଲା ଭାଙ୍ଗି ଚୋର ଡାକଘର ଭିତରକୁ ପଶି ଚୋରି କରିଛି । ଶନିବାର ସକାଳୁ କାର୍ଯ୍ୟାଳୟକୁ ଆସିବା ବେଳେ ତାଲା ଭଙ୍ଗା ଯାଇଥିବା ଜାଣି ମ.ରାମପୁର ପୁଲିସକୁ ଖବର ଦେଇଥିଲେ କର୍ମଚାରୀ । ଖବର ପାଇ ମ.ରାମପୁର ପୁଲିସ ଡାକଘର କାର୍ଯ୍ୟାଳୟକୁ ଆସି ତଦନ୍ତ ଚଳାଇଛି । ଚୋରି ଘଟଣା ପରେ ଶନିବାର ଡାକଘର ସାମ୍ନାରେ ବିଭିନ୍ନ କାମ ପାଇଁ ଆସିଥିବା ଲୋକଙ୍କୁ ଆଜି କୌଣସି କାମ ହେବନାହିଁ ବୋଲି କୁହାଯାଇଛି । ତେବେ କ'ଣ ସବୁ ଏହି କାର୍ଯ୍ୟାଳୟରୁ ଚୋରି ହୋଇଛି , ସେ ବିଷୟରେ କୌଣସି ସୂଚନା ମିଳିନାହିଁ ।
ତେବେ ଜୁନ୍ ୧୦ ତାରିଖରେ ମଧ୍ୟ ଡାକ ଘର ନିକଟରେ ଏକ ଦୋକାନରୁ ଚୋରି ହୋଇଥିଲା । ଚୋରି ସମୟର ସିସିଟିଭି ଫୁଟେଜ ସୋସିଆଲ ମିଡିଆରେ ଘୁରି ବୁଲୁଥିଲା । ତେବେ ମ.ରାମପୁରରେ ଦିନକୁ ଦିନ ଚୋରି ଘଟଣା ବଢୁଥିବା ବେଳେ ପୁଲିସ ପଦକ୍ଷେପ ନେଉ ନଥିବା ଆଲୋଚନା ହେଉଛି ।
