ବିରିଡି, ୩୦।୭(ଆପ୍ର ) : ବିରିଡି ବ୍ଲକ ପୂରଣ ପଞ୍ଚାୟତର ୧ନମ୍ବର ୱାର୍ଡ କମଳପୁର ଦଣ୍ଡାସାହିରେ ୧୨ ଜଣ ଜଣ୍ଡିସ ରୋଗୀ ଚିହ୍ନଟ ହୋଇଛନ୍ତି ।  ଜିଲ୍ଲା ସ୍ୱାସ୍ଥ୍ୟ ବିଭାଗ ଓ ବିରିଡି ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଏକ  ଡାକ୍ତରୀ ଟିମ ପହଞ୍ଚି ରୋଗୀଙ୍କ ଚିକିତ୍ସା କରିଛନ୍ତି। 

 କମଳପୁର ଦଣ୍ଡାସାହିରେ କେତେ ଜଣ ଜଣ୍ଡିସ ରୋଗରେ ଆକ୍ରାନ୍ତ ହୋଇଥିଲେ।  ସରପଞ୍ଚ ଯୁଧିଷ୍ଠିର ବେହେରା ଏହା ଜାଣିବାପରେ ସ୍ୱାସ୍ଥ୍ୟବିଭାଗକୁ ଅବଗତ କରାଇଥିଲେ l  ଜିଲ୍ଲା ସ୍ୱାସ୍ଥ୍ୟ ବିଭାଗ ଓ ବିରିଡି ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଏକ ଡାକ୍ତରୀ ଦଳ  ଗ୍ରାମରେ ପହଞ୍ଚି ରୋଗୀଙ୍କ ରକ୍ତ ନମୁନା ସଂଗ୍ରହ କରି ପରୀକ୍ଷା କରିଥିଲେ l ଗ୍ରାମର ସଂକୁରୀ ଦାସ,ରଞ୍ଜନ ଭୋଇ, ରାଜଶ୍ରୀ ଭୋଇ, ସନ୍ଧ୍ୟାରାଣୀ ଦାସ, ସାଗର ଭୋଇ, ସାଗରୀକା ଭୋଇ, ଅର୍ଜୁନ ଭୋଇ, ସନ୍ଧ୍ୟାରାଣୀ ଭୋଇ, ପ୍ରେମଲତା ଭୋଇ, ସଂଗ୍ରାମ ଭୋଇ,ଶୁଭ୍ରଜିତ ଭୋଇ, ସସ୍ମିତା ଭୋଇ ପ୍ରମୁଖ ଜଣ୍ଡିସ ରୋଗରେ ଆକ୍ରାନ୍ତ ଥିବା ଜଣାପଡିଥିଲା l  ଜିଲ୍ଲା ସ୍ଵାସ୍ଥ୍ୟ ବିଭାଗ ନିର୍ଦେଶରେ ବିରିଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଡାକ୍ତର ଲୋକନାଥ ସାହୁଙ୍କ ନେତୃତ୍ୱରେ ଏକ ଡାକ୍ତରୀ ଟିମ ସେମାନଙ୍କ ଆବଶ୍ୟକ ଚିକିତ୍ସା କରିଥିଲେ l 

ଜଣ୍ଡିସ ବ୍ୟାପିବା ଜଣାପଡିବା ପରେ ତୁରନ୍ତ ପଦକ୍ଷେପ ଗ୍ରହଣ କରାଯିବା ସହ ସମସ୍ତଙ୍କୁ ହାଲୋଜିନ ବଟିକା ଦିଆଯାଇଛି। ଲୋକଙ୍କ ଘରେ ଥିବା କୂଅ, ନଳକୂଅ କୁ ବ୍ଲିଚିଙ୍ଗ ଦ୍ୱାରା ବିଶୋଧନ କରାଯାଇଛି l ଏଥିପ୍ରତି ତୀକ୍ଷଣ ନଜର ମଧ୍ୟ ରଖାଯାଇଛି l ଅନ୍ୟପଟେ ବ୍ଲକ ଜଳଯୋଗାଣ ବିଭାଗ ପକ୍ଷରୁ ଟ୍ୟାଙ୍କର ଯୋଗେ ବିଶୁଦ୍ଧ ପାଣି ଲୋକଙ୍କୁ ଯୋଗାଯାଉଥିବା ଜଣାପଡିଛି l ବ୍ଲକ ଅଧକ୍ଷା ମମତା ପାତ୍ର, ଜିଲ୍ଲାପରିଷଦ ସଭ୍ୟ ଚନ୍ଦ୍ରଶେଖର ଦାଶ ସେଠାକାର ସ୍ଥିତି ଉପରେ ସରପଞ୍ଚ ଓ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଡାକ୍ତର ଙ୍କ ସହ ସହିତ ଆଲୋଚନା କରିଥିଲେ।  ବିଧାୟକ ପ୍ରଫେସର ରମାକାନ୍ତ ଭୋଇ ପହଂଚି ସ୍ଥିତି ଅନୁଧ୍ୟାନ କରିଥିବା ଜଣା ପଡିଛି l