ନୂଆଦିଲ୍ଲୀ,୦୧/୦୨: ଆଉ ମାତ୍ର କେଇ ଘଣ୍ଟାର ଅପେକ୍ଷା । ଆର୍ଥିକ ବର୍ଷ ୨୦୨୫-୨୬ ବଜେଟ୍ ପାଇଁ କାଉଣ୍ଟଡାଉନ୍ ଆରମ୍ଭ ହୋଇଛି । ଆସିବ କେନ୍ଦ୍ର ସାଧାରଣ ବଜେଟ୍ । ପୂର୍ବାହ୍ନ ୧୧ଟାରେ ସଂସଦରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ୍ ଉପସ୍ଥାପନା କରିବେ । ଆମେ ଟିକେ ୩୪ ବର୍ଷ ପଛକୁ ଫେରିଯିବା । ୧୯୯୧ର ବଜେଟ୍ କିପରି ଥିଲା । ଅର୍ଥନୀତି ବିନ୍ଧାଣୀ ତଥା ସେବେ ଅର୍ଥମନ୍ତ୍ରୀ ଥିବା ମନମୋହନ ସିଂହ ଓ ପୂର୍ବତନ ପ୍ରଧାନମନ୍ତ୍ରୀ ପିବି ନରସିଂହ୍ମା ରାଓଙ୍କ ନିଷ୍ପତ୍ତି କଣ ଥିଲା ଯାହା ଦେଶର ଅର୍ଥନୀତିକୁ ବଦଳାଇ ଦେଇଥିଲା । ଆସନ୍ତୁ ଜାଣିବା ।
୧୯୯୧ର ସେ ବଜେଟ୍...
ଦେଶର ବଜେଟ୍ ସହିତ ଅନେକ ଐତିହାସିକ ଘଟଣା ଜଡିତ ରହିଛି । ଯାହା ସବୁବେଳେ ମନେ ରହିବ । ସେଥି ମଧ୍ୟରୁ ଗୋଟିଏ ବଜେଟ୍ ଯାହା ମନମୋହନ ସିଂହ ଉପସ୍ଥାପନ କରିଥିଲେ । ଯାହା ଇତିହାସରେ ଲିପିବଦ୍ଧ । ୧୯୯୧ ମସିହା କଥା । ସେବେ ଦେଶର ଅର୍ଥନୀତି ଦୁର୍ବଳ ଥିଲା । ଦେଶ ପାଖରେ ବହୁତ ସ୍ବଳ୍ପ ଅର୍ଥ ଥିଲା ଯାହାକୁ ନେଇ ଦେଶ ଚଳାଇବା ସମ୍ଭବପର ନଥିଲା । ଏହି ସମୟରେ ଅର୍ଥମନ୍ତ୍ରୀ ଥିବା ମନମୋହନ ସିଂହ ଓ ତତ୍କାଳୀନ ପ୍ରଧାନମନ୍ତ୍ରୀ ପିବି ନରସିହ୍ମା ରାଓଙ୍କ ନିଷ୍ପତ୍ତି ଦେଶର ଅର୍ଥନୀତିକୁ ଦ୍ରୁତ ଗତି ଦେଇଥିଲା । ଦେଶର ଅର୍ଥନୀତିର ଦିଗ ବଦଳାଇ ଦେଇଥିଲା । କୁହାଯାଏ ଯଦି ଉକ୍ତ ବଜେଟ୍ ଉପସ୍ଥାପିତ ନ ହୋଇଥାନ୍ତା ତେବେ ଭାରତର ଅବସ୍ଥା ବର୍ତ୍ତମାନ ପାକିସ୍ତାନ ପରି ହୋଇଥାନ୍ତା ।
ଦେଶର ଅର୍ଥନୀତିକୁ ସୁଦୃଢ କରିବାକୁ ତତ୍କାଳୀନ ଅର୍ଥମନ୍ତ୍ରୀ ମନମୋହନ ସିଂହ ଓ ପ୍ରଧାନମନ୍ତ୍ରୀ ନରସିହ୍ମା ରାଓ ଯୁଗାନ୍ତକାରୀ ବଜେଟ୍ ଉପସ୍ଥାପନ କରିଥିଲେ । ଆଜି ଆମ ଗହଣରେ ଏହି ଦୁଇ ମହାନ ବ୍ୟକ୍ତିତ୍ବ ନାହାନ୍ତି ସତ ହେଲେ ଯେବେ ବି ବିଜେଟ୍ କଥା ଉଠିବ ସେମାନଙ୍କୁ ଗର୍ବ ଓ ପ୍ରେରଣା ପରି ମନେ ପକାଯିବ । ୧୯୯୧ ମସିହାରେ ଦେଶର ଅର୍ଥନୀତି ସେତେ ସୁଦୃଢ ନଥିଲା । ସ୍ବଳ୍ପ ଅର୍ଥକୁ ନେଇ ଦେଶ ଚଳାଇବା କଷ୍ଟକର ଥିଲା । ମନମୋହନ ସିଂହ ଓ ପ୍ରଧାନମନ୍ତ୍ରୀ ନରସିହ୍ମା ରାଓଙ୍କ ନିଷ୍ପତ୍ତି ଦେଶର ଆର୍ଥିକ ସ୍ଥିତିକୁ ବେଗ ଦେଇଥିଲା । ମାତ୍ର କିଛି ବର୍ଷ ମଧ୍ୟରେ ଦେଶର ଆର୍ଥିକି ସ୍ଥିତି ସୁଧୁରିଥିଲା ।
ବଜେଟରେ ହୋଇଥିଲା ବଡ ନିଷ୍ପତ୍ତି- ମନମୋହନ ସିଂହ ଦେଶର ଲାଇସେନ୍ସ ରାଜକୁ ଶେଷ କରି ଆର୍ଥିକ ଉଦାରୀକରଣର ଯୁଗ ଆରମ୍ଭ କରିଥିଲେ । ଉକ୍ତ ବଜେଟ ସେହି ସମୟରେ ଉପସ୍ଥାପିତ ହୋଇଥିଲା ଯେବେ ଦେଶର ଆର୍ଥିକ ଅବନତୀ ପଥରେ ଥିଲା । ସୀମା ଶୁଳ୍କକୁ ୨୨୦ରୁ କମ କରି ୧୫୦ କରାଯାଇଥିଲା । ଏହିପରି କିଛି ବଡ ନିଷ୍ପତ୍ତି ନିଆଯାଇଥିଲା । ଯେଉଁଥିରେ ଭାରତ ବିଦେଶୀ ନିବେଶକଙ୍କୁ ଆସିବାକୁ ବାଟ ଖୋଲିଥିଲା ।
କାହିଁକି କୁହାଯାଏ ଯୁଗାନ୍ତକାରୀ ବଜେଟ୍- ଏହି ବଜେଟରେ ବିଦେଶୀ କମ୍ପାନୀର ଆଗମନକୁ ଅନୁମତି ମିଳିଥିଲା । ଏକାଧିକ ନିୟମରେ ପରିବର୍ତ୍ତନ ହୋଇଥିଲା । ଏହା ସହିତ ବ୍ୟବସାୟକୁ ବଢାଇବାକୁ ଗୁରୁତ୍ବପୂର୍ଣ୍ଣ ପଦକ୍ଷେପ ନିଆଯାଇଥିଲା । ରାଜକୋଷ ବଢିବାକୁ ଲାଗିଥିଲା । ଅର୍ଥନୀତି ଟ୍ରାକକୁ ଫେରିଥିଲା । ଧିରେ ଧିରେ ଦେଶ ବିକାଶ ପଥରେ ବଢିଥିଲା । ତତ୍କାଳୀନ ଅର୍ଥମନ୍ତ୍ରୀ ମନମୋହନ ସିଂହଙ୍କ ଏହି ବଜେଟକୁ ଯୁଗାନ୍ତକାରୀ ବିଜେଟ୍ ନାମରେ ନାମିତ କରାଯାଇଥିଲା ।
ନିର୍ମଳା ସୀତାରମଣଙ୍କ ନାମରେ ରେକର୍ଡ- ସଂସଦରେ ବଜେଟ୍ ପେଡି ଖୋଲିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ରାଜକୋଷର ହିସାବ ଦେବେ ନିର୍ମଳା । ଲାଗାତାର ଅଷ୍ଟମ ଥର ପାଇଁ ବଜେଟ୍ ଉପସ୍ଥାପନ କରିବାକୁ ଯାଉଛନ୍ତି ନିର୍ମଳା ସୀତାରମଣ । ସର୍ବାଧିକ ବଜେଟ୍ ଉପସ୍ଥାପନ କରିବାରେ ସେ ପ୍ରଥମ ମହିଳା । ଏହା ସହିତ ୨୦୨୦ରେ ସବୁଠୁ ଲମ୍ବା ସମୟ ବଜେଟ୍ ଭାଷଣ ୨ ଘଣ୍ଟା ୪୨ମିନିଟ୍ ଦେବାର ରେକର୍ଡ ରହିଛି ।
